3A Marketing agency

29/01/2019

طيب احنا كشركة ماركتنج ايه الخدمات اللى بنقدمها 🤔
خدمة دراسة السوق market research: قبل ما تبدأ الbusiness بتاعك محتاج تعرف منافسينك فى السوق بيقدموا ايه وايه عروضهم عشان تعرف تنافس صح وكمان بعد ما تبدأ محتاج كل شويه تعمل دراسه للسوق عشان تفضل دايما فى المقدمه وتكون عارف عدوك وتعلم عليه
خدمة الاعلانات المموله Ads management : من خلالها بنقدر نوصلك لأكبر عدد من الtarget audience اللى يكونوا فعلا مهتمين بالمجال بتاعك وبيهم تقدر تتفوق على منافسينك
خدمة الpage moderator: إداره محترفه للصفحه بتاعتك ورد سريع على الmessages و الcommentsوتفاعل متميز مع العملاء يناسب هوية البراند
خدمة التسويق بالمحتوى content marketing: دى بنقدمها لاصحاب الشركات اللى محتاجين يبنوا جسور تواصل بين البراند بتاعهم والجمهور المستهدف لكسب ولائهم وزيادة استمرارية البراند
التصميم design: بنقدم تصميمات احترافيه تلفت الانتباه وتساعدك على الظهور بشكل احترافى مبدع
خدمة صناعة الفيديو video production: بنقدم خدمات متنوعه فى صناعة المحتوى الحركى لتضيف الحياه للبراند بتاعك
-advertising video
-documentary video
-short films
خدمة photo session: خدمة تصوير المنتجات والأطعمه بدرجه عاليه من الاحترافيه لإظهراها بالشكل الذى تستحقه
لو محتاج اى من الخدمات دى تواصل معانا على سايل الصفحه

27/01/2019

دلوقتى كل الناس بقت تحب تتفرج على المنتج اون لاين وتعرف سعره عشان متضيعش وقتها فى اللف ع المحلات ومقارنة الاسعار
فمهم اوى تعرف تبرز جمال المنتج بتاعك فى صوره
وعشان الصوره تطلع حلوه لازم تهتم بالbackground يعنى مثلا مينفعش ابقى بعلن عن منتج وفى الخلفيه للمنتج ده حاجات ملهاش علاقه تماما بيه لازم كل اللى ظاهر فى صوره يكون ليه علاقه ببعضه وييكمل بعضه يعنى مثلا لو صوره ل أكل يكون متصور وفى الخلفيه موجود طماطم وخيار او موجود مكونات الاكل ده ايه ... وعشان صورة الاكل تكون حلوه لازم يتصور بزاويه 90 يعنى بشكل عمودى عشان لو اتصور بزاويه تانيه هيظهر خيال فى الصوره دى غير طبعا تظبيط الاضاءه ..عشان متوجعش دماغك بكل التفاصيل دى تقدر تستعين بينا واحنا هنصورلك المنتج بالصوره اللى تبرز جماله

25/01/2019

هو ايه بقا التسويق الالكترونى اللى خارب الدنيا بقاله فتره دا تعالو نعرف هو ايه فكلمتين
ببساطه كدا انك تسوق لحاجه يعنى تختصرلى مميزاتها وتركزلى على اللى محتاجه من المميزات دى وانا محتاجها فايه بالظبط وأهم حاجه انك توصلهالى انا الشخص اللى محتاجها مش لأى حد تانى يعنى targeting عالمظبوط ودا طبعا لازم يكون بشكل واقعى من غير أفوره ولا اعتباط و بمساعده عمنا مارك بقت مواقع التواصل الاجتماعى ليها دور فعال جدا فالتسويق بانك تقدر توصل كلامك أو منتجك أو فكرتك لناس محددين جدا و تقدر تستهدف مناطق معينه و اهتمامات الناس دى ايه ، أكنك بتوصف العميل بتاعك ومن هنا انت بتساعد نفسك كصاحب منتج انك توصل منتجك للشخص اللى محتاجه بسرعه و بسهوله و فى نفس الوقت انت بتساعده ان احتياجاته تجيله لحد عنده وهو يادوب قاعد يتصفح على الفيس وده الحلو فيه انه مش مكلف زى باقى الانواع وبقدر اوصل للناس المهتمه فعلا وبشوف النتايج بشكل اسرع

18/01/2019

الإبداع فى الماركتنج هو اللى بيميزنا 😉 ودا بيخلينا دايمآ نختار فريق قوى طموح و الأهم يكون مُبدع 👌
لو انت "مسوق الكترونى"بتفكر زينا و شايف نفسك واحد مننا
ابعتلنا ال cv وال protopholio الخاص بيك على الإيميل ده 👈 [email protected]
وانضم لكيان 3A ✊
💪

09/01/2019

طبعا انت لما قريت الاسم جه فى دماغك غوريلا زى اللى فى الصوره كده 🙂
بس الحقيقه الغوريلا ملهاش علاقه خالص بالموضوع اللى هنحكى فيه ..والكلمه نفسها guerrilla اصلها اسبانى ومعناها الحرب الصغيره ..طب تمام بس برضو ده علاقته ايه بموضوعنا ..
هقولك يا سيدى الجوريلا ماركتنج ده معناه انك تعمل فكره مطرقعه كتسويق للمنتج او الخدمه بتاعتك تعلق مع الناس وكمان متكلفكش كتيير زى حرب العصابات الصغيره كده بيستخدموا اسلحه مختلفه ومش مكلفه ويقدروا يكسبوا بيها الحرب ^_^
النوع ده ظهرسنة 1984 على ايد واحد اسمه ليفنسون وقال ان الغوريلا ماركتنج ده هدفه دعم الشركات الصغيره اللى مش بتقدر تعمل اعلانات ضخمه ع التليفزيون والراديو ومعندهاش ميزانيه كبيره فتقدر تعمل اعلانات بتكلفه قليله بس تفرقع وتعلق مع الناس لكن حاليا فى شركات كبيره بتستخدم الغوريلا ماركتنج كمساعده للحمله الكبيره .
وانت بتستخدم النوع ده خد بالك لان ممكن تستخدمه بطريقه تتقلب ضدك زى ما شركه كبيره فى امريكا اسمهاBroadcasting Turner فى 2007 لما عملت نوع معين من الاعلانات ينور بالليل بس ف الناس افتكرت انها قنابل موقوته وده عمل رعب وفوضى بينهم
هسيبكم بقى مع فيديو كمثال للجوريلا ماركتنج وده كان اعلان لقناة الدراماTNT Benelux فى بلجيكا فى اول تعليق 😃
الاعلان عباره عن زرار فى وسط الشارع مكتوب اضغط عليه عشان تضيف الدراما لحياتك
لو عندكم اى امثله تانيه للجوريلا ماركتنج شاركونا بيها فى التعليقات

31/12/2018

25/12/2018

سواء انت عايز تشتغل فى التسويق او عايز تسوق لشركتك فلازم الاول تكون عارف يعنى ايه تسويق 🙂
التسويق ليه تعريفات كتيير جدااا لانه كل شويه بيتطور ومن التعريفات دى انى ابحث عن اللى الناس محتاجاه وافره بمنتج موجود فى السوق او لسه هيكون موجود فى السوق المهم ابحث عن احتياجات الناس واوفرلهم منتج يسد الاحتياج ده .

20/11/2018

مولد نبوى شريف .. كل عام وانتم بخير🌸

13/11/2018