كاتب محتوى/Content writer

كاتب محتوى/Content writer كاتب محتوى ملتزم بتقديم محتوى استثنائي يلهم ويثري الجماهير المستهدفة. يسعى دائمًا لتحقيق المستحيل

01/05/2026

نظام الطيبات بكل تفاصيلة من دكتور/ضياء العوضي بنفسة رحمة الله عليه

#الطيبات

24/04/2026

الدكتور ده فضح أكبر خدعه في التاريخ ووضّح للعالم تفسير آيه لو كانت اتفسّرت صح كانت فرقت كتير في صحتنا وحياتنا

وَإِذْ قُلْتُمْ يَا مُوسَىٰ لَن نَّصْبِرَ عَلَىٰ طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنبِتُ الْأَرْضُ مِن بَقْلِهَا وَقِثَّائِهَا وَفُومِهَا وَعَدَسِهَا وَبَصَلِهَا ۖ قَالَ أَتَسْتَبْدِلُونَ الَّذِي هُوَ أَدْنَىٰ بِالَّذِي هُوَ خَيْرٌ

كان دايما يتقالك ان الفول مذكور ف القرءان ف تفطر فول وإن العدس بروتين وإن البصل بيعالج وفيه شِفا لجميع الأمراض.
لكن لما تفهم الآيه صح هتعرف ان سيدنا موسي أصلاً رد علي نوعيه الأكل دي وقالهم (أَتَسْتَبْدِلُونَ الَّذِي هُوَ أَدْنَىٰ بِالَّذِي هُوَ خَيْرٌ).
يعني الفول والعدس والبصل أدني الطِعام.

ف ليه تتعب نفسك وتدمر قولونك وتبهدل معدتك بالشكل ده! بالرغم ان في اكل تاني افيد وارقي وطعمه احلي وفيه شفاء عن الأكل المُمرض ده وإن العسل اتقالك (فيهِ شِفاءٌ للناس) وإن البلح كان الطِعام المُفضل للرسول صلَّ الله عليه وسلم.
ف بجد شكراً ل د/ضياء العوضي علي رسالته العظيمه وربنا يتقبله في جنته ورحمته ✨

#الطيبات
#دايت
ضياء العوضي فكرة والفكره لن تموت

07/04/2026

#أطياف
قصة مثيرة مسلية
دعوة للرجوع للقراءة مرة أخرى
لتثبيت قيم المجتمع والأسرة
#قصة #كتابة #محتوى
#تسويق دعاية ماركتينج
Content_Criator
Neven_Nada

07/04/2026

#أطياف
قصة مثيرة مسلية
دعوة للرجوع للقراءة مرة أخرى
لتثبيت قيم المجتمع والأسرة
#قصة #كتابة #محتوى
#تسويق #دعاية #ماركتينج

‏🎉‏ ربحت شارة موهبة ناشئة هذا الأسبوع، والتي تم منحها تقديرًا لي على إنشاء محتوى جذاب يثير اهتمام معجبيك!
06/04/2026

‏🎉‏ ربحت شارة موهبة ناشئة هذا الأسبوع، والتي تم منحها تقديرًا لي على إنشاء محتوى جذاب يثير اهتمام معجبيك!

#أطيافلا ماهو أنا مش هتجنن لوحديبقالي كتير مترددة أحكيلكم على موقف غريب حصل معايا والتردد دة نتيجة خوفي إن محدش هيصدقني...
05/04/2026

#أطياف

لا ماهو أنا مش هتجنن لوحدي
بقالي كتير مترددة أحكيلكم على موقف غريب حصل معايا والتردد دة نتيجة خوفي إن محدش هيصدقني.
دة يمكن كمان تضحكوا عليا ومش هنخلص بقا من التنمر والسخرية.
المهم أنا كنت سهرانة بليل قاعدة على اللاب توب وكان الوقت متأخر والبيت كله نايم
وأنا عايشة حياتي عادي وكالعادة مبعرفش أسهر الا وإذاعة القرآن الكريم شغالة جنبي
وكان في شيخ بيشرح للمذيع عن أهمية النوم بدري مش من الناحية الصحية بس
لا دة بيتكلم من ناحية تانية خالص
لدرجة إني سيبت اللي في إيدي وأنتبهت كويس لكلامة
الشيخ سكت وصوتة أتغير ولاقيته بيقول للمذيع أصل الليل دة مش بتاعنا
النهار نعمل فيه اللي إحنا عايزينة لكن بعد المغرب المفروض نشاطنا يقل
وبعد صلاة العشا تقريباً نوقف النشاط ونبدأ بقا نهيأ نفسنا للنوم
عشان يبدأ عالم آخر لمخلوقات تانية غيرنا بيعيشوا حياتهم مع دخول المغرب
معرفش ليه جسمي قشعر وبدأت أحس بتيار هواء جنبي وكأن حد بيحاول يأكدلي إن كلامه صح
وأنا بقول لنفسي ايه الهبد دة يابت كبري دماغك دي تخاريف
وقعدت أضحك واتريق بدندنة كدة وأغني أغنية جورج الليــــــــــل الليـــــــــــــل
لاقيت اللاب توب أتقفل بقوة لدرجة لحقت أشيل إيدي بسرعة
وزي مايكون حد بيلعب في بكرة الإذاعة في الراديو والقرآن بيتحول لأغاني
وقفت كدة وأنا مرعوبة إيه دة بقا، دة كدة الموضوع مش طبيعي
طمنت نفسي وأفتكرت أن قبل كدة قالو إن ساعات إشارات الإذاعة بتدخل على بعض وكدة
قولت أقوم أظبط الراديو
وأنا بقوم حصل اللي مكونتش متوقعاه
وقفت قدام السرير لاحظت حاجة مرعبة خلعت قلبي من مكانة
طيفى في المرايا وأنا بتحرك بيتأخر ثانية وفيه اختلافات صعبة الاحظها
ابتسامة أوسع شوية، عينين مش بترمش، أو حركة إيدي عكسية
مرة قولت بيتهيألي بس المرة اللي بعدها دققت جامد لاقيت كلامي صح
الحركة بتاعتي مش ماشية ابداً مع حركة إنعكاسي في المراية بس الموضوع مش ملحوظ أوي غير لو دققت جامد
حسيت كدة إن الليلة دي مش هتكون ليلة عادية وأكيد هيحصل حاجة هتفرق معايا جامد بعد كدة
المهم قومت وأنا بتحرك ببطـء شديد ومرعوبة وحاسة بحاجة مش طبيعية
دخلت الأوضة التانية عشان أظبط الراديو على القرآن الكريم
وأنا بتحرك بالعافية رجل بتقدم ورجل بتأخر من غير ما أعرف سبب تصرفى دة إيه
لمحت من بعيد جنب الراديو في خيال أبيض كدة كأن حد واقف
حرفياً قلبي هيقف وجسمي بيتنفض إيه اللي واقف دة وخايفة أقدم خطوة أشوف حاجة مرعبة
وفـ نفس الوقت مكملة وعايزة أعرف إيه دة
مفيش حد واقف بشخصه بس في خيال أبيض كأن حد واقف
قولت لنفسي أنا أكيد أعصابي مش تمام وأتأثرت بكلام الشيخ
أكبّر دماغي وأوهم نفسي إن مفيش حاجة
كملت بالعافية لحد الراديو وبدأت أغير الإشارة على القرآن
لاقيت حد بيهمس في ودني بيقولي أقفلي القرآن
مع إحساسي بنفس جنبي وفي تيار هوا في الأوضة غريب
لاقيت دقات قلبي زادت وحسيت قلبي هيتخلع من مكانة وحرفياً مش قادرة أقف
بس صممت إني أشغل القرآن وأحاول أغير الإشارة وزي مايكون حد تاني بيغيرها وبكرة الراديو تقلت ومش عارفة أحركها
والصوت رجع تاني بس أقوى كأن اللي بيتكلم دة وحش عملاق
قولتلك متشغليش القرآن وفجأة
لاقيت قوة كبيرة دفعتني بشدة لدرجة إني اتنطرت عند الدولاب وزي مايكون جسمي اتثبت في الدولاب وجسمي كله أتجمد حرفياً حتى لساني أتشل مش قادرة أنطق حرف أو آية قرآنية تفك لساني وجسمي كله
والدلفة اللي في الدولاب ورايا كان فيها مرايا بس فجأة محستهاش مرايا عادية وصلبة
أنا لاقيت ملمس المرايا أتغير بقا لزج كدة وملمسة زي الجيلي
ولاقيت قوة شديدة بتحاول تجذبني جوة المرايا قوة مش قادرة أقاومها
خلاص مش قادرة أقاوم المرايا حرفياً بتبلعني وأنا مش عارفة أقاوم أو حتى أتحرك
وفضلت أتشد جوة المرايا واحدة واحدة لحد ما أتنقل جسمي كله داخل المرايا
لكن الغريب إن جسمي كله فك وأصبحت حركتي عادية
بدأت أبص حواليا في المكان عايزة أعرف أنا فين وإيه جابني هنا
مكان غريب ألوانه باهته كأني رجعت 100 سنة للماضي
صمت رهيب ومخيف هو عالم "معكوس". الكتابة على الحيطان مقلوبة، الساعة بتمشي لورا، والألوان ممكن تكون باهتة جدًا أو فاقعة لدرجة توجع العين ألوان السماء رمادي والأشجار باهتة والأرض غريبة كأني ماشية على كارتون
بدأت أخرج من المكان اللي أنا فيه لحد مالاقيت ناس زيي وكل واحد واقف قدام مرايا زي مايكون مجبر على كدة
مفيش صوت أنفاس، مفيش نبض قلب، وكل شيء هناك بيعتمد على "التقليد" عشان يعيش
والغريب إن كلهم مرسوم على وشهم نظرة حزن وجوة عينيهم دموع مش بتنشف
ياترى مين دول وليه حالتهم كدة
لاقيت شخص كبير كدة الوحيد اللي مش واقف قدام مرايا وقاعد على مكتب بيقرأ في كتاب
قررت أتجرأ وأسأله وأستفسر عن كل الأسألة اللي مالية دماغي
قربت منه وأنا مرعوبة وبدأت أكلمه
ممكن أسأل حضرتك سؤال رفع راسه لفوق وبصلي بصة غريبة
زي مايكون مش مصدق نفسة ومردش عليا
كررت سؤالي لاقيته قام وقف ومد أيده وبدأ يلمس وشي
أترعبت منه وبعدت شوية
لاقيته قرب تاني وأخيراً نطق بيقولي متخافيش قولتله لا أنا خايفة متلمسنيش
قالي أنا عايز أتأكد إنك بشر مش مجرد طيف
قولتلة يعني إيه طيف
قالي يبقا أنا توقعاتي صح
أنتي إنسان وأكيد دخلتي هنا جديد
قولتله أيوة أنا مش عارفة أنا فين ومين الناس دي ليه العالم دة صامت كدة وباهت
قالها أنا هفهمك كل حاجة
وبدأت أهدى شوية وأحس إن في حد معايا وحاسس بيا
بس بردو مرعوبة ومش متطمنة
قالي تعالي اعدي هنا وأهدي ومتستعجليش على إجابات الأسألة اللي محيراكي
الوقت قدامنا طويل وأسألي براحتك
قومت وقفت بنرفزة كدة وزعقت، وقت إيه اللي طويل أنا لازم أروح بيتي أهلي هيقلقو عليا
الراجل الكبير ضحك ضحكة عالية زي اللي بيسخر مني وقالي جملة غريبة
أهلك مش هيقلقوا عليكي ،هما أصلاً مش هيلاحظوا عدم وجودك
أستغربت أوي من كلامه ومن ثقته بنفسه وهو بيتكلم
قولت أهدا كدة وأحاول أفهم منه الحكاية ايه
ها حضرتك هتشرحلي الموضوع ايه
أنتي عايزة تعرفي ايه
عايزة اعرف تفسير لكل حاجة
أنا دخلت هنا ازاي ومين دول وأرجع لأهلي تاني أزاي
الراجل منطقش بكلمة ومسك إيدي جامد وأترسم على وشه نظرة مرعبة وشدني بعنف في أتجاه المرايا وقالي كلام غريب
عاجبك إيه في العالم بتاعك
بيتك اللي كل واحد مشغول عن التاني بشغلة وتليفوناتة وحياتة
ولا شغلك اللي مش تخصصك والظلم والضغوط اللي عليكي
ولا رتم الحياه الثابت اللي بيتكرر يومياً بنفس الأحداث
وبدأ يقنعني إني أفضل معاهم ومحاولش أقاوم
وهو بيكلمني بدأت أشوف نسخة تانية مني داخل أوضتي وقاعدة على سريري وبتتصرف كأنها أنا بالظبط
من الصدمة صوتي اتحاش وعيني اتحجرت وبحاول أصرخ مش عارفة
فكرت ألمس تاني المرايا وأحاول أخرج منها
ثواني كدة .... إيه دة ...المرايا اتجمدت أزاي
في اللحظة دي عرفت اني كدة خلاص انا اصبحت محبوسة واتحكم عليا بالسجن
فجأة لاقيت ماما دخلت أوضتي وبتكلم الطيف اللي بدّل معايا
شوفت ماما وكأني مشوفتهاش من سنة
حبيبتي ياماما تعالي خديني
أفتكرت قد إيه كانت بتعد لوحدها وأنا مشغولة عنها بشغلي ومكالمات أصحابي
أفتكرت قد إيه كانت بتتحايل عليا اقف معاها في المطبخ حتى لو مش هعمل حاجة
دلوقتي بتمنى لو أعرف أبقا جنبها لحظة واحدة
أيه دة ....في حاجة غريبة بتحصل
انا ملامحي بدأت تختفي أو تتحول لـ "انعكاس" باهت، لكن الكائن اللي بره بدأ يسيطر على حياتي تماماً وبدأ يغير في ملامح أوضتي عشان يمسح أي أثر ليا
وبدأ يتعامل مع أهلي بطريقة غريبة
طريقة كلها جراءة وعصبية وأهمال عكس معاملتي معاهم
زي اللي بيحاول يكرههم فيا عشان محدش يفكر يساعدني
فكرت في طريقة أقدر أتواصل بيها مع أهلي

فكرت أكتب على المرايا بالبخار يمكن ماما أو بابا يلاحظوني ويقدروا يساعدوني
وبالفعل بدأت أكتب وماما كانت في غرفتي بس كان ضهرها للمرايا
كنت بدعي أقول يارب تلف عشان تشوفني
وفعلاً بدأت تتحرك في إتجاه المرايا
حسيت قلبي هيقف من الفرحة....هي بتقرب عشان شافتني ولا عشان تنضف المرايا
مشم مهم المهم إنها بتقرب ولسة ماما هتقف قدام المرايا
ولاقيت الكائن الطيف فجأة ظهر قدامي مكان ماما
بس هو شايفني وعارف أنا عايزة أعمل إيه
ماما لاحظت أنه أتوجد في الغرفة فجأه بطريقة غير طبيعية وكأنه ظهر من عدم
بدأ وشها يتغير...والكائن بيبصلي في المرايا وعينة واسعة ونظرته كلها شر
وماما بتكلمه على إنه أنا بتقوله إيه اللي موقفك كدة إتحركي خليني أنضف المرايا
وهو ولا على باله مستمر في النظر ليا وكأنه بيتحداني
بدأت ماما تحس إن في حاجة مش طبيعية
والكائن بدأ يغضب وكأنه بيحضر لجريمة قتل
وفجأة عمل اللي مكونتش متوقعاه ولا عاملة حسابة
لاقيتة بيتواصل معايا بالتخاطر...سامعة كلامه من غير مايحرك شفايفة
بيقولي أنا هقطع صلتك بالعالم الحقيقي نهائي
وبكل قوة ضرب المرايا بأيدة وكسرها كلها وكأنه بيكسر قلبي
وآخر صوت سمعته كان بيقول دلوقتي مفيش غير نسخة واحدة
يعني أنا اللي هافضل في الواقع وأنتي هتفضلي مجرد طيف جوة المرايا
لاقيت نفسي مش قادرة أقف ...رجلي بترتجف وجسمي بارد
قررت إني اقعد وأستسلم للواقع
بدأت آخد بالي من حاجات مكانتش في بالي أصلاً
كل حاجة معكوسة حتى في وضعية جسمي
قلبي في الجهة اليمين مش في الشمال
وكأني ميتة أو يمكن أكون ميتة فعلاً وأنا اللي مش فاهمة
قعدت أفكر أزاي هقدر أرجع تاني لأهلي وحياتي
فكرة إني أكمل حياتي هنا مرفوضة تماما
أكيد الراجل العجوز عارف طبيعة الدنيا هنا وعنده الحل
لاقيته في نفس المكان بنفس الوضعية
مسكت إيدة بعنف قولتله أنت أكيد عندك الحل
قولي أزاي أقدر أرجع بيتنا تاني أرجوك ساعدني
بصلي وضحك وقالي أنتي فاكرة الموضوع بالسهولة دي
قولتله مش مهم صعب ولا سهل المهم أني هخرج من هنا مهما كان التمن
قالي أول شئ عشان تخرجي لازم تبدلي مكانك مع حد تاني وليكن الطيف اللي عايش مكانك دلوقتي في بيتك
ها وبعدين ....قالي ها وبعدين أزاي على أساس أنه من السهل إنك تعرفي تقنعي الطيف دة أنه يرجع مكانك
قولتله كمل بدون توقف...أزاي أقدر أشوف أهلي وبيتي وأزاي أقدر أتواصل معاهم
قالي إحنا ممكن ندور على مرايا تانية في البيت نقدر نشوف بيتك منها
حسيت إن في أمل جديد وشديت الراجل من إيده وقولتله طب يلا قوم معايا ندور على أي مرايا في بيتنا
قالي طيب ثواني وهو بيقوم لاحظت على وشه لأول مره أبتسامه خفيفة وكأنه فرحان عشاني
وقف معايا في نفس المكان وفضل يدور على أي أنعكاس لبيتي وهو مستغرب
بقوله في أيه
قالي مفيش ولا مرايا ظاهرة في بيتكو
بكيت وقولتله أكيد الطيف الشرير كسر كل المرايات عشان محاولش أرجع تاني
حسيت إن دي النهايه ....كدة خلاص
قالي أستني ...أفتكري كدة في شباك من أزاز في البيت
قولتله أيوة طبعاً في
قالي هو دة الطريق الوحيد يلا
جريت على الشباك اللي كان موجود في المطبخ
لاقيت البيت من جوة صامت غريب والطيف الشرير قاعدة في الصالة بتشرب قهوة ومطمنة إنها كسرت كل المرايات اللي في البيت وإني مش هعرف أشوفها تاني
لفت نظري شكل ماما وهي قاعدة حزينة وفاتحة صوري وبتتفرج عليها
الراجل الكبير أكدلي حاجة كنت شاكة فيها
ملامح ماما حزينة وهي بتتفرج على صوري
دة معناه أني وحشاها وإنها شاكة إن اللي معاها في البيت دة مش أنا
بصيت بعيني على الطيف الشرير لاقيتها بتشرب قهوة ومستمتعة بهدوء البيت
بتبدأ نقط المطر تتجمع على إزاز الشباك الكبير ومن "الناحية التانية" بتبدأ تظهر.. ملامح وشي مش كصورة كاملة، لكن كـ خيال باهت بيتحرك مع كل نقطة ميه بتنزل.
* "الظل" بتلاحظ إن فيه "إيد" بتتحرك على إزاز الشباك من بره، بس مفيش حد ملاحظ وجودي غير الطيف
بعمل كل اللي أقدر عليه عشان ماما تلاحظ وجودي
فجأة لاقيت الطيف دي قامت من مكانها ومتجهة ناحيتي
دخلت على ماما في المطبخ بهدوء وأنا متأكدة إنها شيفاني وهتحاول تفسد محاولاتي في الرجوع
ماما قاعدة في المطبخ، والنسخة المظلمة (الطيف) داخلة بكل ثقة، لابسة هدومي، وبتتحرك بنفس طريقتي. بس فيه "غلطة" صغيرة الكيان ده مش فاهمها.. الروح عمرها مابتتبدل ولا بتتقلد
وفجأة أمي بتقف قدام الطيف كأنها بتمنع وصولها للشباك الإزاز اللي هيساعدني إني أرجع
أمي بتسألها داخلة المطبخ ليه عايزة حاجة ؟
الطيف بترتبك وبترد بتوتر لا مفيش بس كنت عايزة أشرب شاي
ماما:بتضحك ضحكة غريبة
شاي إيه ؟...مش كنتي قاعدة بتشربي قهوة دلوقتي
الطيف أرتبك أكتر ...وفيها إيه يعني
ماما قالتلها طيب أرتاحي على الكرسي وأنا هعملك الشاي
ودة طبعاً فعل مش طبيعي بس أكيد ماما حاسة بحاجة
ماما عملت الشاي وهي بتحط المج على الترابيزة تعمدت تلمس أيد الطيف
وفجأة ماما بتسحب إيدها بسرعة وبرعب مكتوم دي مش أيد بشر
دي إيدها باردة زي التلج، مفيش فيها نبض طبيعي ولا حرارة دم
أمي بصت في عينيها لأول مرة من مسافة قريبة لاحظت عيونها مطفيّة، كأنها مراية سودة مابتطلعش أي مشاعر
في اللحظة دي، (كنت واقفة ورا إزاز في المطبخ). بصرخ وأبذل أقصى طاقتي عشان أظهر
* أمي بتلمح "خيالي" الحقيقي في قطرات مياه المطر اللي على الأزاز وهي بتبص في عيون الطيف
ياربي على المشهد الصعب
أللي أمي بتتأكد فيها من كل الحقيقة الكاملة
أمي بتبكي من الصدمة وأنا ببصلها وببكي من الفرحة إنها فهمت وعرفت كل حاجة وفـ نفس الوقت شافتني
ماما تماسكت عشان الطيف ميلاحظي أي شئ وعشان تقدر تفكر في طريقة تعرف ترجعني بيها
ماما بدأت تقنع الطيف إنها تخرج من المطبخ عشان تقدر تتواصل معايا
ماما: أيه مش خلاص أخدتي الشاي بتاعك
يلا أخرجي بقا خليني أحضر العشا
بقولك إيه روحي هاتي الطلبات دي عشان نجهز لعيد ميلادك بكرة
الطيف:حاضر ياماما بس خلي الطلبات دي نشتريها بكرة
ماما صممت وبالفعل الطيف خرج من البيت أخيراً
وأتفاجئت بماما واقفة على الإزاز وبتحاول تدقق في قطرات المطر عشان تشوف خيالي
لاقيتها عملت حاجة في منتهى الذكاء
ماما جابت ورقة وكتبت عليها بطريقة معكوسة وبتوجهلي الكلام...لو شيفاني قوليلي أرجعك تاني أزاي
الراجل العجوز مسكني من أيدي وقالي خدي بالك هي هتشوفك بصعوبة ومش هتسمع صوتك
لكن لو مراية أوضة نومك كانت موجودة كانت ممكن تسمعك او هتشوفك بوضوح على الأقل
قولتلة أنا فاكرة إن كان في قطعة باقية من مراية غرفتي واقعة تحت السرير أما الطيف كسرها ولحد دلوقتي موجودة زي ماهي
قالي أنتي بتتكلمي جد
وأزاي ساكتة يلا بينا بسرعة قبل ما الطيف يرجع
وجرينا على المكان اللي كان مقابل لغرفتي
وفعلاً القطعة بيصدر منها ضوء ولمعة شديدة
العجوز قالي لازم نوجه والدتك إنها تروح لغرفة نومك عشان تشوفك من قطعة المرايا الصغيرة
جرينا على أزاز المطبخ تاني وأول ما المطر اشتد بدأت صورتي توضح لماما فكرنا نعمل زيها
كتبنا على الإزاز بطريقة معكوسة إنها تتجه لغرفة نومي تحت السرير
أمي جريت على غرفتي ونزلت تحت السرير لاقيت قطعة الزجاج وأول ما لمستها
حسيت كأنها مسكتني ولمستني
قد إيه لمسة إيديها كانت وحشاني
أسمعيني يا أمي لازم تساعديني
اللي عندك دي مش أنا دة كائن من عالم تاني ولازم عشان أرجع وسطيكم من تاني
الطيف دة يبدل معايا ودة مستحيل يحصل لأنه رافض يرجع مكانة
أمي:طيب ودة هيحصل أزاي
ياأمي ركبي مرايا من تاني على دولابي ولازم الطيف دة يقف قدامي وجسمة يلتصق بالمرايا عشان أقدر أسحبة وأبدل معاه
وفجأة دخل الطيف الشرير علينا الغرفة وفـ عينة نظرة ترعب
الطيف الشرير شافني في قطعة المرايا اللي في أيد أمي
في نفس الوقت هو مش متأكد إن أمي عرفت الحقيقة ولا لاء
الطيف:ايه اللي في إيدك دة ياماما
ماما:حصلها صدمة ولفت بجسمها وهي في حالة رعب
حاولت تتماسك وزعقت كعادتها دة نتيجة أهمالك ياهانم
بصي لاقيت إيه وأنا بنضف أوضتك
الطيف:حقك عليا هاتي قطعة الزجاج دي نرميها
ماما:لأ سبيها أنا هرميها
وأخدتها من أمي بطريقة غبية وحطمتها وهي فاكرة إن كدة خلاص الموضوع أتقفل
جريت على أزاز المطبخ عشان أتابع أمي خوفاً عليها من الطيف الشرير ليعمل فيها حاجة
بس لأول مرة ألاحظ أنها متوترة جداً
وتاني يوم الصبح في بداية اليوم قامت والدتي من بدري ولاحظت إنها بتتكلم كتير في التليفون
قولت يمكن فعلاً بترتب لحفلة عيد ميلادي
لأن العادي إننا كنا بنعمل حفلة ونعزم فيها كل حبايبنا
بس مش فاهمة أزاي ماما ليها نفس تعمل عيد ميلادي وأنا مش هنا
اليوم جري بسرعة
وبالفعل ماما جهزت كل حاجة وبدأت تحط الحلويات والمشاريب وتجهز للناس اللي جاية ودخلت غرفتي عشان تكلم الطيف
ماما:ها لبستي وجهزتي نفسك
الطيف:آه ياماما خلاص لبست شوفي كدة تمام
ماما:قمر ياحبيبتي كالعادة....خليكي بقا هنا متخرجيش الا أما أجيلك...لازم تشوفي هديتك وتفتحيها بنفسك
ماما جريت على إزاز المطبخ وكتبتلي وهي جسمها كله بيترعش
حبيبتي أجهزي وروحي مكان غرفة نومك
بصراحة مفهمتش بس حسيت إن الراجل العجوز اللي معايا فاهم
مسك إيدي بحنية وبصوت هادي قالي يلا أسمعي كلام ماما وروحي
روحت مكان غرفتي بس مفيش أي بوابة مرئية أقدر أشوف منها ماما
ماما:دخلت على الطيف في غرفتي وهي معاها لوحة كبيرة ملفوفة بورق قوي مش ظاهر منه حاجة
الطيف:ياترى ياماما جبتيلي إيه
ماما:جبتلك حاجة هتحبيها أوي وهتنفعك
الطيف:أنا حاسة إنك عاملالي بورترية فيه صورتي بالحجم الطبيعي
ماما:هنشوف دلوقتي مستعجلة على إيه
يلا أربطي الطرحة دي على عينك عشان متحرقيش المفاجأة
وأول ماربطت عينيها ...ماما بدأت تشيل الورق وأتفاجئت بالهدية
أجمل هدية في الكون
ماما شالت الورق ولاقيت أكبرمرايا ممكن تشتريها وبدأت أشوف كل حاجة بوضوح
كان ناقص بس إن الطيف الشرير يلمس المرايا بأيدة عشان نبدل الأماكن وكل شئ يرجع لوضعة الصحيح
ماما:ها ياحبيبتي خمني كدة جيبالك إيه
الطيف:أحتارت ياماما قولي بقا
ماما:طيب مدي إيدك كدة وألمسيها بنفسك
وأول ما لمست المرايا بدأت أحس وكأن الحياة بدأت ترجعلي
مسكت إيدها المتجمدة بشدة وبدأت أسحبها لداخل المرايا
ساعتها سمعت صوتها بتصرخ بس مكانش صوتها العادي
كان صوت كأن أسطوانة مشروخة زي مايكون حد بيحاول يتكلم بس لسانة تقيل
وكانت بتعافر عشان معرفش أسحبها
والراجل العجوز يزعق ويقولي كملي متستسلميش ودفعني بشدة لحد مابدأت أدخل رجلي في غرفتي وبدأ جسمي يبدل معاها
وهنا بدأت أمي تساعدني وتسحبني داخل غرفتي
وبكل صعوبة وصلت غرفتي بالسلامة وأنا مش مستوعبة اللي بيحصل
وأول مابدلت معاها ...غلفت المرايا من تاني بالورق وخرجتها من البيت نهائياً ورميتها في المهملات
وحضنت أمي حضن طويل وطلبت منها تشيل أي مرايا قدامي
مش عايزة أشوف أي أنعكاس
ودي كانت قصتي مع المرايا
يارب القصة تعجبكم
أكتبولي رأيكم في الكومنتات من باب التشجيع




#أطياف
#ماركتينج #تسويق #دعاية
#قصص #رويات #كاتب #محتوى

ماما جابت ورقة وكتبت عليها بطريقة معكوسة وبتوجهلي الكلام...لو شيفاني قوليلي أرجعك تاني أزايالراجل العجوز مسكني من أيدي ...
03/04/2026

ماما جابت ورقة وكتبت عليها بطريقة معكوسة وبتوجهلي الكلام...لو شيفاني قوليلي أرجعك تاني أزاي
الراجل العجوز مسكني من أيدي وقالي خدي بالك هي هتشوفك بصعوبة ومش هتسمع صوتك
لكن لو مراية أوضة نومك كانت موجودة كانت ممكن تسمعك او هتشوفك بوضوح على الأقل
قولتلة أنا فاكرة إن كان في قطعة باقية من مراية غرفتي واقعة تحت السرير أما الطيف كسرها ولحد دلوقتي موجودة زي ماهي
قالي أنتي بتتكلمي جد
وأزاي ساكتة يلا بينا بسرعة قبل ما الطيف يرجع
وجرينا على المكان اللي كان مقابل لغرفتي
وفعلاً القطعة بيصدر منها ضوء ولمعة شديدة
العجوز قالي لازم نوجه والدتك إنها تروح لغرفة نومك عشان تشوفك من قطعة المرايا الصغيرة
جرينا على أزاز المطبخ تاني وأول ما المطر اشتد بدأت صورتي توضح لماما فكرنا نعمل زيها
كتبنا على الإزاز بطريقة معكوسة إنها تتجه لغرفة نومي تحت السرير
أمي جريت على غرفتي ونزلت تحت السرير لاقت قطعة الزجاج وأول ما لمستها
حسيت كأنها مسكتني ولمستني
قد إيه لمسة إيديها كانت وحشاني
أسمعيني يا أمي لازم تساعديني
اللي عندك دي مش أنا دة كائن من عالم تاني ولازم عشان أرجع وسطيكم من تاني
الطيف دة يبدل معايا ودة مستحيل يحصل لأنه رافض يرجع مكانة
أمي:طب ودة هيحصل أزاي
ياأمي ركبي مرايا من تاني على دولابي ولازم الطيف دة يقف قدامي ووجسمة يلتصق بالمرايا عشان أقدر أسحبة وأبدل معاه
وفجأة دخل الطيف الشرير علينا الغرفة وفـ عينة نظرة ترعب
الطيف الشرير شافني في قطعة المرايا اللي في أيد أمي
في نفس الوقت هو مش متأكد إن أمي عرفت الحقيقة ولا لأ
الطيف:ايه اللي في إيدك دة ياماما
ماما:حصلها صدمة ولفت بجسمها وهي في حالة رعب
حاولت تتماسك وزعقت كعادتها دة نتيجة أهمالك ياهانم
بصي لاقيت إيه وأنا بنضف أوضتك
الطيف:حقك عليا هاتي قطعة الزجاج دي نرميها
ماما:لأ سسبيها أنا هرميها
وأخدتها من أمي بطريقة غبية وحطمتها وهي فاكرة إن كدة خلاص الموضوع أتقفل
جريت على أزاز المطبخ عشان أتابع أمي خوفاً عليها من الطيف الشرير ليعمل فيها حاجة
بس لأول مرة ألاحظ أنها متوترة جداً
وتاني يوم الصبح في بداية اليوم قامت والدتي من بدري ولاحظت إنها بتتكلم كتير في التليفون
قولت يمكن فعلاً بترتب لحفلة عيد ميلادي
لأن العادي إننا كنا بنعمل حفلة ونعزم فيها كل حبايبنا
بس مش فاهمة أزاي ماما ليها نفس تعمل عيد ميلادي وأنا مش هنا
اليوم جري بسرعة
وبالفعل ماما جهزت كل حاجة وبدأت تحط الحلويات والمشاريب وتجهز للناس اللي جاية ودخلت غرفتي عشان تكلم الطيف
ماما:ها لبستي وجهزتي نفسك
الطيف:آه ياماما خلاص لبست شوفي كدة تمام
ماما:قمر ياحبيبتي كالعادة....خليكي بقا هنا متخرجيش الا أما أندهلك...لازم تشوفي هديتك وتفتحيها بنفسك
ماما جريت على إزاز المطبخ وكتبتلي وهي جسمها كله بيترعش
حبيبتي أجهزي وروحي مكان غرفة نومك
بصراحة مفهمتش بس حسيت إن الراجل العجوز اللي معايا فاهم
مسك إيدي بحنية وبصوت هادي قالي يلا أسمعي كلام ماما وروحي
روحت مكان غرفتي بس مفيش أي بوابة مرئية أقدر أشوف منها ماما
ماما:دخلت على الطيف في غرفتي وهي معاها لوحة كبيرة ملفوفة بورق قوي مش ظاهر منه حاجة
الطيف:ياترى ياماما جبتيلي إيه
ماما:جبتلك حاجة هتحبيها أوي وهتنفعك
الطيف:أنا حاسة إنك عاملالي بورترية فيه صورتي بالحجم الطبيعي
ماما:هنشوف دلوقتي مستعجلة على إيه
يلا أربطي الطرحة دي على عينك عشان متحرقيش المفاجأة
وأول ماربطت عينيها ...ماما بدأت تشيل الورق
وأتفاجئت بالهدية
أجمل هدية في الكون
ماما شالت الورق ولاقيت أكبر مرايا ممكن تشتريها وبدأت أشوف كل حاجة بوضوح
كان ناقص بس إن الطيف الشرير يلمس المرايا بأيدة عشان نبدل الأماكن وكل شئ يرجع لوضعة الصحيح
ماما:ها ياحبيبتي خمني كدة جيبالك إيه
الطيف:أحتارت ياماما قولي بقا
ماما:طيب مدي إيدك كدة وألمسيها بنفسك
وأول ما لمست المرايا بدأت أحس وكأن الحياة بدأت ترجعلي
مسكت إيدها المتجمدة بشدة وبدأت أسحبها لداخل المرايا
ساعتها سمعت صوتها بتصرخ بس مكانش صوتها العادي
كان صوت كأن أسطوانة مشروخة زي مايكون حد بيحاول يتكلم بس لسانة تقيل
وكانت بتعافر عشان معرفش أسحبها
والراجل العجوز يزعق ويقولي كمالي متستسلميش ودفعني بشدة لحد مابدأت أدخل رجلي في غرفتي وبدأ جسمي يبدل معاها
وهنا بدأت أمي تساعدني وتسحبني داخل غرفتي
وبكل صعوبة وصلت غرفت بالسلامة وأنا مش مستوعبة اللي بيحصل
وأول مابدلت معاها ...غلفت المرايا من تاني بالورق وخرجتها من البيت نهائياً ورميتها في المهملات
وحضنت أمي حضن طويل وطلبت منها تشيل أي مرايا قدامي
مش عايزة أشوف أي أنعكاس
ودي كانت قصتي مع المرايا
يارب القصة تعجبكم
أكتبولي رأيكم في الكومنتات من باب التشجيع

بقالي كتير منشرتش حاجةبس حابة اتكلم عن الموضوع دة بالذاتقبل أن يبلغ الثلاثين، توفي إبراهيم شيكا، لاعب نادي الزمالك الساب...
13/04/2025

بقالي كتير منشرتش حاجة
بس حابة اتكلم عن الموضوع دة بالذات
قبل أن يبلغ الثلاثين، توفي إبراهيم شيكا، لاعب نادي الزمالك السابق، عن عمر ناهز 28 عاما، بعد صراع مع مرض سرطان المستقيم.

وعاش «إبراهيم» معاناة مع سرطان المستقيم طوال أشهر، وفقد الكثير من وزنه وأصبح غير قادر على الحركة فلجأ إلى استخدام كرسي متحرك، وقضى أسابيعه الأخيرة ما بين فراش المرض وغرف العمليات.

سرطان القولون والمستقيم، هو سرطان ينشأ في الخلايا الموجودة في المستقيم، وهو أسفل القولون السيني وفوق فتحة الشرج.

المستقيم والقولون كلاهما جزء من الجهاز الهضمي، لذلك غالباً ما يجري جمعهما معا تحت مصطلح «سرطان القولون والمستقيم».

في جميع أنحاء العالم، يعد سرطان القولون والمستقيم ثاني أكثر أنواع السرطانات شيوعًا لدى الإناث وثالث أكثر أنواع السرطانات شيوعًا لدى الذكور، وفقًا لبيانات صندوق أبحاث السرطان في جميع أنحاء العالم لعام 2020.

الأعراض
في البداية، قد يكون سرطان المستقيم بدون أعراض. ومع تطور السرطان، يكون نزيف المستقيم هو أكثر الأعراض شيوعًا لدى المريض.

قد تحدث تغيرات في عادات الأمعاء لديك، وتستمر لأكثر من بضعة أيام. قد تعاني أيضًا من ضعف وإرهاق غير مبرر.

وفقًا لمراكز السيطرة على الأمراض والوقاية منها في أمريكا (CDC)، قد تشمل الأعراض الشائعة ما يلي:

نزيف المستقيم
تغيرات في عدد مرات التبرز
الشعور بأن أمعائك لا تفرغ بالكامل
الألم عند التبرز
الإسهال أو الإمساك
الدم أو المخاط في البراز
فقدان الوزن غير المقصود وتغيرات في الشهية
التعب غير المبرر التعب غير المبرر
عدم الراحة المتكرر في البطن، الغازات، التشنجات، الألم
من العلامات المحتملة الأخرى المحتملة لسرطان المستقيم فقر الدم الناجم عن نقص الحديد، والذي قد يحدث نتيجة لفقدان الدم.

ما الذي يسبب سرطان المستقيم؟
رغم أن السبب الدقيق لسرطان المستقيم غير معروف، فإن الأورام الخبيثة تتطور عندما تنمو الخلايا السرطانية بشكل خارج عن السيطرة وتتكاثر.

يمكن أن تخترق هذه الخلايا الأنسجة السليمة وتدمرها. ما يبدأ هذه العملية ليس واضحًا دائمًا.

هناك بعض الطفرات الجينية الموروثة التي يمكن أن تزيد من خطر الإصابة بسرطان المستقيم.

إحدى هذه الطفرات هو سرطان القولون والمستقيم الوراثي غير السلائلي (HNPCC)، والمعروف أيضًا باسم متلازمة لينش. يزيد هذا الاضطراب بشكل كبير من خطر الإصابة بسرطان القولون وغيره من السرطانات.

في بعض الحالات، قد يوصي الطبيب باستئصال القولون كإجراء وقائي.

هناك حالة وراثية أخرى قد تسبب سرطان المستقيم وهي داء السلائل الورمي الغدي العائلي (FAP). وهو اضطراب نادر يمكن أن يسبب نمو السلائل في بطانة القولون والمستقيم.

وفي حين أن هذه السلائل تبدأ غير سرطانية، فإنها قد تصبح خبيثة. في الواقع، يصاب معظم الأشخاص المصابين بالسلائل الخبيثة بالسرطان قبل سن 50 عامًا.

وقد يكون استئصال الأمعاء الغليظة من الجراحات الوقائية التي قد يوصي بها الطبيب.

عوامل الخطورة

على الرغم من عدم وجود سبب واحد معروف للإصابة بسرطان المستقيم، فإن هناك عدد من العوامل المعروفة قد تزيد من خطر الإصابة بهذا السرطان في مرحلة ما. وتشمل هذه العوامل ما يلي:

– العمر. عادةً ما يحدث التشخيص بعد سن 50 عامًا، على الرغم من أن معدلات الإصابة تتزايد بين الأشخاص الأصغر سنًاالمصدر الموثوق.
– العرق. الأمريكيون السود أكثر عرضة للإصابة بسرطان المستقيم من المجموعات الأخرى. قد يكون أحد أسباب ذلك هو عدم المساواة في الحصول على الرعاية الصحية.
– التاريخ العائلي. يمكن أن يزيد التاريخ الشخصي أو العائلي للإصابة بسرطان القولون والمستقيم من خطر الإصابة.
– الوراثة. متلازمة لينش أو متلازمة لينش أو متلازمة السلائل الوراثية الوراثية (FAP) هما حالتان وراثيتان قد تزيدان من خطر الإصابة.
– العلاج الإشعاعي. يمكن أن يزيد العلاج الإشعاعي السابق للبطن من الخطر.

المصدر|| المصري لايت

لكل متابعينا الكرام كل عام وأنتم بخير بمناسبة المولد النبوي الشريف 🫂❤️كل عام وأنتم بخير🤲
14/09/2024

لكل متابعينا الكرام كل عام وأنتم بخير بمناسبة المولد النبوي الشريف 🫂❤️
كل عام وأنتم بخير🤲

12/09/2024

يعنى خلاص مفيش حد مستعجل على تاسك محتوى سواء كان : مصرى ، سعودى ، كويتى .

كلموني بقى عشان انا أشتغل وانتو تبيعوا ونبقى كلنا أغنياء ❤.

Address

الجيزة
الجيزة

Telephone

+201028575978

Website

Alerts

Be the first to know and let us send you an email when كاتب محتوى/Content writer posts news and promotions. Your email address will not be used for any other purpose, and you can unsubscribe at any time.

Contact The Business

Send a message to كاتب محتوى/Content writer:

Shortcuts

Share