أندلسي

23/07/2025

عايز تعرف حقيقة أي إنسان؟
شوف بيحترم وبيجامل مين.. وبيستضعف مين!

اللي ذوقه بيظهر بس قدّام الناس “التقيلة”.. ده مش ذوق، ده مصلحة.
اللي لسانه بينقط عسل مع الأغنياء، ويتحول لجليد مع البُسطاء.. ده عنده مشكلة في إنسانيته.
واللي بيحترمك على قدّ ما هو محتاجك.. ده مش محترم أصلاً.

الأصل في الأدب إنه يكون ثابت.. مش حسب المقام ولا الجيب.

الإنسان الحقيقي هو اللي ذوقه واحد مع الغفير والباشا.
هو اللي بيحترم اللي تحت زيه زي اللي فوق.

الأدب مش درجة اجتماعية.. الأدب تربية.

29/06/2025

" وحين يسألونك عن جهاد النفس الحقيقي، أخبرهم أن أصدق الجهاد هو قدرتك على أن تجعل هذا القلب نقيًا، صالحًا للحياة الآدمية بعد كل تلك المفاجآت.. والعثرات والانكسارات والهزائم..
الجهاد الحقيقي جهادك مع قلبك كي يبقى أبيضًا رغم كل تلك المعارك، فلا تتغيّر ملامح الإنسان فيك "
-أحمد خالد توفيق-

14/05/2025

من أمثال العرب: "ما أرخص الجمل لولا الهرة"
قصة المثل:
أن رجلًا أضاع جمله، فنذر إن وجده أن يبيعه بدرهم واحد.
فلما وجده، أراد أن يفي بنذره بطريقة ملتوية، فقرن معه قطة (هرة)، وربط الجمل و القطة بحبل واحد، وقال: أبيع الجمل بدرهم، وأبيع القطة بألف درهم، ولا أبيع أحدهما دون الآخر.
فقال الناس: "ما أرخص الجمل لولا الهرة!"، فصار ذلك مثلًا يُضرب في الجمع بين الغالي والرخيص.

ويُضرب هذا المثل للدلالة على اقتران الشيء النفيس بما هو خسيس، فيقلّ قدره بسبب ذلك.

- مجمع الأمثال للميداني | 📚🪞
#اندلسي

12/05/2025

الكوبرا عضت الثعبان ، و الثعبان عصر الكوبرا ،
الكوبرا ماتت من الخنق ،
والثعبان مات من السم ، لم ينتصر أحد..؟؟؟ تستحق التأمل ..!! هؤلاء أصحاب النسب الواحد
و البيت الواحد و العرق الواحد والدين الواحد
حينما يتنازعون
لا أحد ينتصر .. الكل مهزوم ..
وهكذا الأحبه و الأصدقاء
الإخوة و الأهل والجيران
إذا دخلوا في نزاع فلا منتصر بينهما
فكلاهما خاسر ..
فأحذروا فتن الحياة
إنها لا تبقى أحد.....
#اندلسي

06/03/2025

خمس مهارات لو عندك، هتحقق أي هدف في حياتك:

1️⃣ القدرة على اتخاذ القرار:
بدل ما تفضل تايه ومستني الحل يجي لوحده، خُد خطوة، حتى لو كانت صغيرة!

2️⃣ القدرة على الاستمرارية:
لازم تكمل مهما كانت الصعوبات.

3️⃣ تَحمُّل المسئولية:
مش هتنجح لو فضلت تلوم الظروف والناس، خليك مسئول عن حياتك.

4️⃣ المواجهة:
ماتخافش تواجه المشاكل، الهروب عمره ما كان حل!

5️⃣ المقاومة:
الدنيا هتحاول تشدك بعيد عن طريقك،
لو كل إغراء خلاك تغير اتجاهك، عمرك ما هتوصل لحاجة.

خليك واعي وافهمها صح. ✅

29/12/2024

عارفين إيه أكتر فتنة موجودة في الحياة دلوقت للستات والرجالة؟

مش الست اللي بتدحلب عشان تخطف راجل.. لان ولامؤاخذة مفيش راجل عيل بيتخطف .. هو بيروح بمزاجه

ولا الراجل اللي بيفضل ورا ست متجوزة عشان يستميلها.. مفيش ست بتفتح الباب ده الا وهى بتفتحه وهى شايفة الاستمالة بوضوح

اه جايز بيضعفوا.. لكن دي فتنة داخلة كده بوضوح على ضعف عندهم.. عشان تقولهم انتبهوا ابوابكم مفتحة.. وانتوا ضعفاء اوي.. واللي في قلبه خير ربنا بيحفظه أو بيربيه وبيطلع من التجربة لو عايز يحسن من نفسه متعلم الدرس كويس

لكن الفتنة الحقيقية الراجل المحترم اللي مش بيحاول أصلا مع الستات في دايرة شغله وتعاملاته الحياتية

والست المحترمة المهذبة اللي بتتعامل مع زمايلها بأدب واحترام ومن غير تعدي حدود

لكن مش بينتبهوا لنقطة مهمة.. ان كل حركة مهذبة لمساعدة طرف من الجنس الآخر ممكن تسبب "ميل قلبي"!

دي فتنة ظاهرها حلال.. وجواها كل خطوات الحرام بداية من الخطرة!

كل كلمة طيبة بتتقال ممكن تخلي القلب يزوغ..

"مضايق من ايه"
"انت كويس"
"عندك مشكلة، اقدر اساعدك"

تقديم الخدمات.. وتقديم الدعم للجنس الآخر
ده باب فتنة بيقيد نار في قلب المتلقي!

البيوت ماليانة هم ووجع.. ستات زعلانة عندهم احتياج هاطفي والزوج مشغول مسكين في لقمة العيش أو زوج مش منتبه لمشاعرها.. أو حتى زوج مقصر

والرجالة مسحولة وبتحب تنوع اوي بالذات لما تضغط ويلاقي مراته مضغوطة.. بيقع من غير ما يحس في الحنية اللي بيلاقيها مغلفة بأدب شديد

بتحب تشرب حاجة
طب انت شكلك مضغوط مش هخلي حد من الشركة يكلمك لغاية ما تفوق

من فضلكم.... بلاش في بيئة الشغل "نحسس الآخر باننا حاسين بيهم"

بلاش الدخول في زون المشاعر ابدا

بلاش نحل مشكلة ليهم ونعدي خطوة لقلوبهم

اه.. في الاختلاط مش المهم ابدا عطاء سعااتك ولطف سياااتك.. خليهم لاهل بيتك هتبقى خير الناس "خيركم، خيركم لأهله"

في الاختلاط تؤجر اكتر في الحدود!!

متنزلش الكلفة..

متحسسش اللي قصادك بألفة
متتبسطش في المعاملة فياخدوا عليك

خلي معاملاتك في الشغل والكلام في الشغل
ملكوش دعوة بمشاكلهم واحتياجتهم

ليهم دوايرهم يغطوها

ما دام راجل وست

وبالذات المتجوزين اصلا.. لما تروحوا الشغل خلوا تعاملكم انساني عام

بلاش تخصيص بالله عليكم حد بانتباه واهتمام

انتوا مش متخيلين ده بيعمل ايه في النفوس

انا قلبي بيوجعني ع كل ست وراجل بسمع شكواهم من الميل القلبي ده!!!

والشيطان بيزين..
والخطوات بتتمد خطوة خطوة مبتحسش انك هتقع في خيانة لغاية ما بتقع

بلاش تكونوا فتنة لغيركم..
"ولا تخضعن بالقول فيطمع الذي في قلبه مرض "
اياكان راجل أو ست ..

شخص متجوز.. ست او راجل.. نحافظ ع المسافات

طب لو مش متجوز.. برضو نحافظ على قلوبهم.. ليه تعلقوا القلوب بيكوا؟؟

يا سيدي لو حد عايز تتجوزه الوضوح اجمل من التساؤلات ومحاولة ترجمة التصرفات كل ده بيأذي القلب جدا

خليك واضح
وفي حالك
وانسان للكل بشكل عام
متدخلش في خصوصيات
وبلاش تمضية الوقت مع جنس اخر بلا هدف
وخد نية الحفاظ على القلوب

الميل القلبي ده ممكن يهد بيوت..
ويدخل زعزعة نفسية للشخص ويلغبط قيمه

وتبقى سبب في آذاه..

غلطك انك لم تتق الله في الاختلاط.. واللي بيتقي الشبهات فقد استبرأ لدينه وعرضه

نصيحة من كواليس النفوس ..
ربنا يحفظ قلوبنا وقلوب الناس

كفاية لخبطة بقى👍👌
#اندلسي

25/05/2024

لقد وصلت إلى ‏‏٦٠٠‏ من المتابعين‏! شكرًا على الدعم المتواصل. لم يكن بإمكاني على الإطلاق تحقيق ذلك دون مساعدة كل فرد منكم. ‏🙏‏‏🤗‏‏🎉‏

12/01/2024

12/01/2024

رجالا صدقوا الله القول والعمل فصدقهم واصطفاهم
اللهم أصلح حالنا يارب