https://www.facebook.com/102486671436421/

Mena Makram, Cairo (2026)

03/02/2022

لغز للاذكياء فقط 😎

اللاب باظ ومرة واحدة لقيت الشاشة سودة
الجهاز يفتح عادي لكن الشاشة سودة

فدخلت على يوتيوب اشوف الحل
لقيت فيديو من شركة HP نفسها بخطوات لعلاج المشكلة

قولت ياما انت كريم يارب
نفذت الخطوات ورا الفيديو
ومن ضمن الخطوات دي
اني افتح اللاب واخرج الرامات واركبهم تاني
وبالفعل عملت كده ونفخت في الرامات كمان عشان التراب

رجعت قفلت اللاب وبجربه .... ماشتغلش 😂
فقولت يبقى كده المشكلة كبيرة ومحتاجة متخصص

واحد زميلي عرف فقالي ممكن تكون الفلاتة فصلت
استنى يوم الجمعة افتحه ونصلحه. (والحمدلله اني ماانتظرتهوش 😂)

تاني يوم
اخدته معايا لمول البستان في التحرير
وعرضته على متخصص صيانة

قام فتح اللاب وخرج الرمات وجاب فرشة أسنان وشوية تنر نضف بيهم مكان الرمات
قفل الجهاز وجربه .. اشتغل 😁

ايه الدروس المستفادة من القصة دي؟
وايه اللي كان ناقصني في الموقف ده؟

فكر وجاوب 🙂
👌

23/12/2021

ياترى ايه الهدف من خطوة زي دي؟
هل زيادة الأرباح ولا ممكن يكون فيه هدف تاني؟
من فترة كبيرة وانا بشتري الكمامات دي
وبشتري علبة فيها ٥٠ كمامة ب ٥١جنيه
وغبت عنها شوية لاني كنت بشتري باكدج فيها ١٠. كمامات ب ١١ج
من يومين رجعت واشتريت العلبة الكبيرة لاحظت حاجتين جداد
١- مكتوب على العلبة ٤٨ كمامة مش ٥٠
٢- كل كمامة متغلفة بكيس مغلق زي اللي في الصورة كده
٣- خامة الكمامة سمكها أصبح اقل و اخف في الوزن (ودي لسه واخد بالي منها دلوقتي)

وانا بشتري لاحظت فرق العدد وكنت هتضايق بس لما فتحتها وشوفت التغليف اتبسطت واشتريت
الكمامة سعرها زاد ٣ او ٤ قروش مصري يعني الفرق لا يذكر
لكن اعتقد الشركة كسبانة منه بشكل كويس

قولي رايك وتعليقك ولو عندك أمثلة مشابهة شاركنا بيها

06/12/2021

ايه تعليقك انت؟
وايه رايك في المقولة الشهيرة دي؟

07/11/2021

منافس جديد في مصر لشركة اوبر، وكريم، وسويفل، وان درايفر،

واول عرض اشوفه ليه هو [صفر عمولة] وده منطقي ومتوقع وهيقعد فترة كده لغاية ما يجمع سواقين وعملاء وبعدين يبدا ياخد عمولته

كلمة "مجانا" السحرية منورة كالعادة 😂
وغالبا هتجذب السواقين ليها
والايام الجاية هنشوف بقى مستوى الخدمة عندهم وتقييمات الناس والركاب
ونتمنى يكون افضل من المنافس الأخير " indriver”
....
انت كمستخدم، اول مرة تسمع عنه ولا اتعاملت معاه قبل كده؟
وانت ايه رايك كمسوق؟ تفتكر هيقدر يتعامل وسط المنافسة الشرسة دي ولا هياخدله يومين ويختفي؟

27/10/2021

Business is like a game, the more you practice and train, the faster you learn, the more you earn

Start now and enjoy the game
#بزنس

10/07/2021

في اليوم ❤️😍 ..

زورا المعرض ياجماعة ارجوكم هتتبسطوا جدا وهتستفيدوا جدا جدا

#التسويق

28/05/2021

اتشرفت اليوم بلقاء الإعلامي الكبير والإنسان الرائع الأستاذ جورج رشاد

❤️

15/05/2021

‏وانت بتخطط لمشروعك وبتعمل دراسة الجدوى وتحديدا دراسة الجدوى المالية:

‏في المصروفات:
‏ضع اعلى التوقعات.

‏في الايرادات والمبيعات:
‏ضع اسوء التوقعات.

واسأل نفسك لو ده اللي حصل فعلا هل ده مناسب ليا ومربح وهقدر استمر فيه لغاية ما الأرباح تظهر؟

لو اجابتك "نعم" توكل على الله وأبداً

اما لو لقيت نفسك متردد .. فورا لف وارجع تاني 😂
وأوعي تبدا المشروع ..

10/05/2021

بعض الدراسات والابحاث الطبية اظهرت انه 80% من حالات الإجهاض تحدث في أول 12 اسبوع من الحمل ..

نفس الكلام بيحصل في المشاريع الناشئة .. الدراسات اظهرت ان نسبة كبيرة منهم بيختفوا في ال 12 شهر الاولى.
فلا تنتفخ كثيرا بفرحة المبيعات الاولى .. فقط ابتسم واحتفل سريعا انت وفريقك
ثم
ارجع ركز في عملك .. وادعى ان مشروعك يستقر ويحصل على الفيتامينات والعناصر الغذائية الكافية لينمو ويظهر للنور
(الكاش او السيولة وفريق العمل)
وربنا يكرمه ببيئة محيطة صحية ومناسبة عشان يكبر بدون تشوهات تفسده (العوامل الخارجية)

شارك البوست مع حد محتاجه 🙂

19/04/2021

دورة مجانية خلال شهر رمضان
"اتعلم ازاي تبني موقع إلكتروني بنفسك وابدء مشروع اونلاين من بيتك"

✅ هنتعلم مع بعض
١- ازاي تبني موقع الكتروني خطوة بخطوة (الشغل عملي وهتكون مخلص موقعك قبل نهاية التدريب وقبل نهاية رمضان ان شاء الله)
٢- ازاي تكتب مقالات وترفعها على موقعك
٣- هتفهم اساسيات ال SEO عشان تقدر تخلي موقعك يظهر في الصفحة الأولي والنتائج الاولى على جوجل (عملي)
٤- ازاي تعمل صفحة على الفيس بوك وحساب على انستجرام وتسوق عليهم بطريقة احترافية وبسيطة عشان تزود عدد زوار موقعك
5- الأهم ع الإطلاق: هنعرف ايه مصادر الربح اللي ممكن تعتمد عليهم في موقعك ومشروعك ده
(ادسنس وتسويق بالعمولة ومصادر تانية غيرهم)

✅ هنمشي مع بعض خطوة بخطوة وهجاوب على أسئلتكم كلها ان شاء الله

الدورة عملية ٩٥٪؜ وان شاء الله هتطلع منها وانت/انتي فاهمين كل المطلوب منكم عشان تنجحوا في المشروع ده (وهتكونوا بدأتوا الطريق بالفعل)

✅ الدورة مجانية ١٠٠٪؜

لكن الموقع والمشروع هيحتاج مصاريف زي اي مشروع (مشروعنا ده مش محتاج اكتر من ١٤٠٠ج او اقل + تركيزك وتطبيقك للي هتتعلمه)

✅ المفاجاة
الدورة هتكون اونلاين واوفلاين .. هنحاول نتجمع مرة او اتنين عشان نتعرف على بعض ونتعلم ونتكلم ونتناقش براحتنا وبكده نضمن ان الكل فهم وقادر يطبق اللي بنتعمله

✅ عشان تستفيد من الدورة دي
١- ضروري يكون عندك معلومات ومعرفة عن استخدام الإنترنت والكمبيوتر
2- يكون معاك لاب توب او كمبيوتر متصل بالانترنت عشان تطبق اثناء التدريب
3- يكون عندك استعداد ووقت تحضر محاضرتين اسبوعيا
4- يكون عندك وقت خلال الاسبوع عشان تطبق اللي اتعلمته
5- تقدر توفر ١٤٠٠ج لبناء موقعك (انت اللي هتدفع بنفسك للشركة ان شاء الله وهتتعلم تعمل ده بسهولة جدا)

✅ التدريب مرتين في الاسبوع عشان نلحق نخلص قبل نهاية رمضان ان شاء الله

✅ هيكون فيه جروب دعم خاص بالدورة عشان ارد على استفساراتكم بعد كل تدريب ومحاضرة

✅ انا مين؟
اسمي مينا مكرم وبشتغل في مجال التسويق الرقمي من حوالي ٤ سنين وبقدم خدمات واستشارات تسويقية ودورات لأصحاب المشاريع الناشئة في مصر والسعودية ومؤخرا بدات في فلسطين بمعونة ربنا

وان شاء الله كل معلومة هقولهالك في التدريب هي مجربة ونتيجة شغل عملي وحقيقي مريت بيه خلال فترة شغلي السنين اللي فاتت دي
فتأكد انك هتستفيد من وقتك معايا ان شاء الله

(العدد المتاح في الدورة الاولى "٢٥ شخص بحد أقصى" لضمان الاستفادة)
وفيه مفاجآت اثناء التدريب ان شاء الله

يلا لو مهتم ومستعد لحضور الدورة اكتب تعليق باسمك 👇👇👇
ولو عندك استفسار اكتبه في التعليقات بردو :)
وماتنساش تعمل منشن لصديقك او صديقتك المهتمين عشان تبداوا مع بعض :)

18/04/2021

البوست ده لصالحك ولا ضدك، كصاحب بزنس وبتبيع اونلاين؟ 🤔

شاركني برأيك

13/04/2021

المودريتور اللذيذ رزق ❤️

براند بيقدم أكلات نباتية عشان المسيحيين اللي صايمين
فأبو حميد دخل بخفة الدم المعروفة عن المصريين
والمودريتور اللي بيرد طلع دمه اخف 😂

السوشيال ميديا من اهم واقوى الأدوات اللي تساعدك تكون علاقة قوية مع عملائك عشان تطور من مشروعك ومنتجاتك باستمرار

ولما تستخدمها في مكانها الصح هتبهرك

وممكن نطلع في فيديو ندردش في الموضوع ده لو حد مهتم

لو عندك براند عجبك هات سكرين شوت وقولنا ايه سبب إعجابك بيه وخلينا نستفيد 😉 👇👇👇

Mena Makram

03/02/2022

23/12/2021

06/12/2021

07/11/2021

27/10/2021

10/07/2021

28/05/2021

15/05/2021

10/05/2021

19/04/2021

18/04/2021

13/04/2021

Address

Website

Alerts

Shortcuts

Share

Category