Khalid Hasanin

03/09/2026

1.8 مليار درهم تصرفات عقارية في دبي… في يوم واحد فقط!

الرقم مش مجرد خبر كبير، هو مؤشر واضح على حجم السيولة والحركة اللي موجودة في سوق دبي العقاري.

بحسب البيانات المنشورة، تم تسجيل 682 صفقة بقيمة إجمالية وصلت إلى 1.8 مليار درهم:
المبيعات: 1.1 مليار درهم عبر 497 صفقة
الرهون: 306 ملايين درهم عبر 155 صفقة
الهبات: 343 مليون درهم عبر 30 صفقة

الأرقام بتتغير من يوم ليوم، لكن اللي يستحق المتابعة فعلًا هو حجم النشاط المستمر في السوق، وده أحد أهم المؤشرات لأي شخص بيفكر يدخل دبي بهدف الاستثمار العقاري.

خالد حسانين
مستشار تسويق عقاري
للتواصل: +971 58 586 8155
KhalidHasanin.com

#دبي #عقارات

27/08/2026

جيل التمانينات والتسعينات أكيد فاكر برنامج «من أجل البقاء» 😂

كنت بتفرج عليه وأنا مستمتع جدًا…
الراجل يصحى يلاقي نفسه في الصحرا، مفيش أكل، مفيش مية، ومش عارف هيرجع الحضارة إزاي.

وأنا قاعد قدام التلفزيون أقول:
ياااه… مغامرة! نفسي أجرب الإحساس ده يوم 😂

مكنتش أعرف إن البرنامج كان تدريب عملي للحياة بعد التلاتين.

تصحى الصبح كل يوم:
مطلوب منك تعرف هتعيش إزاي،
هتدفع إيه الأول،
هتتصرف منين،
وهتوصل لنهاية الشهر إزاي…

الفرق الوحيد إن بير غريلز كان معاه سكينة وحبل…

إحنا معانا Calculator 😂

طلع اسمه «من أجل البقاء» مش اسم البرنامج…

دي كانت رسالة تحذيرية لجيلنا وإحنا ماخدناش بالنا 😂😂

26/08/2026

اللي بيتابع حركة التطوير في دبي هيلاحظ إن جميرا 1 بدأت تاخد شكل مختلف تمامًا الفترة الأخيرة.

والجديد دلوقتي إن ميراس بالتعاون مع BGRE بدأت أعمال التجهيزات الأساسية لمشروع «سولايا – Solaya» في جميرا 1.

اختيار الموقع في حد ذاته مهم جدًا، خصوصًا إننا بنتكلم عن واحدة من أقدم وأميز مناطق دبي، ومع دخول مشروعات فاخرة بالشكل ده، المنطقة مرشحة تشهد تطور كبير خلال الفترة الجاية.

المصدر: جريدة البيان

خالد حسانين
مستشار تسويق عقاري

📞 +971 58 586 8155
‏🌐 Khalidhasanin.com

#دبي الاستثمار_في_دبي سوق_دبي_العقاري جميرا ميراس Meraas BGRE Solaya DubaiRealEstate DubaiProperty RealEstateDubai UAERealEstate

24/08/2026

بالأرقام

كشفت بيانات نشرتها جريدة البيان عن أبرز المناطق ذات الأسعار التنافسية لشقق غرفة نوم واحدة في دبي.

🏠 للشراء: تبدأ الأسعار من نحو 779 ألف درهم في مجمع دبي للاستثمار، ثم 930 ألفًا في تاون سكوير و960 ألفًا في مدينة دبي الرياضية.

🔑 للإيجار: تبدأ من نحو 55 ألف درهم سنويًا في النهدة، و60 ألفًا في ديرة ودبي الجنوب، بينما تتراوح عدة مناطق أخرى بين 65 و72 ألف درهم سنويًا.

الأرقام تعطيك نقطة بداية جيدة، لكن السعر وحده لا يحدد الفرصة الأفضل؛ العائد، الطلب، رسوم الخدمات ومستقبل المنطقة عوامل مهمة قبل اتخاذ قرار الاستثمار.

المصدر: جريدة البيان

خالد حسانين | مستشار تسويق عقاري
📞 فون وواتساب: +971 58 586 8155
‏🌐 www.khalidhasanin.com

24/08/2026

أبيع Low Ticket ولا High Ticket؟

أبيع كتير وأكسب قليل؟ ولا ضربة بمرزبة أحسن من عشرة بشاكوش؟

الحقيقة إن السؤال نفسه غلط.

لأن البيع نتيجة… والنتيجة مش دايمًا تقدر تتحكم فيها.
لكن اللي تقدر تتحكم فيه فعلًا هو أداؤك:

عدد العملاء اللي كلمتهم، جودة عرضك، متابعتك، المحتوى اللي بتقدمه، وقدرتك على تطوير نفسك كل يوم.

اختار الطريق اللي يناسبك ويريّحك… سواء Low Ticket أو High Ticket.

بس بدل ما تسأل نفسك: بعت كام؟
اسأل: أنا عملت إيه النهارده علشان البيع يحصل؟

ركّز على الأداء… والنتيجة هتيجي.

خالد حسانين
مستشار تسويق عقاري
📞 +971585868155

#المبيعات

23/08/2026

22/08/2026

السوق العقاري اليومين دول كان عامل شوية زي قاع الهامور 😂😂😂

الـLeads قلت، العميل بقى أصعب في قراره، والـClosing مبقاش بالسهولة اللي ناس كتير اتعودت عليها.

وده كان له جانب سلبي طبعًا… لكن في رأيي كان له جانب إيجابي مهم جدًا.

الفترة دي عملت غربلة حقيقية للسوق.

ناس كتير دخلت العقارات وقت ما الدنيا كانت ماشية والبيع أسهل، ولما السوق هدي شوية اكتشفوا إنهم يا إما مش حابين المجال بالشكل الكافي، يا إما مش مستعدين يتعلموا ويتعبوا ويغيّروا طريقة شغلهم.

واللي كمل
هو اللي بدأ يفهم إن وقت هدوء السوق مش وقت إنك تقعد مستني.

خصوصًا إن الوضع حاليًا بدأ يتحسن، وأنا مؤمن إن دبي لسه دبي… والسوق هيرجع يتحرك والموجة هترجع تاني.

بس لحد ما الموجة ترجع، متقفش على الشط مستني العميل يطلعلك لوحده.

راجع الـLeads القديمة، اشتغل على الـFollow-up، قوّي علاقاتك، اعمل Content، اتعلم Marketing، وافهم عميلك أكتر.

لأن السمك مختفاش…

هو بس نزل أعمق.

ولو عايز تصطاد في الفترة دي، يبقى لازم تعرف تنزل قاع الهامور وتطلع منه بالـLeads الصح. 🎣🏙️

#دبي