13/08/2026
د پنجشېر ولایت د رسنیو دفتر:
پنجشېر کې د ۱۰ میلیونه ډالرو په ارزښت د تولیدي فابریکو د جوړولو چارې پیل شوې
د پنجشېر ولایت د رسنیو دفتر ویلي، چې یو شمېر سوداګرو په دغه ولایت کې د څښاک اوبو، سیروم او غیرالکولي مشروباتو د تولید د فابریکو د جوړولو لپاره د شاوخوا ۱۰ میلیونه ډالرو په ارزښت د پروژو عملي چارې پیل کړې دي.
د خبرپاڼې له مخې، د تفریحي پارکونو د جوړولو په برخه کې هم پنځه میلیونه افغانۍ پانګونه شوې ده.
د پنجشېر والي محمدآغا حکیم له یو شمېر سوداګرو سره په لیدنه کې د خصوصي سکټور پر ملاتړ ټینګار کړی او له سوداګرو یې غوښتي چې په دغه ولایت کې له شته پانګیزو فرصتونو ګټه واخلي.
د ولایت د رسنیو دفتر زیاتوي، د دغو پانګونو موخه د تولیدي فعالیتونو پراختیا، د خصوصي سکټور پیاوړتیا او د کار زمینه برابرول بلل شوې ده.
#میثاق
