21/07/2022
اهم اخبار من فيسبوك هتغير شكل التسويق الفترة الي جاية
بعد اجتماعات و اخبار كتير من شركة (meta) بدؤا فعلا يحطوا خطط و ينفذوها و لازم تكون عارفها
١- الاعلانات التكلفة بتاعتها هترفع بنسبة تصل الي ٢٥٪ من اول شهر ٩ و بدؤا التنفيذ من دلوقتي بس كل الي اعلاناته شغالة اصلا مش هيطبق عليه غير بعد شهر ٩ و ده عشان الناس تعلي البادجت الي بتعمل بيها اعلانات
٢- تفعيل الربحية علي الانستجرام و ده خبر مهم جدا و احب اققول لكل الي كان مهتم بالتسويق علي الانستجرام مبروك لان النتائج و التفاعل هيتحسن بنسبة كبيرة جدا ، و البلوجرز هيبقوا جزء اساسي من التفاعل ده و الناس هتقضي وقت اكتر بكتير بهدف انشاء ريلز و يكسبوا منها فلوس
٣- تزويد نسبة ظهور الاعلانات في الريلز في فيسبوك و انستجرام بعد نجاح ربط الاتنين ببعض و لما قاسوا وجدو ان دا اكتر حاجة زودت التفاعل بعد تفعيل الربحية علي فيسبوك
٤- اي فيديو اعلاني اكتر من ١٥ ثانية و مش بمقاسات الريلز هيخسر كتييير اوي لانه مش هيظهر في اماكن كتيرة جدا داخل فيسبوك او انستجرام
٥- الواتس اب بقي ده قصته قصة ، الواتس اب بيزنس هيبقي فيه مزايا كتير جدا من ناحية استهداف العملاء و انك تبعتلهم رسايل و مزايا كتير بس مقابل مبلغ شهري كانه اشتراك
٦- واتس اب بيكسل تحت التطوير و متوقع انها تشتغل من اول السنة الي جاية و بالتالي هيبقي فيه لينك دايركت مابين المواقع و الواتس اب و هيبقي رقم واحد في استهداف و تحديد عادات العملاء لان زي ماحنا عارفين الواتس اب ليه اكسس علي كل معلوماتك
٧- تمويل استوريز الواتس اب ديه لسه تحت الدراسة بس انا اتوقع انها تشتغل عادي جدا لان مارك مش هيسيب جنيه لما ياخده
٨- فيسبوك ورك و ده شبيه ل لينكد ان بس عاملينه اقوي من ناحية تواصل الشركات مع بعض و لسه دراسة الاعلانات بتاعته مش هتبدا غير بعد سنة من التسويق ليه بشكل فعلي و المتوقع انه يكون بداية مع انطلاقة الميتا فيرس
٩- تغيير الادز مانجر و ده شوفناه من دلوقتي و ده محتاج مقالات عن التغييرات الي حصلت فيه و مش هتلاقي حد عارف حاجة و ملكش حل غير انك تكتشف بنفسك
١٠- تغيير نظام خصوصية الاعلان مع ios 16 و لو انت فاكر ان ده مش هيأثر احب اققولك ان نسبة الي معاهم ايفون اكتر من نسبة كل الشركات للموبايلات مع بعض
استعدوا عشان فيه حرب جاية و الي هيكون عارف هو بيعمل ايه هو الي هيكون علي اول المركب و الباقي مش هيقدر يشتغل تاني لانه مش هيعرف يجيب نتائج
