03/07/2023
إزاي تعمل محتوي سريع الأنتشار🤔؟ أو viral content.
ليه فيه بوست أو فيديو بينتشر ويجيب الالاف التفاعلات، وممكن توصل لملايين، وليه محتوي تاني مبيجبش أي تفاعل.
السؤال ده جاوب عليه جونا بيرجر في كتاب من اشهر كتب التسويق "contagious" وترجمته المعدي.
ميزة الكتاب أنه قايم على أساس علمي، مش مجرد نظرية افتراضية ، أو تجربة شخصية للكاتب، جونا قال عشان يبقي المحتوى سريع الأنتشار يكون فيه ٦ قيم مش لازم كلهم طبعا في نفس المحتوى، واختصارهم في كلمة stepps.
1-Social currency
يعني يضيف قيمة أجتماعية، مين ميحبش يبان أذكى، افضل، أطيب ، احن شخص كلنا كده، يعني تنشئ محتوى الشخص يحس لما يشيره ان مفيش منه اتنين.
2-Trigger
محفز يعني المنتج، أو الخدمة يرتبط في دماغ المستهلك بفكرة معينه، اشهر مثال كيت كات خدلك بريك، ربط البريك بالمنتج
3-Emotion
احنا بشر في النهاية بيحركنا مشاعرنا، واحتياجاتنا، عندك كوكاكولا ربطة اسمها بالفرحة، زي شركات الاتصالات بتلعب على عاطفة هنقربك من حبايبك.
4-Puplic
خليك ظاهر،اغلب الناس طبعها بتحب تقلد، بتشوف غيرها بيعمل إيه وبتعمل زيه، وعندنا حركة ستيف جوبز الزكية لشعار أبل اللي بيظهر مقلوب للمستخدم، سليم للي حواليه.
5-Practical value
لازم استفيد برضه، يكون المنتج، او الخدمة بيقدم سعر أرخص ، جودة أفضل، يملأ حياتي انبهارات.
6-Story
كلنا كبشر بنعشق القصص كبار، وصغيرين، اللي انقذ شهرزاد من الشنق القصص الى بتحكيها، تاثير القصص قوى جداً في النفس، دخل منتجك، أو خدمتك في قصة.
لو حابب تسمع اختصار عن الكتاب د/ايهاب مسلم عامل سلسلة فديوهات عنه، جميلة جداً، وشيقة، هسبلكم اللينك في الكومنت.
ياريت لو قريت اي معلومة تسويقية، أو قريت كتاب مفيد ترشحه تفيدنا بيه برضه.
نعمل على تحقيق رؤية علامتك التجارية وزيادة وعي العملاء، احصل على استراتيجية تسويقية تلبي احتياجاتك
