02/07/2026
وازاي - ودا المهم - انت كمان لو كنت صاحب بيزنس او مدير تسويق او حتي ميديا باير فريلانسر تعرف ؟
المقادير : شيت اكسيل ورقة فاضية قلم احمر
من 6 شهور كنت كل يوم اكتب صرفت كام اعلانات وبيعنا بكام وكسبنا ولا خسرنا ارقام بسيطة خالص
بعدين يوم ما وانا قاعد ابص عالارقام وبشخبط ظهر السحر!
في حاجات بتتكرر هي هي كل شهر
لو ضيقت عينك وعملت فوكس علي اماكن معينة ف الورق وارقام معينة هتشوفها
جيبت الالوان وقعدت الون
مثلا كل يوم سبت ف الغالب بنكسب وكل يوم حد ف الغالب بنخسر
دا اول شيت واول داتا
الشيت التاني ابسط منه ! فيه كل يوم معين يعني يوم 18 ف كل شهر بنكسب ولا بنخسر ؟
فتيجي مثلا النهاردة هو يوم الاتنين ابص ف شيت رقم 1 الاقي الاتنين بين البينين ساعة كدا وساعة كدا
اشوف العامل التاني اللي هو اليوم نفسه النهاردة 18 لقيت انه 4 مرات يوم 18 نخسر ومرة بس كسبنا
يبقي كدا النهاردة وانا مغمض الناس مبتشتريش لو شغلت الاعلانات هخسر - ف الغالب !
يبقي النهاردة اوقف الاعلانات او اجرب اول كام ساعة عشان اتاكد او اشغل اعلان واحد بيمزانية صغيرة وخلاص
وطبعا العكس صحيح لو يوم اتكرر انه مبيعاته حلوة تكبر بقا الميزانية ونستغله اكتر
الداتا اناليسيز لما تدمجها بالتسويق والاعلانات بتبقي سحر وبتحس نفسك دجال عمال يجمع ف شوية ارقام وورق كوتشينة يقراهم يقولك هيحصل ايه ف المستقبل
طبعا استغفر الله العظيم بهزر هو اسمه داتا اناليسيز وتسويق عادي
ودا اللي بشتغله بايدي من سنين لنفسي ولشغلي بفلوسي الشخصية او للعملاء بتوعي
