25/08/2026
عارف مين أول حد عمل حلاوة المولد؟ 🤔
غالبًا مش فاكر.
طب مين أول اسم جه في بالك لما قولتلك حلاوة مولد؟ 👀
أكيد فيه كام اسم طلعوا في دماغك فورًا.
وده الأهم، مش مهم مين بدأ الأول، المهم مين قدر يخلي اسمه يرتبط في دماغك بحاجة معينة. 💡
ونفس الفكرة بتحصل في الـ Personal Brand.
مش كفاية إنك تكون شاطر وعندك خبرة، لأن السوق مليان ناس شاطرة وعندها خبرة.
المهم إنك تكون معروف بحاجة واضحة عند الناس اللي محتاجينها. 🎯
يعني لما الشخص الصح يواجه مشكلة أنت بتعرف تحلها، اسمك يكون من أول الأسماء اللي تيجي في باله.
مش لمجرد إنه شافك أكتر من غيرك، لكن لأن كل مرة شافك فيها كنت بتأكد له أنت بتساعده في إيه وليه أنت الشخص المناسب للمشكلة دي.
وده بيبدأ من إنك تحدد أنت عايز تكون معروف بإيه، ومين أكتر شخص محتاج الحاجة دي، وبعدها تخلي ظهورك كله يؤكد نفس الصورة.
ساعتها أنت مش بس بتقدم خدمة، أنت بتبني ارتباط في دماغ جمهورك بين اسمك والمشكلة اللي بتعرف تحلها. ✨
لحد ما الشخص الصح يحتاجك وساعتها هيبقى عارف كويس المفروض يروح لمين.
ودلوقتي قولنا، تحب تكون أنهي قطعة في علبة الحلاوة؟ 😄🍬
