06/01/2023
Die Geschichte vom kleinen Funken 30/n
Tach zesamme!
Jestern wor jo Maaht in Bensberresch. Un am Maaht-Daach jonn isch immer e bessje flaneere. Isch also d'r Birresch erop – janz schöne Schteijung vun Lückerath us, kann isch Üsch saache! Beim Café Amelie mooht isch eetzens e Päusje maache un dann benn isch eröwwer en de Schloss Apothek' erin. Die hann do hingen dursch e janz jroooß Rejal met esu aale brung Fläsche schtonn. Bei brungem Jlas un Fläsche-Forrem muss isch jo treck aan e lekker Kölsch denke. Isch also erin in dat Rejal un ens luure, wat do en denne Fläsche es.
Un, watt sull isch Üsch saache: nur Luff drinne – noch niddens heiße. Tz. Kain ainzijes Tröpfschen Medizin, jeschweije denn innerlisch aanzewendende Hopfenmedizin. :-(
Do schtund isch dann wie beschtallt un nit affjehollt. Äwwer die Lückscher us d'r schloss_apotheke_bgl hann mir dann noch en E-Mail hingerherjescheck. Die däuen isch ens heeh näwwen dat Fotto.
Es datt nitt nett?!
