Market Explorate

Market Explorate Helping to clarify your vision by learning about (Services/ Products), target market and competition.

We helping you to clarify your vision about the suitable market by learning about your (Services / Products), target market and your competition.

عندك خدمة أو منتج وشوية اسئلة محتاج تعرف إجابتها!
يا ترى الخدمة والمنتج الخاصة بك مناسبة لأي فئة من الناس؟!
من هم المنافسين وما هي طريقة عرضهم لخدماتهم وأسعارهم؟
ما هي أنسب فكرة تقوم بها عرض منتجك؟
وأي قناة توصل اجتماعي تعرض عليها خدماتك!

من خلال استكشاف السوق تقدر توصل للإجابة كلمنا وهنوضح لك الطريق🌹

11/09/2023

العلامة الشخصية
VS
العلامة التجارية

عندي خدمات عاوزة أقدمها أعمل شركة ولا أقدمها باسمي؟

عندي فكرة مشروع بس مش هيكمل إلا بمساعدة متخصصين عشان أعرف أكمل الدور بتاعي أعمل المشروع باسمي ولا باسم شركة؟

العلامة الشخصية هو شخص بيقدم خدمات بنفسه
(الفنانين والمحامين والأطباء والمعلمين)

لو عندهم خدمات أو محتوى فهم أصحاب علامة شخصية.

العلامة التجارية: (فريق عمل)

ونركز على فريق العمل يتعاون لتقديم خدمات معينة لجمهور معين
(هل اسم العلامة التجارية مرتبط باسم شخص أو اسم تجاري عام)

حسب ما يتم الاتفاق عليه ويفضل يكون اسم عام
له دلالة على النشاط التجاري المقدم للجمهور

طريقة تقديم الخدمات:
العلامة الشخصية: بتكلم باسمي فبكون "أنا في الصورة"

العلامة التجارية: بتكلم بصوت الجماعة فبيكون احنا ال بنقدم خدمات
استعراض الخدمات في العلامة الشخصية: مفيش غيري.

في العلامة التجارية:

أنا وفريقي (بنتكلم عن مهارات الفريق وكل واحد بيقدم ايه وازاي ولمين)
عرض بسيط للفرق بين أنا لوحدي ولا أنا وفريقي..


11/09/2023

2015 عرفت قد ايه احنا ظالمين ممثل خدمة العملاء
لأنه ببساطة ملتزم بسيناريو محدد له 🥸
وده بعد ما اشتغلت خدمة عملاء
كانت بتجيلي مكالمات من (قساوسة)
بتنزل لهم نغمات الشعراوي كول تون
و(شيوخ) بتجيلهم ترانيم نغمات كول تون 🤦‍♀️
الاتنين كانوا بيشتكوا إن ازاي أكون قسيس والناس تتصل بيا
يلاقوا أدعية الشيخ الشعراوي هو مش اعتراضه على الشعراوي
اعتراضه إن مكانته مفيش ميكس معاها للكول تون ال نزلت له هدية
والعكس مع الشيخ متخيل الكوميديا! 🤷‍♀️
كنت باضطر اتبع السيناريو حضرتك تقدر تلغي الكول تون من خلال الأكواد
وهو يحلف ويقسم إنه مضغطش على النجمة وكل طلبه يحذفها
وبعضهم كان بيطالب بتعويض عن الخصم ومكنتش أقدر أعوضه
بس أبلغه إن هنسجل شكوى حضرتك والقسم المختص هيراجعها
وتروح في طي النسيان 🥹
لما اتعلمت تسويق بقى اتعلمت حكمة لذيذة بتقول:
حافظ على عميلك وابسطه
هيفاجئك ويجيب صحابه ويبسطك 🥳
لو عندك عميل زعلان هتلاقي الدنيا زعلانة منك
نسبة مبيعاتك هتقل مش هتعرف توفر رفاهيات لعائلتك
ومراتك هتغضب وتسيب لك البيت وتروح عند أهلها 🙃
عارف عواقب كل ده ايه!
طلاق - نفقة - وإلخ إلخ إلخ 🙃
طب وليه نزعل العميل ال هيخليك أنت وأهلك يزعلوا؟
صالح عميلك الزعلان عشان تعرف تحافظ على مراتك مبسوطة 🥰

23/06/2023

التسويق الرقمي أنواع وفروع
وكل نوع وفرع حسب مرحلة ونوع المشروع بتاعك
يعني لو حضرتك شركة وبتستهدف شركات فمكانك مش فيسبوك وانستجرام وتيك توك وسناب وبنترست
مكانك لينكد إن توتير وموقع إلكتروني
لو بتستهدف أفرد في مصر فعندك فيسبوك وانستجرام وتيك توك
أفراد خليج سناب شات وتويتر وانستجرام وتيك توك
اوروبا وأمريكا موقع الكتروني وببكون في هيئة ستورز
هتببع منتجات في أي مكان لفئة B و B+ عليك بموقع إلكتروني وسوشيال ميديا مناسبة لبلد الاستهداف عشان توصل للعميل ال بيدفع وتهرب من عميل "H. M" بكااام
هتعتمد اعلانات سوشيال ورسايل وواتس اب ادخل دوامة الاعلان غالي الرسالة غالية والبيعة مبتكملش عشان العميل مبيكملش الشراء فلازم تراجع تحليل استهدافك وعملية البيع وخصائص منتجك
التسويق التقليدي شغلانة وحسبة ومتعة ميعرفهاش غير قليل 🤩

23/06/2023

أول جملة بيقولها محترفين التسويق
محدش يقدر يقدم كل شيء لكل الناس
تخصص في جزء من المجال لو مصمم جرافيك اختار تخصص وركز عليه
لو مصور اتخصص في مجال من مجالاته وانجح فيه
لو مسوق ركز في فرع من فروعه وابني تراكم وكون خبرات واستعين في باقي الفروع بناس تانية حتى لو عندك معرفة
متستنزفش طاقتك في تشعبات
عميلك هو مش كل الناس
عميلك هو نوع واحد راجل أو ست لو ينفع راجل أو ست قسمهم مرحلة ركز على شريحة وبعد ما تكون جمهور اتوسع وزود الشريحة
الرجالة مراحل عمرية اطفال ومراهقين وشباب وكبار سن
ركز خدماتك ومنتجك مناسب لمين أكثر
وركز أنت مش بتبيع لنفسك
عميلك مختلف عنك أنت مش بتجمع أقرانك في الحياة أنت بتقدم خدمة للناس ال ليهم سمات شخصية مختلفة وقد تشترك معاك في بعض الصفات مش كلها
مشروعك قابل للتغيير والتطوير مش جامد لتصورك انت لوحدك
مشاريع وشركات كبيرة وقعت بسبب تصور أصحاب المشاريع برؤيتهم وتجاهل احتياجات السوق
مشروعك بيغير توجه أو فكر أو رؤية بياخد وقت وحركته بتكون اكثر بطئا فمش هتعلن عن مشروعك هتلاقي اقبال سريع
التسويق نتائجه على مدى بعيد مش سربع
ال يقولك هجيب لك ١٠٠ الف متابع أو هحقق لك بيعة بمليون جنيه في اسبوع نصاب لو ميزانيتك على قدها
خليك واقعي واعرف حجم مشروعك وميزانيتك ومتبنيش توقعات كبيرة
الطموح حلو لكن تكون حالم وخيالي هيخسرك ويهد من أحلامك
كلام منعكش وملخبط بس ركز فيه هتلاقي مش كتير بيقولوا الكلام ده وبيلعبوا على انهم يستنزفوا منك فلوس مقابل خدمات وهمية

23/06/2023

ليه أوجه كلامي لشخص واحد مع إن عندي متابعين كثير؟
كام واحد ماسك الموبايل معاك!
كام واحد بيقرأ المنشور معاك؟
كام واحد بيتفرج على الفيديو معاك؟
امتى اتكلم لفرد وامتى اتكلم لمجموعة؟
لما تكون على خشبة مسرح / شاشة تلفزيون في برنامج عائلي / في ساحة فعالية فيها جمهور كبير
اتكلم للمجموعة
لما تكون محتواك عام ومطروح على التواصل الاجتماعي بيكون:
محتواك معروض على الفرد (سواء أنثى أو مذكر)
والفرد على التواصل الاجتماعي بيحب الخصوصية وبيحب يحس إنه هو لوحده ال مركز اهتمام العلامة التجارية فهنا هتوجه صوتك بمفرد مذكر
لأنه الصوت الأعم والأكثر شمولا
امتى اعمل وجود واعتبار للمؤنث لما يكون المحتوى مخصص للنسويات واهتماماتهن
التسويق مش اهتمامه تفضيلات صاحب العلامة التجارية الشخصية
ولكن اهتمامه الأول تفضيلات الجمهور الشخصية
اهتمامه احتياجات السوق
اهتمامه القيمة المقدمة منك للعميل
ملحوظة الستات مبتضايقش لما بتقرأ بوست موجه لاهتماماتها ومكتوب أو بيتقال بصيغة المذكر
احنا بس قضايا النسوية واكلة من دماغنا كتير زيادة عن اللزوم

22/06/2023

التسويق مش شخص واحد يعني المفروض يكون عندك فريق:

شخص استراتيجي قادر يساعدك في تحديد رؤيتك واختيار السوق الانسب وتحليل امكانياتك ومتطلبات السوق ومواصفات عميلك والخطة المفترض تمشي عليها عشان تحقق اهدافك

الباحث التسويقي: ده شخص عنده قدرة على جمع البيانات وتحليلها واستخلاص التوصيات وببكون غالبا مساعد للشخص للاستراتيجي لأن دورهم مكمل لبعض

شخص مسؤول عن كتابة محتوى للسوشيال ميديا
شخص مسؤول كتابة صحافة ومواقع

قد تجتمع مهارات الشخصين ال فوق في شخص واحد لكن يفضل ان يكون كل واحد متخصص في منطقته

شخص مسؤول تصميم سوشيال ميديا
شخص مسؤول تصميم مواقع الكترونية

قد يكن المصمم هلى دراية بالاثنين ولكن يفضل أن يكن الفريق فيه كل شخص لوحده

لو شغلك على أرض الواقع فالتصوير الفوتوغرافي جواه تخصصات كتير زي
تصوير منتجات - فاشون - بورتريه - معماري وديكور

وطبعا كل مصور متخصص أفضل من مصور واحد بيلعب على كل التراكات

بعد مرحلة تشغيل لفترة هتحتاج مطور أعمال وده مهمته يقيم مرحلة التشغيل ويعمل دراسات ويحلل ويقولك نقط ضعفك فين ويتعاون مع الفريق الأول عشان يطلعوا بنتائج تطور من مشروعك وقد يساعد مطور الأعمال في البحث عن عملاء مباشرين أو بناء شراكات أو ممولين ومانحين

كل مرحلة في مشروعك لها فريقها لل محتاج له المهم تبقى عارف إن كل واحد قادر على تأدية مهامه والأفضل التخصص لكل فرد لعدم تداخل المهام الإدارية لسرعة انجاز الخطة

اسمعوا لمتخصصين في كل مجال هشارك روابط قنوات متخصصة من وقت للتاني بتطرح محتوى تسويقي أو تصوير أو تصميم

اتخصص في جزئية واحدة ومتتفرعش عشان مترميش نفسك في متاهة وابني لك طريق زي القطر محطة ورا التانية عشان تبني تراكم متلويش الطريق وتقول اصلها مرونة إلا لو كنت هتنزل محطة تجمع مواد تنفعك بعدين

ما هي حقيقة التسويق؟!يظن الكثيرون أن التسويق هو الترويج ويظلمه الأغلبية بوصفه عملية البيع..الحقيقة أن التسويق هو أساس إي...
02/03/2023

ما هي حقيقة التسويق؟!

يظن الكثيرون أن التسويق هو الترويج ويظلمه الأغلبية بوصفه عملية البيع..

الحقيقة أن التسويق هو أساس إيجاد القيمة لما تقدمه من خدمة أو منتج من خلال مجموعة عمليات سيتم تناولها فيما بعد..

بينما الترويج (الإعلانات) يتم بناء رؤيتها من قبل متخصص له رؤية فنية إبداعية يطلع على ما قدمه مختص التسويق من نتائج وتوصيات لتصميم الإعلان..

بعد ذلك يأتي دور المبيعات الذي يجب أن يتمتع بمهارة التفاوض والإقناع وسرعة البديهة ويكن على دراية بما قدمه التسويق من تقارير وتوصيات للطرق الأنسب بعملية البيع لتلك الخدمة أو المنتج..

تكتمل العملية بدور خدمة العملاء والذين يتمتعون بالذكاء الكافي للتعامل مع غضب العملاء وعليه أن يكن لديه كافة المعلومات التي يقدمها قسم التسويق، وقد يقوم خدمة العملاء بدور البائع لكل عميل محتمل يتقدم بطلب الشراء.

في نهاية الأمر أن كل قسم مما سبق ذكره هو مستقل باختصاصاته والمهارات المتطلبة لإنجاز مهامه..

ومن المهم أن نكن على معرفة بأن ليس كل مختص تسويق يصلح لوظيفة المبيعات ولكن قد يصبح موظف المبيعات مختص تسويق..

#تسويق
#مبيعات

31/01/2023

كيف تبدأ التخطيط لمشروع جديد؟!
ما هي خطوات إعداد خطة العمل Business plan؟

Address

Alexandria
21515

Telephone

+201013288378

Website

Alerts

Be the first to know and let us send you an email when Market Explorate posts news and promotions. Your email address will not be used for any other purpose, and you can unsubscribe at any time.

Shortcuts

Share

Category