12/06/2026
Gjatë 12 ditëve të protestës, një fenomen i pazakontë ka tërhequr vëmendjen e pjesëmarrësve dhe mediave: interesi i turistëve të huaj për të ndjekur nga afër zhvillimet në terren.
Vizitorë nga vende të ndryshme janë parë duke ndjekur protestat, duke biseduar me qytetarët, duke filmuar momentet kryesore dhe duke u interesuar për kauzën që ka sjellë mijëra njerëz në shesh. Në disa raste, turistët kanë shkuar edhe më tej, duke marrë fjalën në podium dhe duke ndarë përshtypjet e tyre me të pranishmit.
Pamjet e mbledhura gjatë këtyre ditëve tregojnë se protesta ka ngjallur kureshtje dhe interes tek shumë vizitorë të huaj.
Pavarësisht debatit mbi ndikimin e protestave në turizëm, prania e vazhdueshme e turistëve dhe përfshirja e disa prej tyre në aktivitetet e organizuara ka krijuar një aspekt të veçantë të këtyre 12 ditëve, duke e kthyer protestën jo vetëm në një ngjarje qytetare, por edhe në një pikë interesi për vizitorët.
