20/02/2026
زهقانه وهحكى هنا انا ياجماعه مش عاوزه اتجوز شايله هم الموضوع دا زى العمى حرفيا اتخرجت واتخطبت كذا مره وفشكلت ومكنتش مبسوطه طول عمرى بنت فى حالى المهم سافرت اشتغل برا ومرتبى كان حلو الحمد لله والدى شخص محترم جدا مش طماع ابدا ابعت له مبالغ مساعده عشان اخواتى فى التعليم وكدا يفتح حساب فى البوسطه باسمى ويحطهم ليا ومن غير ميقول اختى إلى كانت بتقولى وهو بيحب الموبايلات بعت له موبايل حلو لقيت ماما بتقولى والله يابنتى ضميره مانبه بيقولى دا شقاها المهم هو اصلا إلى دافع ليا كل تكاليف السفر وهو شغال وشقيان قولت اعوضه مفيش مش عاوز منى حاجه كنت واخده موضوع السفر حجه عشان اهرب من الجواز واقعد ابعت لهم فلوس ويسكتوا دلوقت نزلت اجازه تلات شهور اتقدملى ابن خالتى هو مهندس اتصالات وانا رافضه وبابا زعلان منى ووصل أنه يزعقلى ويجرحنى بكلام زى هتكبرى هتعجزى انا مش هعيش لك محدش هيحبك من اخواتك طول العمر جوزك بس الى هيشيلك وانا ياجماعه والله ماعاوزه الموضوع بقا مرعب أنا حلمت انى بتخطب صحيت قولت الحمد لله أنه حلم بقيت مرعوبه انا جوايا حاجه رافضه الجواز
انا مش حمل مسؤوليه اه بشتغل تمام لكن بمزاجى مش عاوزه اكون شايله هم حاجه ومسووله منها أما ننزلت اجازه بصحى بمزاجى وانا متاخر واطبخ لهم المغرب واعمل شغل البيت بمزاجى لكن لو اتجوزت مش هبقا مرتاحه كدا انا جربت فى الخطوبتين وكانوا استغفر الله العظيم بلاااؤ
حد فاهمنى هنا والله انا منا فاهمه نفسى تقريبا اتجننت
