05/07/2026
كل الميديا بايرز بيقولوا إن حملات الـ Conversion أحسن من الرسائل…بس لما:
🔹 تصرف 140,000 على إعلانات رسايل
🔹 وتبيع بـ 2,150,000
يبقى كده إحنا كسرنا قاعدة“الـ Conversion دايمًا أفضل من الرسائل”ولا إيه؟ 🤔
هل فعلًا كسرنا القاعدة؟
الإجابة متنفعش آه او لا
لأني كميديا باير مينفعش أقرر إن حاجة واحدة ممكن
تنفع لكل المنتجات.
في حاجة واحدة بس هي اللي بتفصل وهي
التيست لازم يكون هو الفيصل لأي منتج او بالبلدي كده.
التيست هو اللي يقول إيه ينفع وإيه مينفعش.
وان كل منتج وليه ظبطته:
• في منتج يجيب معاك في الـ Conversion
وما يجيبش في الرسائل ومنتج يجيب في الرسائل
وما يجيبش في الـ Conversion
• ومنتج يجيب في الاتنين
طب ده راجع لإيه؟
اكيد بناءً على التيست الي بيتعمل.
بتشوف أحسن كوست بتجيب بيه الأوردر وتكمّل عليه
سواء Conversion-أو رسائل أو الاتنين مع بعض.
وده بالظبط اللي حصل معايا في الكيس دي 👇
عميل كلّمني أمسكله براندولسه بيبدأ في السوق الليبي.
أول خطوة عملتها
عملت تيست كامبين Conversion
علشان نطلع بأرقام حقيقية على الداشبورد
قبل ما المنتج يتشحن ولقينا نتيجة التيست بتقول ان الكوست
مناسب جدًا للعميل فقولنا نتوكل على الله وخلاص الاستوك اتشحن ووصل ليبيا 🇱🇾
بعد ما المنتج وصل رجعنا نشغل كامبينات Conversion
على أمل إن الكوست يفضل قريب من أرقام التيست…
وهنا كانت المفاجأة 😅
الكامبينات خيشت والكوست ضرب ×3
نغير Creative نغير ال Audience
نجيبها يمين شمال مفيش نتيجة وسعر الأوردر
وصل لفوق ال200جنيه وده كوست طبيعي يخسّرنا.
والمشكلة البضاعة كانت وصلت ليبيا ولازم الاستوك
يخلص بأي شكل علشان الخساره هتكون كبيرة
ساعتها فكرت وقولت طب ما نجرب رسائل؟
عملت كامبين Messages
وفجأة…الوضع اتغير 180 درجة 🔥
بعد ما كنا بنجيب 10 أوردرات بالعافيه من الـ Conversion
بقينا نقفل 100 أوردر في اليوم والكوست نزل لـ 70 جنيه
متخيل الفرق؟ من 200→ 70
ولو عملت Scaling كان ممكن نقفل400 أوردر في اليوم
بس الأوبريشن مكانش هيستحمل الضغط ده.
وسبب التغيير الي حصل ده بسبب إني كسرت
فكرة ثابتة عند أغلب الميديا بايرز وهي ان
“الـ Conversion دايمًا أحسن من الرسائل”
والكلام ده مش صح لأن كل منتج وليه ظبطته
والتيست هو اللي يقول كلمته مش أنت
الخلاصة من الكيس دي:
الرسائل كنز مدفون 💎
لو معاك المنتج المناسب ليها هتجيب الكوست
بربع تمن تكلفة الكوست من الـ Conversion
