10/06/2026
حامد کرزی:
پاکستان باید د افغانستان پر وړاندې د جګړې او ویجاړۍ له سیاست لاس واخلي
د هېواد پخواني ولسمشر حامد کرزی د پاکستان له لوري د افغانستان د هوايي حریم د نقض او په کونړ ولایت، خوست ولایت او پکتیکا ولایت کې د ملکي وګړو د مرګژوبلې راپورونه په سختو ټکو غندلي دي.
کرزي د قربانیانو له کورنیو سره خپله خواخوږي څرګنده کړې او د وژل شویو او ټپیانو لپاره یې د تسلیت او خواخوږۍ پیغام وړاندې کړی دی.
نوموړي ویلي، پاکستان باید د افغانستان پر وړاندې د جګړې، تاوتریخوالي او ویجاړۍ له سیاست څخه لاس واخلي او د دواړو هېوادونو ترمنځ د متقابل احترام، ښه ګاونډیتوب او متمدنو اړیکو لاره خپله کړي.
کرزي ټینګار کړی، چې د سیمهییزو ستونزو حل د زور او پوځي اقداماتو پر ځای د خبرو اترو، تفاهم او متقابل درناوي له لارې ممکن دی او د ملکي وګړو خوندیتوب باید تل لومړیتوب ولري.
#میثاق
