Mohamed Goda

06/07/2025

بقالي فترة ملاحظ إن كل سنة حالي يتبدل ودايرة علاقاتي تتغير والناس اللي حواليا بيتغيروا

ورغم إني مؤمن إن مفيش حد بيفضل علي حاله والدنيا ممكن تتغير في دقيقه مش سنه

إلا إن كل سنه مع كل خطوة جديدة كنت باخدها بكون حاسس انها الخطوة الحلم اللي كنت مستنيها

وبعدها بفترة بيتغير كل دا وطموحي يعلي أكتر

وأدور علي خطوات أكبر وأكبر

18/06/2025

كنت فاكر إن دي آخر محطة
اللحظة اللي تقول فيها لنفسك
أنا كدا تمام خلاص وصلت

بس أول ما تبدأ تذاكر كورس جديد
وتفهم زاوية مختلفة أو تشوف مثال بيتحل بعقلية تانية
بتكتشف الحقيقة المرّة
إنك كنت بعيد بعيد جدًا

وإن في فكر تاني ومستوى أعلى
وإن الطريق مخلصش
وكل مرة كنت فاكر إنك خلصت
كنت لسه بتبدأ

كل مرة هتستثمر فيها في نفسك
هكتشف إن فيه layer جديد من التفكير
أوسع أعمق أسرع

الفرق بين حد واقف مكانه وحد بيتطور مش في الذكاء
الفرق في الشغف بالتعلم
وإنك ما تكتفيش باللي عندك حتى لو الناس شايفينك جامد

There is also a comfort zone in the comfort zone

كل ما تحس إنك فاهم كل حاجة
روح ذاكر
روح اسمع
روح اسأل
هتتفاجئ إنك كنت شايف الدنيا بعين واحدة
وإنك تقدر تشوفها من زاوية تانية خالص
بس لو عندك استعداد تتعلم

استثمر في نفسك
حتى لو الناس مش شايفين ده ضروري
لأن أول ناس هتلاحظ الفرق بعد كل خطوة تعليمية
هم عملاءك شغلك ونتايجك اللي بتتكلم loudiah

08/06/2025

فيه مشكلة بدأت تظهر في كل الشركات تقريبًا

التيم شغال، والتسليمات بتيجي بسرعة، حاجات شكلها بيرفكت، بس جوا صاحب الشغل في إحساس مش مريح

حاسس إنه بيدفع مرتبات في الأرض
حاسس إن الناس بتسلم شغل، بس هو مش شايف effort حقيقي

ليه؟
لأن فجأة بقيت تلاقي content بيطلع في ١٠ دقايق
reports جاهزة بدون غلطة
designs شكلها حلو جدًا بس كلها شبه بعض
والحقيقة؟ إن أدوات الـ AI بقت جزء من الشغل، بس الطريقة اللي بتتستخدم بيها هي المشكلة

بقى الطبيعي إن حد يكتب prompt وياخد أول رد يبعته ويقفل اللابتوب
وإنت كـ Owner تبص على الشغل، وتقول لنفسك:
هو ده effort؟ ولا كده أي حد ممكن يعمل كده؟

وتبدأ تحس إن القيمة اللي بتدفع فيها، مش راجعة عليك بقيمتها
لأن الفرق بين اللي فاهم بيستخدم الأداة إزاي… واللي بيسيبها تشتغل مكانه، فرق ضخم

فاكر اليوم اللي سألنا فيه مستر Abdelrahman Sleem ؟
سألناه: هل الـ AI فعلاً هياخد مكانا؟

رد علينا بجملة عمرنا ما نسيناها:
"الـ AI هياخد مكان اللي مش فاهم"

وساعتها فهمنا كل حاجة

مش معنى إنك تستخدم الذكاء الصناعي إنك بقيت efficient
لو مش فاهم بتطلب إيه، وليه، وبتراجع اللي طالع، فـ اللي بيطلع منك هيكون generic
شكل كويس؟ آه ممكن
بس مناسب؟ لأ
مفيش context، مفيش tailoring، مفيش هدف واضح

لكن لو إنت فاهم شغلك، فاهم عميلك، فاهم هدفك
هتعرف تطلع من الأداة دي value حقيقية
هتعرف تسأل prompts ذكية، وتفكر معاه، وتديله context يخليه يشتغل ليك مش مكانك

وده الفرق

اللي فاهم، هو اللي بيقود الأداة
مش بس بيستخدمها، بيطوّعها عشان يطلع منها أفضل نتيجة تخدم شغله فعلاً

والنتيجة؟ إنه بيطلع content tailored
copy تحس إنها مكتوبة مخصوص
design ينطق بالهوية
report يرد على الأسئلة اللي بيدور عليها ال client بالضبط

واللي بيشتغل كده؟
صعب جدًا تستغنى عنه
لأنه مش بس شغال بأداة
ده value creator حقيقي

لكن اللي لسه بيعتمد على الطرق القديمة، أو بياخد أول رد من أي أداة ويبعت… ده اللي بكرة ممكن أي حد ياخد مكانه

الـ AI مش خطر على اللي فاهم
هو أداة بترفع value اللي عنده
لكن هو المراية اللي بتكشف الفرق الحقيقي بين اللي بيشتغل بعقله، واللي بيمشي نفسه وخلاص

فكر كويس قبل ما تحكم على التيم بتاعك
اسأل نفسك: هل هما بيستخدموا الأداة؟ ولا الأداة هي اللي بتستخدمهم؟

05/06/2025

من صغري وتكبيرات العيد بعد الصلوات دي بتكون من أسعد لحظات حياتي

29/05/2025

مع كل معلومة جديدة بتتعلمها هتعرف
قد إيه مهم إنك متضيعش وقت من غير ما تتعلم حاجة جديدة
قد إيه مهم تطور نفسك
ومن كورس للتاني حتي لو هتطلع بمعلومة واحدة
إستثمارك في نفسك أهم إستثمار ممكن تعمله في حياتك

08/05/2025

"ليه يا عم عشان إعلان بكام؟!
دا أنا كنت هعمله بنفسي بس مشغول شوية"

سمعتها قبل كدا؟
طبعًا سمعتها. ويمكن أنت نفسك قولت كدا قبل ما تشتغل في المجال ده!

بس خليني أقولك الحقيقة اللي أغلب الناس مش بتشوفها 👇

اللي بيكتب إعلان، مش بيحط شوية كلام جنب بعض عشان "يسد فراغ"
ولا بيقعد يدوس على زراير عشان يخرج إعلان شكله حلو وخلاص

اللي بيكتب إعلان بيفكّر في:

🚨 إنت بتبيع لمين؟
🚨 إيه اللي بيخليه يوقف وهو بيسكروول؟
🚨 إيه اللي بيحصل جواه لما يقرأ أول سطر؟
🚨 بيخاف من إيه؟ بيتمنى إيه؟ بيحتاج يسمع إيه؟

وعشان توصل لإعلان "يبيع"
مش إعلان "يتشاف وبس"
أنت بتقعد تفهم البيرسونا وتدرس السوق وتعدّي على مراحل نفسيه في الرسالة قبل ما تكتب كلمة واحدة

الإعلان اللي بيوصل العميل للـ "Buy now"
مش معمول بس عشان يبان حلو
معمول عشان يحرك في دماغه decision

💡 وده اسمه "تسويق إلكتروني"
مش مجرد "بوستات على فيسبوك" ولا "حبة كلمات على إعلان"
وده علم... وشغلانة... وتخصص كامل اسمه Digital Marketing
وتخصص جوا التخصص اسمه Copywriting
يعني مش أي حد عنده Canva ووقت فاضي يقدر يعمله

فـ لما تكلمني تطلب إعلان
ومتستغربش لما أقولك السعر
لأن اللي هتدفعه مش في "الزراير"...
اللي هتدفعه في التفكير اللي هيخلي الناس تدوس على الزرار الصح

لو عرفت توصل ده للعميل...
صدقني مش هيسألك تاني "ليه السعر كدا؟"

07/05/2025

04/05/2025

فيه إعلان بتشوفه تحس إنك إنت اللي كاتبه.. من كتر ما هو فهمك؟
ده الإعلان اللي يبيع
مش إعلان فيه كلمات كبيرة وصور حلوة وخلاص
الإعلان اللي الناس تلاقي نفسها فيه هو اللي يكسب