19/05/2026
الراجل اللي قدامكم ده هو الكابتن تهامي الشافعي، ابن قرية الربعماية التابعة لمركز منيا القمح بمحافظة الشرقية 👏🇪🇬
النهارده الكابتن تهامي كان سبب بعد ربنا في إنقاذ طفلة من واقعة خطـ،ـف داخل ميكروباص، بعدما شك في تصرفات السيدة اللي كانت معاها.
الكابتن لاحظ خوف البنت وتوتر السيدة بشكل واضح، ولما بدأ يتكلم معاها اتغيرت ملامحها، فتصرف بسرعة ووعي، وفتح الكاميرا وصوّر الموقف المتداول حاليًا، وبعدها تم تسليم السيدة والطفلة للشرطة، اللي بدورها ألقت القبض على السيدة، وتمت إعادة الطفلة لأهلها في مشتول السوق 🚔
كل الشكر والتقدير للكابتن تهامي الشافعي على شجاعته وتصرفه السريع والواعي 👏❤️
وفي نفس الوقت، لازم كل أب وأم يوعّوا أولادهم كويس، ويأكدوا عليهم إنهم مايروحوش مع أي شخص مهما كان أسلوبه لطيف أو كلامه مطمّن.
الوعي والانتباه أحيانًا بيكونوا سبب في إنقاذ حياة ❤️
