Kali frame

13/07/2025

تجميعة بال 9800x3d
ماعندهااا حتى معنااااااا كسعر مقابل أداء ... إييه معالج بزاااف مليح للقايمينق ..لكن مقارنة بالسعر بزاف غالي و خاصة إدا تلعب فال 1440p ولا 4K ...مراحش تشوف الفرق قع لأنو الحمل يكون على كارت الشاشة
ولا ماتلعبش كومبيتيتف قايمينق لي هي CPU-intensive
نشوف بلي خسارة الدراهم مراحش تشوف الفرق الكبير مقارنة واش راح تدفع ...ماشي ديما الأفضل يكون بالضرورة مناسب لك و لا الفرق تشوفو بعينيك
غير إدا مايهمكش السعر قع .....

ماتفهمنيش غلط معالج بزاف قوي لاكن غالي بزاف بالنسبة لواش يمدلك

10/07/2025

لا حظت بزاف تجميعات يحطوهم لي باج تاع قايمينق .... يديرو تجميعة يقولك موجه للألعاب و يدير إنتل 14 جينيراسيون مثال 14700kf .. هو معالج قوي لكن بسعر تاعو الأحسن amd ...ومنصة am5 لتقدر التطور من بعد ل x3d .... يعني حبيت نقول مايراعوش السعر مقابل الأداء
إللي حاب يدير تجميعة دائما تذكر حاجة
مكاااااااش معالج سئ ولا كارت شاشة سئ
كاين سعر سئ (غير جيد)

Send a message to learn more

04/07/2025

بمجرد التحديث الجديد من amd
على الكارت rx9070xt
يعطيلك برفورمنس حتى 20بالمئة في بعض الألعاب يعني تقدر تقول خير من 5070ti
وأرخس منها ...

Send a message to learn more

03/05/2025

حتى و إن كان إسم الكارت قرافيك نفسه مايعنيش نفس الأداء !!!!!
أوكيفااه هذي
نقصد مثلا 4070 و 4070 الي فلابتوب ليست نفس الأداء
لأنو لابتوب يكون عامل الحرارة و عامل الطاقة في مساحة صغيرة راح ينقص الأداء مقارنة ب كارت قرافيك DESKTOP وملاحظة : تفقد سحب الطاقة لأنو يفرق من لابتوب لآخر حتى بنفس المواصفات . علابالي عندي بزاف مكتبتش هنا مي هذا السؤال نلقاه بزاف ...
بلاك لنا عودة
كي العادة الي عندو سؤال يتفضل ...و دمتم سالمين

07/12/2024

Intel Battlemage GPU
arc b570
arc b580
إنتل طلقت كارتين شاشة الي هو من الفئة تاع 4060 و على حسب إنتل خير من 4060 بواحد 10 بالمية و فيها ثاني راي ترايسنق و أيضا تنافس فال 1440p
وسعر هو 219 و 245 دولار
يعني كي تشوف القوة مقارنة بالسعر تبان مليحة لكن بالنسبة لدولار أكيد
فالجزائر مانعرف شحال راح تكون مقارنة مع 4060 ولا 7600

04/12/2024

psu ---- power supply units
هو أهم قطعة فالبيسي تاعك كي تجي دير تجميعة و كنصيحة أخطيك من ماركات غير معروفة قادر لا قدر الله يحرقلك باقي القطع إذا كان خلل فالفولتاج و لا تريسيتي بشكل عام هذا علاه نعتبرو أهم قطعة
صحا كيفاه نخير
حاجة لولة قع شوف التجميعة تاعك شحال تحتاج من واط ..شوف المعالج و الكارت أجمعهم و زيد 100 ولا 200 إدا قدرت أحسن باش يكون قابل للتطوير ماشي كل ما تبدل كارت شاشة ولا معالج تبدلو دير هذي في حسابك
بعد ما تحدد شحال لازملك من واط علابالي تشوف إدا 80قولد ولا سيلفر ولا تيتانيوم باش نكونو صريحين ماشي هذي لي تحدد إدا مليح كما يعتقد الكثير هذي فقط تعني أنو مايضيعش طاقة بزاف فالتحويل يعني يسحب ماتريسيتي تاعكم شحال يحتاج حاب يقول إيفيدك بلاك فالفاتورة تاع تريسيتي وثاني مايسخنش بزاف يعني 80 قولد يكون مليح فالمتوسط
بعدها تخير الماركة قلت لازم تكون معروفة و هكداك زيد شوف كاش ريفيو عليها
بعدها مانظنش درك تخير ماشي فولي موديلار( حاب يقول لي كابل ماشي لاسقين فيه أنت تلسقهم )...
أغلبهم درك هكدا غير إدا قديم تلقاهم قع لاسقين
بعدها يجو مميزات كيما atx3.0
ولا كابل تاع 12فولط باش ماتركبش تلاثة هذا خاض إدا عنك كروت إنفيدييا 40

هذا كان قع واش لازم تعرف على الباور سوبلاي يونت
علابابلي ماراناش قع نحطو فالاباج لاكن إدا لحقت لهنا دعمها بي جام و أي سؤال حطو في تعليق و دمتم في رعاية الله و حفظه

19/11/2024

كنا بدينا سلسلة نشرحو فيها كل قطع الحاسوب
راح نكملوها إن شاء الله و حبسنا في الكارت قرافيك بعدما شرحناها بالمختصر و فائدتها و و ضحنا كيف تقرأ إسمها بالنسبة ل nvidia
راح نشوفو في هذا البوست إن شاء الله كارت amd
تحت إسم radeon rx
نفس الترتيب للارقام
الرقم الأول الجيل مثلا 7
الرقم الثاني التصنيف يعني إقتصادية متوسطة ولا فئة عليا ..كي نقولو هكدا معناها عندها علاقة بالدقة الي تقدر تعالجها و قوة الكرت .... مثلا 800
هي غالبا تبدأمن400 حتى 600 وصولا لل 800 و 900
و الحرف الأخير تلقاه xt ولا xtx ولا بعض الأحيان gre الي هي نسخة صينية معدلة شوية على العادية golden rabbit edition
xt معناها بوست شوية من النسخة العادية
xtx بوست اكثر من xt
و هكذا يكون الإسم الكامل تاع المثال تاعنا radeon rx 7800xt
هذا كان كيفاه تقرأ إسم كارت amd إن شاء الله تكون كانت إفادة و أي سؤال أو إستفسار أتركه فالتعليق

11/11/2024

خاوتنا لي عندو nvidia gpu ماينساش يحدث للتعريفات الجديدة drivers
لأنو كاين ثغرات في القديمة و nvidia تنصح بالتحديث لأنو فيه خطر على بياناتك .

11/11/2024

منصة am4
مزال مامتتش ...
مزال amd
تطلق فيها معالجات حاجة بزاف مليحة من amd

10/11/2024

إنتل قالت معالجتها الي تم إطلاقها مكانتش كيما خطط لها ... يعني على حسب قولها في ديسمبر هذا راه يكون تحسين .. ننتظر و نشوف .. مانعرف ...