oussama media buyer

06/06/2026

سعر اعلان ممول على منصه YouTube هدفه ليس البيع ،هوا تقريبا نفس سعر اعلان ممول على منصه meta

# media buyer

16/05/2026

🚀 وش هو CBO و الفرق بين Campaign / Ad Set / Ad؟
في Facebook Ads كاين 3 مستويات مهمين:
🎯 Campaign (الحملة)
هنا تحدد الهدف الرئيسي
ومنها تخرج المجموعات الإعلانية (Ad Set)

📊 Ad Set (المجموعة الإعلانية)
هنا يتم تحديد الجمهور
إذا كان عندك أكثر من منتج يمثل نيش واحد رئيسي (مثال: قميص + ساعة تحت مسمى لباس رجالي)
أو استهداف مناطق معينة مختلفة باش تشوف أي منطقة مهتمة أكثر
تقدر تدير 3 Ad Sets متلا

🎨 Ad (الإعلان)
هو الإعلان نفسه
إذا كان عندك إعلان واحد وفيه أكثر من كرياتيف (مثال: 2 فيديو + صورة)
هنا يكون Ad Set واحد وداخله 3 Ads
وإذا كان فيديو واحد ومعاه زوج طرق لكتابة النص، تقدر تدير نفس الشي داخل Ad واحد
مزيد من التوضيح في الصور

⚡ من الأفضل استعمال CBO دائماً
على الأقل فيديو وصورة واحدة باش يتماشى مع تحديث Andromeda
وتخدم على كتابة النص مع الصورة الإضافية وإضافة الكلمات الدلالية حتى تسهل على خوارزميات الفايسبوك والدكاء الصناعي يفهم واش حاب

05/11/2025

نصيحة من زمان كانو يخدمو بيها المحترفين فـ Meta Ads 👇
كي تدير كرياتيف بالفيديو، زيد معاه كرياتيف بصورة حتى لو كانت خفيفة وما تجيبتش بزاف نتائج، خليه يخدم ضمن CBO.

دركا مع التحديثات الجديدة، الصورة مع النص ولات تلعب دور كبير باش الخوارزميات تفهم وش راك تبيع وشنو الهدف تاع الحملة.

ركز في النص على الكلمات المفتاحية اللي تمثل المجال تاعك، وكرّرهم أكثر من مرة باش Meta تفهم المحتوى تاعك مليح.

النتيجة؟ أداء أحسن من الاستهداف اليدوي داخل مدير الإعلانات.

29/10/2025

🚨 خطأ متكرر يديروه الناس كي يبدّاو الإعلانات الممولة!

الكثير كي يدير حملة تجريبية بمزانية صغيرة ويشوف النتائج مليحة 🔥
يتحمّس ويزيد الميزانية مباشرة… ويفاجأ بلي الحملة فسدت! 😬

الحملة الإعلانية تشبه السيارة 🚗
ما تقدرش تعقب من السرعة 2 إلى 5 مباشرة!
لازم التسارع يكون تدريجي، لأنو الأداء مربوط بالتفاعل والميزانية مع بعض.

🔧 الحل بسيط:

1️⃣ كي تدير test بمزانية صغيرة ونجحت،
ماتزيدش فيها مباشرة!
دير Duplicate للحملة، بنفس المعطيات، لكن بميزانية أكبر،
وخلي الحملة الأولى شغّالة حتى تتأكد بلي الثانية تخدم بنفس الكفاءة 👌

2️⃣ الحل الثاني (ويحتاج احترافية أكثر):
هو الـScaling أو الجدولة التدريجية، عندو طريقه تاعو الخاصه باه الاعلان يحافض على التسارع او الزخم باش تكبّر الميزانية بطريقة صحيحة من غير ما تضر أداء الحملة.

🎯 السر في الإعلانات هو الصبر والتحليل، ماشي السرعة والتجريب العشوائي.

27/10/2025

👋 مرحبا بالمتابعين الجدد! ❤️

واهلا بيكم فصفحتنا 🎯
لي عندو سؤال على الإعلانات الممولة
ولا حاب نحللولو حملة إعلانية تاعو 🔍
يكتب فالكومنت أو يبعثلي فالخاص ✉️

وتاني، إذا عندك تجربة، سؤال أو نصيحة في التسويق 💡
وحاب تشاركها مع الناس 👥
نقدرو نحطوها كامنشور 🙌

📈 الهدف تاعنا هنا بسيط:
نتعلمو كامل، ونطورو رواحنا فمجال الإعلانات 🔥

21/10/2025

. 💡 رابط رسمي لمتابعة أعطال وإصلاحات وتحديتات ميتا (Facebook & Instagram)

See the status and check for outages for Meta business products including Ads Manager, Meta Business Suite, WhatsApp Business API and more.

21/10/2025

ميتـا رايحة تبدى من ديسمبر 2025 تستعمل الذكاء الاصطناعي باش تولي تفهم أكثر وش يحب الناس وتشخص الإعلانات على حساب المحادثات اللي يديروها معاها.

مثلاً كي تحكي مع Meta AI على السفر، تقدر تولي تشوف بزاف إعلانات تاع الطيران ولا الرحلات.

قالو بلي المواضيع الحساسة كيما الدين والسياسة والصحة ما راحش يدخلوها في هاد الشي.
هاد التحديث راح يبدل بزاف في طريقة الاستهداف، والاعلانات رايحة تولي أدق بالنسبه الاهتمامات
اللي يخدم في الإعلانات لازم يركز أكثر على المحتوى والافكار، خاطر الذكاء الاصطناعي رايح يفهم الجمهور خير من قبل.

18/10/2025

📊 CPC (Cost Per Click)
سعر النقرة — يعني قداش تخلص على كل ضغطة على إعلانك.

👥 CTR (Click Through Rate)
نسبة الناس لي شافت الإعلان وضغطت عليه. (كل ما تطلع، يعني الإعلان يشد الانتباه 👀)

💰 CPA (Cost Per Action)
سعر الإجراء — كم كلفك كل تصرف (شراء، تسجيل، رسالة...).

🎯 CPM (Cost Per Mille)
سعر الألف ظهور — كم تخلص باش إعلانك يتشاف ألف مرة.

📈 ROAS (Return On Ad Spend)
العائد من الإعلانات — كم ربحت مقابل كل دينار صرفتو.

🧠 A/B Testing
اختبار نسختين من الإعلان باش تعرف واش يخدم أحسن.

⚙️ Pixel / Tag
أداة تربط موقعك بالإعلانات باش تتابع التحويلات والبيانات.

🗓️ Frequency
كم مرة نفس الشخص شاف إعلانك. (لو زادت بزاف → ممكن تاخد الاجراءات المناسبه باه تخفضها)

18/10/2025

🎨 الكرياتيف أهم من الإعلان نفسه؟ لمادا 👇

الإعلان هو الوسيلة،
لاكن الكرياتيف هو السبب لي يخلي الناس توقف، تشوف، وتتفاعل.

تقدر تكون عندك أحسن استراتيجية، وأدق استهداف،
بصح إذا الصورة ما شدت الانتباه أو النص ما لمس المشاعر… الناس رايحا تفوت عليك وكانك ماش موجود 😅

🔍 المنصة ما تهتمش بالنية تاعك، تهتم بتفاعل الجمهور.
يعني لو الكرياتيف ضعيف → ما كاين تفاعل → الأداء يهبط 🔻 والعكس صحيح حتى لو المزانيه قليله ، الاعلان ليجيب تفاعل اكثر ،راح يوصل اكثر ب cost اقل

🎯 الكرياتيف القوي = نسبة نقر أعلى + تكلفة أقل + نتائج أفضل

في الأخير،
الإعلان يوصلك للناس،
لكن الكرياتيف هو لي يخليهم يسمعوك.

15/10/2025

📢 آخر تحديث من ميتا (Meta Andromeda) 🚀

ميتا أعلنت على تحديث جديد غيّر طريقة خوارزميات الإعلانات بالكامل، يعني كل الطرق القديمة تاع الاستهداف التفصيلي (interests) خلاص ولات ما تنفعش ❌
الذكاء الاصطناعي الآن هو اللي ولا يتحكم في كل حاجة ويختار الجمهور بنفسو.

🔸 وش معناها هذا التحديث؟
الميتا ولات تعتمد على الـ Machine Learning (تعلم الآلة)، يعني الخوارزمية تولي تتعلم من تصرفات الناس، وتفهم شكون عندو نية الشراء فعلاً، مش غير اهتمام عابر.
يعني بدل ما توصل إعلانك لأي واحد مهتم، رايح يوصل للناس اللي فعلاً حابين يشتروا المنتج تاعك 💰

🔹 باش تخدم بطريقة صحيحة مع النظام الجديد:
1️⃣ خليه يتعلم من الـ Pixel والـ Conversion API والتفاعلات القديمة في الحساب الإعلاني تاعك،
يعني ما تمسحش الحملات القديمة، خليه يتعلم منها.
2️⃣ ركّز على جودة الكرييتيف:
🎥 الصوت في الفيديو لازم يكون واضح ومفهوم.
🖼️ الصورة تكون بسيطة ومكتوب فيها كلمة إنجليزية واحدة فقط (مثلاً: Tshirt، Bag، iPhone...)
🔁 نوّع في الكرييتيف داخل نفس الحملة، باش الألغوريثم تعرف وش المحتوى اللي تفهمو وتخدم بيه.
3️⃣ أهم حاجة ⚡
كرّر الكلمة المفتاحية تاع المجال تاعك (المنتج أو الخدمة) أكثر من مرة في النص أو في الفيديو.
مثال: إذا راك تبيع تيشيرت، حاول تذكر كلمة “T-shirt” خمس مرات على الأقل في الفيديو أو النص،
باش الخوارزمية تفهم بوضوح وش راك تبيع وتوجه الإعلان للناس اللي نيتهم يشروه.

🔸 ميتا ولات تقيّم الإعلانات حسب الجودة، الصوت، النص، والصورة،
وما بقاش يهم واش حطيت اهتمامات أو لا — الكل ولى مبني على الكرييتيف الذكي اللي يساعد الذكاء الاصطناعي يفهمك.