08/08/2026
آخر فترة اكتشفت حاجة في طريقة شغلي...
وحسيت إنها من الحاجات اللي فعلًا فرقت معايا في مستوى الشغل.
إني بقيت بعرف أتعامل مع الحاجة اللي معرفش أعملها.
الجملة ممكن تبان غريبة شوية...
بس في مشاريع كتير اشتغلت عليها، اتحطيت قدام Tasks أو أهداف جديدة عليا، أو Projects كبيرة فيها تفاصيل كتير ومتشابكة، ومش بالضرورة أكون عملت نفس الحاجة قبل كده.
زمان كان السؤال الطبيعي بالنسبالي:
أنا أعرف أعمل ده ولا لأ؟
دلوقتي السؤال اتغير تمامًا:
إيه الـ Sequence الصح اللي يخليني أوصل للنتيجة دي؟
ببدأ أفكك الهدف الكبير لمراحل أصغر...
أفهم كل مرحلة محتاجة إيه، وإيه الـ Skills والـ Resources اللي هحتاجها، وإيه اللي بيعتمد على إيه.
وبعدين أرتبهم في System واضح.
والأهم...
أحط لكل مرحلة KPIs أعرف من خلالها إحنا فعلًا بنتقدم ولا مجرد "شغالين".
الغريب إن بمجرد ما الـ System ده يبقى واضح قدامي...
الحاجة اللي كانت في الأول كبيرة، جديدة، ويمكن مخيفة شوية، بتتحول لمراحل واضحة أقدر أتعامل معاها واحدة واحدة.
والأجمل إن النتيجة مش بس إني أنجزت الـ Task.
لأ...
بقى عندي Process أقدر أكرره، أطوره، أقيسه، والأهم إني أقدر أنقله لشخص تاني، فيتعلم أسرع بدل ما يبدأ الرحلة من الصفر.
وأعتقد إن النقطة دي بقت أهم بكتير في عصر الـ AI.
لأن النهارده ممكن تطلب من AI يعمل لك Task معينة وينجزها بشكل ممتاز...
لكن المشاريع الكبيرة عمرها ما كانت Task واحدة.
ممكن الهدف النهائي يكون مجرد File واحد...
لكن علشان الـ File ده يطلع صح، ممكن تحتاج Research، Analysis، Strategy، Content، Data، مراجعات، قرارات، وتنسيق بين أكتر من Department.
هنا القيمة مش بس في مين يقدر ينفذ كل Task.
القيمة الأكبر بقت في:
مين يقدر يشوف الصورة كاملة...
يفككها...
يرتبها...
يبني لها System...
ويعرف يقيس إذا كان الـ System ده فعلًا بيوصله للهدف ولا لأ.
ويمكن ده مرتبط بحاجة كانت عندي من بداية شغلي...
إني عمري ما عرفت أبص على الجزء اللي في إيدي بمعزل عن باقي الـ Business.
حتى لو مسؤوليتي في Department معين، دايمًا كان يهمني أفهم:
اللي بعمله ده هيروح لمين بعدي؟
هيأثر على إيه؟
وإيه اللي لازم يحصل في باقي الـ Departments علشان النتيجة النهائية تطلع صح؟
ومع الوقت اكتشفت إن النظرة دي هي اللي ساعدتني أبني Systems لحاجات ما عملتهاش قبل كده.
وده يمكن من أكتر التطورات المهنية اللي بقيت فخورة بيها...
إني مش لازم أكون عملت الحاجة قبل كده علشان أعرف أبدأ فيها.
لكن لازم أعرف إزاي أفهمها...
وأفككها...
وأبني لها الطريق اللي يوصلني للنتيجة.
