عيادات د. سمر سعيد استشاري النساء والتوليد

  • Home
  • Egypt
  • Alexandria
  • عيادات د. سمر سعيد استشاري النساء والتوليد

عيادات د. سمر سعيد استشاري النساء والتوليد Contact information, map and directions, contact form, opening hours, services, ratings, photos, videos and announcements from عيادات د. سمر سعيد استشاري النساء والتوليد, Alexandria.

استشاري أمراض النساء والتوليد وعلاج العقم
د.دكتوراه النساء والتوليد وعلاج العقم
أخصائي المناظير الجراحية والحقن المجهري
أخصــــــــائي تطبيقـــــات اللــــــيزر
زميل جـــــامعة هارفارد الأمريـــكية

14/10/2026

دائماً في زحمة اليوم، نلاقي حد منكم مروق علينا بـ شوكولاتات، أكل، أو عصير.. بنقعد نضحك ونقول: (احنا بنصعب عليكم ولا إيه؟ 🤣)
​بس بصراحة.. اللحظات دي بنحس إن فيها حب، وود، وحنية كبيرة. وزي ما أنا بخاف عليكم وبتمنى لكم كل خير، بحسكم فعلاً خايفين عليّا وبتراعيكم تفاصيل يومي وسط التعب والزحمة. 🌸
​شكراً من كل قلبي لقلوبكم الطيبة اللي بتجبر بخاطري دايماً.. ربنا يديم بيننا الود والحب، ويقدرني أكون دايماً عند حسن ظنكم وفي خدمتكم. 🤍✨
بدايه حكايه جديده بتبدا برعايه صح ...دكتورتك دكتوره سمر سعيد 🥰🥰
​

من أجمل الحكايات التي بتعيش معنا في العيادة حكاية "ليليا" الجميلة الرقيقة "آية". ❤️ 🌸رحلة آية كانت مليانة "اكشن" ومواقف...
12/10/2026

من أجمل الحكايات التي بتعيش معنا في العيادة حكاية "ليليا" الجميلة الرقيقة "آية". ❤️ 🌸
رحلة آية كانت مليانة "اكشن" ومواقف صعبة، مرينا فيها بتحديات زي قلة السائل حوالين البيبي، والتهابات ف المسالك البولية، ومعامل التهاب مرتفع.
بس سيطرنا على كل حاجة بفضل الله، آية كانت "شطورة" ومتعاونة، وربنا كرمنا بالنجاح.
آية كانت بتعاني من فوبيا وخوف شديد من الولادة والم الولادة، بس الحمد لله، حولنا التجربة دي لذكري حلوة ب"ولادة قيصرية بدون ألم"، عشان تعيش اللحظة بكل سعادة.
والمسؤولية الأكبر كانت في وجود والدة آية.. رئيسة تمريض في مستشفى نسا ضخم
التعامل مع حد فاهم جداً هو فخر كبير لينا، وشكراً لثقتهم الكبيرة في عيادتنا.
من ألطف العائلات اللي اتشرفت بمعرفتهم، وليكم في القلب معزة خاصة.
ربنا يحفظكم ويبارك لكم في ليليا، وأشوفكم دايماً بخير وسعادة.
بداية حكاية جديدة بتبدا برعايه صح دكتورتك دكتوره سمر سعيد 🥰🥰
#قيصرية

مش مجرد "ريفيو".. دي حييبتي اصلا ..دي رحلة عمر وتفاصيل إنسانية بتبقى محفورة في القلب. 🌸​من أول فرحة تحليل الحمل بعد فتره...
10/10/2026

مش مجرد "ريفيو".. دي حييبتي اصلا ..دي رحلة عمر وتفاصيل إنسانية بتبقى محفورة في القلب. 🌸
​من أول فرحة تحليل الحمل بعد فتره علاج لحد ما عدينا سوا بأصعب لحظات الحمل الحرج زي ما قال الكتاب .. احنا كنا تسمم حمل ضغط عالي حضرتك انزيمات كبد بتعلي و غازات دم حصل فيها لخبطه .. بجد سيناريو 🤣🤣
، مكالمات نص الليل، القلق، والمتابعة خطوة بخطوة.. وصولاً لـ "ألياس باشا" وهو بينور الدنيا بالسلامة.
​دائماً بؤمن إن الطب مش مجرد علم وتشخيص، ده رحمة واحتواء، ووقوف جنب المريضة لحد ما تشوف ضناها في حضنها.
​شكراً لكل كلمة طالعة من القلب، وشكراً لثقتكم الغالية اللي هي أثمن حاجة في رسالتنا. هذا من فضل ربي أولاً وأخيراً. 🤍
​ودايماً افتكري:
بداية حكاية جديدة بتبدأ برعاية صح.
دكتورتك دكتوره سمر سعيد🥰🥰

08/10/2026

تكيسات المبايض مش معناها إن الحمل مستحيل ❌❌
تكيس المبايض ممكن يأثر على انتظام التبويض والدورة، وبالتالي ممكن يؤخر حدوث الحمل، لكن مع التشخيص الصحيح والعلاج المناسب تقدر ستات كتير تحقق حلم الأمومة. 🌸
في الفيديو ده هتوضح لنا د. سمر سعيد – استشاري النساء والولادة العلاقة بين تكيس المبايض والحمل، وإمتى التكيس يحتاج علاج أو متابعة.
✨ التشخيص المبكر والمتابعة الصحيحة هما أول خطوة في طريق الحمل.


#الحمل

#تبويض

05/10/2026

لما الممرضة تمسك دراعك وتقيس الضغط في العيادة، بلاش وتقوليلنا: "ما أنا قايساه في الصيدلية الأسبوع اللي فات يا دكتورة!" 🙈
​قياس الضغط في كل زيارة هو الخطة الأولى والأساسية لوقايتك أنتِ والبيبي.. لأن فيه حاجة اسمها "تسمم الحمل" (Preeclampsia)، ودي مش حاجة تحبي تكتشفيها بالصدفة!
​علامات خفية لو ظهرت.. انسي بقى المواعيد وتتعاملي معاها كـ "طوارئ":
• صداع مستمر مش راضي يفك.
• زغللة أو غشاوة على العين.
• ألم في رأس المعدة (تحت القفص الصدري مباشرة).
• تورم مفاجئ وغير عادي في الوجه أو الإيدين.
​صحتك وصحة البيبي خط أحمر.. وافتكري ديماً: قياس 30 ثانية بالدقيقة، بيحميكي من مشوار طوارئ أنتِ في غنى عنه! 🩺✨
بداية حكاية جديدة بتبدأ برعاية صح دكتورتك دكتوره سمر سعيد ❤️❤️
​

علشان دايماً نكون أقرب ليكي ونوفرلك الراحة والأمان اللي تستحقيهم.. ✨​بناءً على طلبكم ولحرصنا الدائم على متابعتكم برعاية ...
03/10/2026

علشان دايماً نكون أقرب ليكي ونوفرلك الراحة والأمان اللي تستحقيهم.. ✨
​بناءً على طلبكم ولحرصنا الدائم على متابعتكم برعاية واهتمام، بنسعد بإعلامكم بـ زيادة مواعيد الكشف والمتابعة في عيادة مدينة برج العرب بدايةً من يوم الخميس القادم إن شاء الله. 🌸
​منتظرينكم دايماً ونتمتنى لكم و أسرتكم دوام الصحة والعافية 💕
​📞 للحجز والاستفسار:
01060665729
بداية حكاية جديدة بتبدا برعايه صح
دكتورتك دكتوره سمر سعيد 🥰🥰

02/10/2026

إفرازات غير طبيعية أو رائحة مزعجة من المهبل ⁉️‼️
حرقان . حكة . افرازات . رائحة مزعجة ممكن تكون علامات مش عادية ❌❌❌❌❌
أعراض ممكن تكون علامة على التهابات مهبلية، لكن المشكلة إن أسبابها مختلفة، وبالتالي علاج كل حالة بيختلف عن التانية.
❌ استخدام غسول أو علاج من نفسك ممكن يهدّي الأعراض مؤقتًا… لكن أحيانًا يزود المشكلة أو يخلي الالتهاب يتكرر.
لأن التشخيص الصحيح هو أول خطوة للعلاج الصحيح ❤️
مع د. سمر سعيد
استشاري النساء والتوليد والحقن المجهري
👩‍⚕️ صحة المرأة تبدأ من الاهتمام بالتفاصيل الصغيرة… قبل ما تتحول لمشكلة كبيرة.
ً

بنحاول ناخد صورة هادية للذكرى بس الباشا مصمّم يطير! ✈️👶بس الحق يتقال.. المرادي كان راضي عني وبيضحك ومسالم جداً ❤️من أمتع...
30/09/2026

بنحاول ناخد صورة هادية للذكرى بس الباشا مصمّم يطير! ✈️👶
بس الحق يتقال.. المرادي كان راضي عني وبيضحك ومسالم جداً ❤️
من أمتع لحظات شغلي لما أشوف الكتاكيت اللي تولدوا على إيدي بيكبروا ويبدأوا يتنططوا في العيادة! ربنا يحفظه ويبارك فيه يا رب 🤲✨"
بداية حكاية جديدة بتبدا برعايه صح.. دكتورتك دكتوره سمر سعيد 🥰🥰

28/09/2026

شكرا بجد ❤️❤️

27/09/2026

مش كل ألم مع اللولب عادي.. حالة من العيادة وتوعية مهمة جداً! ⚠️🌸
​جاتلي الحالة بتشتكي من ألم شديد ومستمر في البطن والظهر، ومع فحص السونار المهبلي الدقيق، اكتشفنا إن اللولب مش في مكانه الطبيعي، وتحرك وغرس في عضلة الرحم!
​الحمد لله تم التشخيص بدقة وإزالة اللولب بأمان تام وبدون أي مضاعفات. ❤️
​ليه الفيديو ده مهم لكل ست مركبة لولب؟
اللولب وسيلة ممتازة وآمنة جداً لمنع الحمل، لكن عشان تطمني وتتجنبي أي مضاعفات زي دي، لازم تلتزمي بـ 3 قواعد:
​1️⃣ المتابعة الدورية بالسونار: زيارة سريعة كل 6 شهور لـ 12 شهر للتأكد إن اللولب في مكانه المضبوط.
2️⃣ ما تتجاهليش الأعراض: لو حسيتي بـ (ألم شديد في البطن/الظهر، نزيف غير طبيعي، أو ألم أثناء الجماع)، لازم تفحصي فوراً وما تقولينش "عادي بكرة يخف".
3️⃣ الفحص فوراً بعد التركيب: التأكد بالسونار بعد أول دورة شهرية من تركيب اللولب.
​سلامتك أولاً.. اطمني على نفسك وسيبيلنا أي سؤال في الكومنتات!
بداية حكاية جديدة بتبدأ برعاية صح ✨
دكتورتك دكتوره سمر سعيد ❤️❤️
​ #اللولب

Address

Alexandria

Website

Alerts

Be the first to know and let us send you an email when عيادات د. سمر سعيد استشاري النساء والتوليد posts news and promotions. Your email address will not be used for any other purpose, and you can unsubscribe at any time.

Shortcuts

Share