AVR پښتو

AVR پښتو موږ مو له مهمو پیښو خبروو او هرڅه ته چټک پوښښ ورکوو. www.avr.fm

Afghanistan Voice Radio (AVR) is operating as an online internet radio platform, aiming to provide uncensored broadcasts for the people of Afghanistan. Operating from a German city, AVR broadcasts a 6-hour program four times within a 24-hour period, reaching thousands of listeners in Afghanistan via social media channels.​

The focus of AVR's broadcasts on women's education, human rights, freedom

of expression, and addressing issues like illegal immigration is crucial, especially considering the limitations imposed by Taliban censorship. Since August 15, 2021, when the Taliban assumed power, there has been a significant lack of diverse voices and information accessible to the Afghan population.​

16/06/2026

جمهور رئیس ډونالډ ټرمپ په فرانسې کې د نړۍ اوو سترو اقتصاد لرونکو هیوادونو د سرمشریزې په یوې فرعې غونډې کې د عربي متحده اماراتو د مشر شیخ محمد بن زاهد النهیان سره دوه اړخیز مجلس لري

16/06/2026
مردان کې روزنیزه الوتکه لوېدلې؛ دوه پوځیان وژل شوي او دوه ولسي وګړي ټپیان ديد خیبر پښتونخوا د مردان ضلعې په کاټلنګ سړک د...
15/06/2026

مردان کې روزنیزه الوتکه لوېدلې؛ دوه پوځیان وژل شوي او دوه ولسي وګړي ټپیان دي

د خیبر پښتونخوا د مردان ضلعې په کاټلنګ سړک د جبر نهر سیمې ته څېرمه یوه روزنیزه الوتکه لوېدلې ده، چې له امله یې دوه پوځیان وژل شوي او دوه ولسي وګړي سخت ټپیان شوي دي.

د ریسکیو ۱۱۲۲ ادارې د معلوماتو له مخې، د پېښې له خبر ترلاسه کولو سره سم د ژغورنې او طبي مرستو ډلې د پېښې ځای ته ورسېدې، ټپیانو ته یې لومړنۍ مرستې برابرې کړې او وروسته یې د لا درملنې لپاره نږدې روغتون ته انتقال کړل.

ټرمپ او ایران اعلان وکړ چې د جګړې د پای ته رسولو لپاره هوکړې ته ورسیدلامریکا ولسمشرډونالډ ټرمپ اعلان وکړ چې په منځني ختی...
15/06/2026

ټرمپ او ایران اعلان وکړ چې د جګړې د پای ته رسولو لپاره هوکړې ته ورسیدل

امریکا ولسمشرډونالډ ټرمپ اعلان وکړ چې په منځني ختیځ کې د جګړې د درولو، د هرمز تنګي د بیا پرانیستلو، او د ایران پر بندرونو د امریکا د بندیز د پای ته رسولو لپاره یوې هوکړې ته رسېدلي دي.

ټرمپ په خپلې ټولنیزې شبکې تروټ سوشال کې د دغې هوکړې له اعلان سره سم ولیکل: "د ایران د اسلامي جمهوریت سره موافقه اوس بشپړه شوې ده." دا هوکړه د ۶۰ ورځو په مخه واشنګټن او تهران ته فرصت برابروي چې په دې موده کې د سولې د یوه تفصیلي تړون په اړه خبرې اترې وکړي.

د پاکستان صدراعظم شهبازشریف، چې هېواد یې د واشنګټن او تهران ترمنځ د منځګړي رول لوبولی، هم تایید کړه چې د سولې هوکړه شوې ده او د لاسلیک مراسم به د راتلونکې جمعې په ورځ د جون په ۱۹مه په سویس کې ترسره شي.

ایران هم د هوکړې ترلاسه کېدل تایید کړل. د ایران د بهرنیو چارو وزارت مرستیال وزیر کاظم غریب آبادي د دوشنبې په ورځ د جون په ۱۵ وویل: "د جګړې دایمي او سمدستي پای په ټولو جبهاتو کې اعلان شوی، چې لبنان هم پکې شامل دی."

هغه زیاته کړه چې د هرمز تنګی به د هوکړې له رسمي لاسلیک وروسته، د جون په ۱۹مه، بېرته پرانیستل شي.

په جرمني کې د تاریخي کتاب مخکتنه، مشاعره او سندریز ماښام ترسره شولبون – د افغانستان د کلتوري ودې ټولنې له لوري په جرمني ...
14/06/2026

په جرمني کې د تاریخي کتاب مخکتنه، مشاعره او سندریز ماښام ترسره شول

بون – د افغانستان د کلتوري ودې ټولنې له لوري په جرمني کې د یوه تاریخي کتاب د مخکتنې، د «لونګو امېل» په نوم ادبي مشاعرې او سندریز ماښام ګډ فرهنګي پروګرام ترسره شو، چې پکې د جرمني او د اروپا له بېلابېلو هېوادونو څخه لسګونو لیکوالانو، شاعرانو، فرهنګیانو او د ادب مینه والو ګډون کړی و.

غونډه د قرآن کریم د سپېڅلي تلاوت او د افغانستان د ملي سرود په خپرېدو سره پیل شوه.

د پروګرام لومړۍ برخه د «د افغانستان د ۱۳۴۳ کال د اساسي قانون د لویې جرګې بهیر» په نوم د یوه تازه چاپ شوي تاریخي کتاب مخکتنې ته ځانګړې شوې وه. په دې برخه کې دلاور نظیرزوی، پوهاند نصرالله ستانکزی، ډاکټر محمد زرین انځور، جمال رحمان او ډاکټر خوشال روهي د کتاب پر محتوا، تاریخي ارزښت او د افغانستان د سیاسي او حقوقي تاریخ په برخه کې د هغه پر اهمیت خبرې وکړې.

ویناوالو د ۱۳۴۳ کال اساسي قانون د افغانستان د سیاسي تاریخ یوه مهمه لاسته راوړنه وبلله او د دې قانون د لویې جرګې د بهیر مستندسازي یې د راتلونکو نسلونو لپاره ارزښتناکه وښوده.

د کتاب د مخکتنې له غونډې وروسته، د هېواد د تعلیمي وضعیت او د زده کړو پر وړاندې د شته ننګونو په اړه بحث وشو. په همدې مناسبت، د پوهنې او زده کړو په برخه کې د مطیع الله ویسا د هڅو او خدمتونو د ستاینې په موخه، د افغانستان د کلتوري ودې ټولنې له خوا هغه ته د غازي امان الله خان نښان ورکړل شو. همداراز، د افغاني دود له مخې نوموړي ته د اعزاز لونګۍ ور په سر شوه.

د پروګرام دویمه برخه د «لونګو امېل» تر سرلیک لاندې مشاعرې ته ځانګړې شوې وه. په دې ادبي غونډه کې د جرمني او یو شمېر نورو اروپايي هېوادونو شاعرانو او لیکوالانو خپل شعرونه او ادبي اثار وړاندې کړل. د مشاعرې ځانګړې مېلمنه د افغانستان نوموتې شاعره او لیکواله پروین ملال وه، چې د خپلو ادبي فعالیتونو او تجربو په اړه یې هم خبرې وکړې.

د غونډې وروستۍ برخه سندریز ماښام ته ځانګړې شوې وه. په دې برخه کې ځوانو افغان سندرغاړو نصیب ثاقب او فیض الله امیري د غزلو او ملي سندرو په وړاندې کولو سره ګډونوالو ته هنري پروګرام وړاندې کړ.

د افغانستان د کلتوري ودې ټولنه، چې له نږدې درې لسیزو راهیسې په جرمني کې فعالیت کوي، د کتابونو د چاپ، علمي سیمینارونو، ادبي غونډو، مشاعرو او د ملي مناسبتونو د نمانځنې له لارې د افغان فرهنګ، ادب او تاریخي ارزښتونو د ساتنې او ودې لپاره هڅې کوي

اشرف غني ؛ په هرات کې د وروستیو پیښو په اړه غمجن یم د افغانستان پخوانې ولسمشر غني په هرات کې د تالبانو د امر بالمعروف لخ...
12/06/2026

اشرف غني ؛ په هرات کې د وروستیو پیښو په اړه غمجن یم
د افغانستان پخوانې ولسمشر غني په هرات کې د تالبانو د امر بالمعروف لخوا د ښځو نيول، بندي کول، وهل او پر لاريونوالو د ډزو پېښې غندلې دي او خواشيني يې پرې ښودلې ده.

ولسمشر غني په يو پيغام کې ويلي، هرات کې له ښځو سره په تاوتريخوالي له زړه غمجن يم.

10/06/2026

دریمه حمله
نن یو ځل بیا وسله والو کسانو دپاکستان کویټي ښار د پشین په دینار سیمه کې د پاکستانې پولیسو په مرکز برید وکړ
د برید سره سم د پاکستانې ځواکونو څخه ټولې وسلې او نور تجهیزات یې لوټ کړي او امنیتې پوسته وسلوالو د سکواټر په مرسته لمنځه وړي ده
د امنیتې ځواکونو په اړه تراوسه هیڅ ډول معلومات نسته
ویل کیږي دا بریدونه د BLA لخوا همهانګ سوي او د هغوی له لوري ترسره کیږي

Adresse

Hölderlinstrasse 30, Germany
Bonn
53121

Telefon

+491783031877

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von AVR پښتو erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an AVR پښتو senden:

Verknüpfungen

Teilen