28/10/2024
اکثر لوگ ایسی پوسٹس شیئر کرتے نظر آتے ہیں جن میں وہ پاکستانیوں کے برے کاموں کے ساتھ اسلام کو بھی نمایاں کرتے ہیں، یا دوسری قوموں کی مثالیں دیتے ہیں۔ ان لوگوں سے میں یہ کہنا چاہوں گا کہ خود سے ایک سوال کریں: پاکستان میں لوگ عملی طور پر اسلام کو کتنا فالو کرتے ہیں؟ سب لوگ پریشان ہیں لیکن مساجد کیوں ویران ہیں؟ ہر بات میں جھوٹ اور دھوکہ کیوں دیتے ہیں؟ کاروبار میں منافع خوری کیوں کرتے ہیں؟ اسلامی حلیہ بنا کر لوگوں کو دھوکہ کیوں دیتے ہیں؟ کیا یہ اسلام کی تعلیمات ہیں؟ دیکھو، اللہ اور اس کے رسول ﷺ کیا فرماتے ہیں۔
"اور جھوٹ سے پرہیز کرو"
(سورۃ الحج 22:30)
"اور نہ لوگوں کے مالوں میں ان کے حق کو گھٹاؤ، اور زمین میں فساد نہ پھیلاؤ"
(سورۃ الشُعَرَاء 26:183)
"اے ایمان والو! تم کیوں وہ بات کہتے ہو جو تم کرتے نہیں ہو؟"
(سورۃ الصف 61:2)
"جھوٹ سے بچو، کیونکہ جھوٹ بدکاری کی طرف لے جاتا ہے، اور بدکاری جہنم کی طرف لے جاتی ہے۔"
(صحیح مسلم)
"جو دھوکہ دے وہ ہم میں سے نہیں ہے۔"
(صحیح مسلم)
"منافق کی تین نشانیاں ہیں: جب بولے جھوٹ بولے، جب وعدہ کرے توڑ دے، اور جب اس کے پاس امانت رکھی جائے تو خیانت کرے۔"
(صحیح بخاری و صحیح مسلم)
لہٰذا، براہِ کرم، جو بھی بری بات ہو، اسے اسلام پر ذمہ دار نہ ٹھہرائیں۔
