21/10/2025
: Kuri uwu wa kabiri, igenekerezo rya 21 Gitugutu 2025 niho haramutse hibukwa ku ncuro ya 32, igandagurwa ry'Umukuru w'Igihugu Melchior Ndadaye, incungu ya demokarasi.
Umukuru w'Igihugu Evariste Ndayishimiye ari kumwe n'Umutambukanyi wiwe, Angéline Ndayishimiye akaba ahejeje gushira ingori z'amashurwe ku ntatemwa y'iyo ncungu ya demokarasi hamwe n'iyitiriwe umumaratiri atamenyekanye yazize amabi yakozwe ku wa 21 Gitugutu 1993, zose ziri mu ngoro y'abamaratiri ba demokarasi muri komine Mukaza y'intara ya Bujumbura.
Abategetsi batandukanye bari bishikiye muri ico kibanza. Aha twovuga nk'abakuru b'Inama Nshingamateka na Nkenguzamateka, icegera c'Umukuru w'Igihugu, Umushikiranganji wa mbere n'abandi banyacubahiro harimwo n'umutambukanyi w'umuhisi Melchior Ndadaye hamwe n'uw'umuhisi Pierre Nkurunziza.
Hakaba hakurikira imisa yo gusabira iyo ncungu ya demokarasi, ibera kuri katedarare Regina mundi.
Achieve Your Dreams
