Marketing with Zahra

25/08/2026

راكم هنا نديرو لايف بعد نصف ساعة !

24/08/2026

صادفني هذو زوج إعلانات دايرين سبونسور فيديو ماشي تاعهم ولا حوايج تاعهم ملكم جايبينهم من صفحات وحدوخرين العباية من براند كويتي حوايج تع أطفال صفحة تركية
حبيت تدي مودال تخدم كيما هو عادي كامل راهم هكدا يدوو ليمودال بصح جيب فيديو وتوري مودال على اساس تاعك وناس تشري بسك عجبها مودال وصح كي جي تشوفي شابين لا من فصالة ولا قماش هدا راه في دين حرام توري حاجة وتلحق حاجة ،عادي خدمت نفس مودال ديرلو شوتينغ صور في مانكا مهم صور المودال على حقيقتو هنا حب يقول مودال مش نفسو كي مصورتش.
وفي غالب يلحق للزبون حاجة غير لي شافها
أقل شيء صور بAi لي يكون قريب الواقع مش هداك لي يبان Ai لأنو ناس تاني تخاف متكونش صورة حقيقية
انا نقول عباد هدو هما لي رح يخسرو تجارة الكترونية في جزائر
منشور جاي نحكيلكم على كارثة حكاتهالنا مؤكدة طلبيات مع تاجرة متخافش ربي
كاش نهار طلبتي حاجة ولحقاتك حاجة

23/08/2026

الأستاذ اللي يعرف يشرح المعلومة مليح، ما يكفيش باش ينجح في التعليم عن بعد.

لأن القسم تبدّل…

ما بقاش التلميذ لازم يكون قدامك في نفس المكان باش يتعلم منك.

اليوم تقدر تكوني في دارك، والطالب يكون في ولاية أخرى، وحتى في بلد آخر… وتقدري توصليلو المعلومة، تشرحي، تطبقي، تتابعي، وتبني مجتمع كامل من المتعلمين حول المحتوى تاعك.

لكن هنا السؤال الحقيقي:

إذا دخلتي لـ Zoom وما عرفتيش كيفاش تنظمي الحصة؟
إذا حبيتي تسجلي درس وما عرفتيش كيفاش تسجلي الشاشة والصوت؟
إذا عندك معلومة قوية بصح ما تعرفيش كيفاش تحوليها لمحتوى تعليمي؟
إذا الطالب يتشتت أثناء الدرس وما عندكش أدوات تخليه يتفاعل؟
وإذا حبيتي تكتبي، ترسمي، وتشرحي مباشرة باستعمال Graphic Tablet… واش راح تديري؟

المشكل غالباً ماشي في المعلومة اللي عندك.

المشكل في طريقة تقديمها.

وهنا بالضبط يبان الفرق بين أستاذ عندو خبرة… وأستاذ يعرف يحوّل خبرتو إلى تجربة تعليمية أونلاين.

مع الأستاذة ابتسام خبرة ستة سنوات في مجال التعليم عن بعد و صاحبة قناة تعليمية في يوتيوب، في دورة مهارات التعليم عن بعد ما راحش نوقفو عند الجانب النظري.

راح نتعلمو خطوة بخطوة:

كيفاش تبداي صح في التعليم عن بعد
كيف تختاري الفئة اللي راح تعلميها
كيف تبني هوية تعليمية ومحتوى يميزك
كيف تستعملي Zoom وتنظمي محاضراتك
كيف تنظمي قناة أو مجموعة Telegram للمتعلمين
كيف تسجلي الدروس وتعدلي الفيديوهات
كيف تستعملي Graphic Tablet للكتابة والرسم والشرح المباشر

والأهم؟

7 حصص، كل حصة ساعتين، بتطبيق عملي على الأدوات.

لأن الفرق بين وحدة تعرف وحدة تقدر طبق … غالبا يكون في الممارسة.

تخيلي بعد فترة كي يولي عندك درس منظم، محاضرة أونلاين، محتوى تعليمي، قناة للمتعلمين، وطريقة واضحة باش تقدمي خبرتك…

هل راح تبقى عندك نفس نظرة "ما نعرفش كيفاش نبدا؟

ولي حابة تخوذ تجربة التعليم أونلاين تتواصل معي على الخاص ولا تعلق بتعليم عن بعد ؟

23/08/2026

إلى كل الأستاذات والي يتقنو االلغات إنظمو الى قناتي تع تلغرام لأنو كل مرة راهي تحط عندي الاستاذة شيماء عروض عمل في مجال التعليم أونلاين راهي أدمن في قناة تلغرام
ولي ميعرفش الأستاذة شيماء استاذة تقري أونلاين لعدة سنوات داخل وخارج الوطن عندها إحتكاك ومعرفة واسعة في مجال هدا
العروض أغلبها الناس والاكادميات تتواصل معاها شخصيا لعرض العمل مش كوبي كولي من جهات وصفحات أخرى يعني عرض رح يكون جديد ولازم تشوفيه في ساعتو باش تلتحقي بفرصة

23/08/2026

التششت مشكلة العصر لي بزاف راهم يعانيو منو. و أفضل مايتحدث عليه هي المختصة النفسية مريم حنو ولي كانت دارتلكم دورة مجانية تطبيقية مدتها أسبوع ومجانا على قناتها في تلغرام رح نعاود نديرو لابف على التشتت لي راه مضيعكم وسارق وقتكم وعمركم هدا الأسبوع رح يكون بعد الظهر اليوم مزال ماكدتليش برك لكن وعد نديروها
ورح نديروها على شكل بودكاست ان شاء الله شكون مهتمة باش تشوف تعليقاتكم نبرمجوها في اقرب وقت

22/08/2026

عندها مدة لاحظت وحد الأخت تقدم خدمة في منصات العمل الحر وعندها عملاء تحط على خدمة للي تقدمها في وحد القروب تشرح بعض أمور على الخدمة هديك يعني محتوى تعليمي بحت
زيرو تفاعل مكاش لي تسقسيها ختى واش هدي خدمة ومرة حطت payement تاعها في منصة upwork يعني شحال دخلوها دراهم حطت 100دولار هديك تعليقات شوية بداو يتحركو علاه وبيانصور كلمة مشهورة في تعليقات كي يشوفو خلاص واش تخدم واش تخدم كي كانت تحط في خدمة تاعها وتشرح ودير ملاحظات على خدمتها

مكانش لي سقسات ولا حوست تتعلم بصح كي حطت دراهم قاع حبو يعرفو. علابلكم هدي عقلية تع إهتمام بنتيجة برك وتخلو واش يلحقك للنتيحة هدي عقلية مش رح تلحقك بعيد ومتلحقش ،وتاني هدي لقطة صحاب إنجازات كاذبة دايمن يديرو طعم باش تتعلمو عندهم بلعكس بلا ميعطيك تفاصيل كفاش حتى تربح هديك لاصوم

فخليكم ذكيات شوية خمو منطقيا كفاش صح هديك مهارة ولا خدمة ولا مشروع يدخل. خلي عندك تحليل مالي
وأيضا حاجة مهمة ركزي على كفاش تتعلمي وتتقني خدمة تاعك وتحوسي المهارة الانسب ليك أولا ومش أي مهارة دخل دراهم مناسب ليك تاني ركزي على طريق لي تحققلك نتيجة مش نتيجة ديراكت علاش كي تشوفي تارت شابة ومشبحة وبيان فيني علاش طلعت وحدها راهي فاتت على مراحل و مراحل تعب سهر ضغط باش لحقت هدي نتيجة تاني مدخول لي يتلاقاه كاش فريلانسر ولا واحد يدخل دراهم راه جاز على مراحل باش حققها بدل متسقسي على نتيحة سقسي على مسسببات النتيجة أقراي منشوري و عاوديه باش متنسايش صديقتي ❤️

22/08/2026

دخلي سمعي فيديو وكملي ولا تساليني ليش

21/08/2026

أكثر ميساج أثر فيا الاستاذة حنان
بفضل الله ثم بفضل دورة المنتجات الرقمية خرجت المنتج لي كان حلمها لسنوات بتوفيق الغالية حنان ربي يجعلو فاتحة خير ورزق وتبيع منوو عشرات الالاف لأنه صح صح منتج مميز

21/08/2026

21/08/2026

جمعة طيبة
مساحة إعلانية للتسويق لمشاريعكم