Safa Ebrahim-Media buyer

Safa Ebrahim-Media buyer I work in B2B performance marketing with industrial businesses.

On this page, I share my strategies, real work, and insights on paid ads, business growth, and strong business relationships.

إزاي 200 جنيه يوميًا ممكن تجيب لك عملاء جداد في بيزنس B2B؟في اعتقاد منتشر عند أصحاب البيزنس إن إعلانات B2B لازم يكون ميز...
10/03/2026

إزاي 200 جنيه يوميًا ممكن تجيب لك عملاء جداد في بيزنس B2B؟

في اعتقاد منتشر عند أصحاب البيزنس إن إعلانات B2B لازم يكون ميزانيتها ضخمة.
لكن الحقيقة غير كده، في كتير من الحملات اللي اشتغلت عليها، كانت البداية بميزانية بسيطه يعني
حوالي 200 جنيه في اليوم.

بس المشكلة مش في الميزانية، المشكلة في طريقة استخدامها.
كتير من الإعلانات بتفشل بسبب 3 أخطاء:
• يا إما الاستهداف واسع جدًا ومش دقيق.
• أو الإعلان بيتكلم عن المنتج مش المشكلة.
• أو مفيش Funnel واضحة.

لكن لما الميزانية الصغيرة تتحط في المكان الصح بالطريقة الصح ؛ النتيجة بتختلف بدل ما تحرق فلوسك على جمهور كبير، وقتها بتوصل مباشرة للناس اللي فعلًا محتاجة المنتج.

وده اللي بيخلي حتى 200 جنيه يوميًا تقدر تجيب استفسارات وعملاء محتملين.

في إعلانات B2B: الجودة أهم من الكمية.
يعني 5 عملاء محتملين صح، أفضل من 500 لايك.
لو عندك بيزنس B2B
وعايز تعرف إزاي تستغل ميزانية صغيرة وتجيب منها عملاء
ابعتلي DM بكلمة "B2B"
ونشوف إزاي ممكن نطبق ده على بيزنسك.

خطأ بسيط جداً، بس بيسحب فلوس من إعلانك كل يوم.😱إنت إعلانك مش ضعيف؛ إنت بس بتعمل إعلان عشان يعجبك، مش إعلان يبيع.وأيوه، ل...
08/03/2026

خطأ بسيط جداً، بس بيسحب فلوس من إعلانك كل يوم.😱

إنت إعلانك مش ضعيف؛ إنت بس بتعمل إعلان عشان يعجبك، مش إعلان يبيع.
وأيوه، للأسف ده بيحصل كتير جدًا.

في أصحاب بيزنس دائما بنلاقي تركيزهم على حاجات سطحيه زي:
• إن التصميم يبقى شيك، أو الفيديو يبقا شكله سينمائي، أو يا إما إن الكلام يبقا كرييتيف.

بس السؤال الأهم اللي غالبًا بيتنسي، الإعلان ده بيحل مشكلة مين أصلًا؟

أغلب الإعلانات الموجوده بتكون عن إعلان بيتكلم عن المنتج، مش عن العنصر الأهم "العميل".

يعني مثلاً " ميزة المنتج ده كذا كذا، والشركة بتاعتنا شغاله بقالها كذا سنة، والجودة بتاعتنا عالية"

طيب حلو، بس فين أنا كعميل في الكلام ده؟

في حقيقة مهمة هنا 👇

الناس غالبًا بتشتري لما تحس إن حد فاهمها، وفاهم مشكلتها، وعارف هي محتاجة إيه؛ مش لمجرد إن المواصفات حلوة.

ببساطة:
الناس مش بتشتري منتج، الناس بتشتري حل لمشكلتها.

فلو إعلانك ما خلاش العميل يقول
"ده بيتكلم عني فعلًا"، غالبًا للأسف مش هيشتري منك.

قبل ما تطلق أي حملة جديدة، إسأل نفسك سؤال بسيط:

أنا بكلم نفسي؟ ولا بكلم العميل؟ ولا بعمل إيه بالظبط؟

ولو حابب أراجعلك إعلانك وأقولك
فين الغلط اللي مخليه ما بيبيعش

ابعتلي كلمة "مراجعة" في الـ DM 👀

جالك 500 لايك؟طيب فين المبيعات؟ 👀خليني أقولك حاجة محدش بيحب يسمعها، زرار الـ Boost مش Strategy.هو يعتبر أسهل حل؛ لكن مش ...
04/03/2026

جالك 500 لايك؟طيب فين المبيعات؟ 👀

خليني أقولك حاجة محدش بيحب يسمعها، زرار الـ Boost مش Strategy.
هو يعتبر أسهل حل؛ لكن مش أذكى حل.

أغلب أصحاب البيزنس أول ما ينزلوا بوست، بيضغطوا Boost وخلاص.

هما فاكرين إنهم بمجرد ما يحطوا فلوس، اللايكات هتزيد، والكومنتات هتتحرك؛ طيب وبعدين؟!

المبيعات هتفضل زي ما هي، بل بالعكس ممكن تقل كمان.

لأنك بتعلن من غير ما يكون عندك:
جمهور متقسم صح.
ولا هدف مبني على Conversion.
أو تتبع واضح.
ولا Funnel ماشية عليها.

يعني ببساطة؛ إنت كده بتوصل لناس كتير، بس مش بالضرورة الناس اللي هتشتري.

في إحصائية بتقول إن نسبة كبيرة من الحملات اللي بتفشل بيكون سببها، اختيار هدف إعلاني غلط من البداية، يعني مش المنتج، ولا السعر، ولا الهدف.

الإعلان الصح مش زرار.
هو سيستم، ولو إنت هتدفع فلوس، ادفعها في Campaign معمولة صح.

لو حابب تعرف الفرق العملي بين Boost
وحملة مبنية باحتراف
ابعتلي كلمة "Strategy" 👌

تعالى أعرفك إمتى تعمل Ads… وإمتى لأ؟من خبرتي كميديا باير، مش كل وقت ينفع تضغط زرار “إطلاق حملة”.وأوقات كتير المشكلة مش ف...
02/03/2026

تعالى أعرفك إمتى تعمل Ads… وإمتى لأ؟

من خبرتي كميديا باير، مش كل وقت ينفع تضغط زرار “إطلاق حملة”.

وأوقات كتير المشكلة مش في الإعلانات؛ المشكلة بتكون في الأساس اللي تحتها.

في كذا بيزنس أول ما المبيعات عنده تهدى يقول:
“نزود الإعلانات.”

بس خليني أكون صريحة، لو المنتج نفسه مش واضح، ولا في طريقة عرض كريتيف تجذب العميل، أو لو إنت عندك التفاعل في البيدج وطريقة الردود ضعيفة؛ ف الإعلانات هنا مش هتنقذك، بالعكس هتخليك تحرق فلوس أكتر.

على فكرة؛ متوسط التحويل في الإعلانات المدفوعة عالميًا حوالي 2–3٪ بس.
يعني طبيعي إن أغلب الناس مش هتشتري من أول مرة.

فلو الأساس مهزوز؛ النسبة القليلة دي كمان هتضيع.

أفتكر إن في براند اشتغلت معاه كان بيصرف آلاف شهريًا، والزيارات كانت بتيجي فعلًا.
بس للأسف مفيش مراجعات، مفيش ثقة، مفيش سبب يخلي العميل يختاره.

النتيجة؟
ترافيك كتير، ومبيعات ضعيفة.

الإعلانات هنا دورها تكبّر الحاجة اللي شغالة،مش تخلق طلب من العدم.

طيب ياصفا نعمل Ads إمتى؟
تعمل إعلانات أما تكون فاهم عميلك، وعندك طريقة عرض كويسه تجذب العملاء، وعارف أرقامك؛ بل والأهم إن يكون عندك ميزة تنافسية تقدر تتكلم بيها ف السوق وسط منافسيك.

الإعلانات زي المكبر الصوتي.
لو الرسالة واضحه؛ الناس كلها هتسمعها.
لو الرسالة مش جاهزه؛ ف للأسف هتضخم المشكلة.

لو محتار تبدأ دلوقتي ولا لأ
ابعتلي رسالة واحكيلي عن البيزنس بتاعك
ونشوف القرار الصح قبل ما نصرف جنيه واحد 😉

تعرف ليه معظم الإعلانات بتفشل حتى لو المنتج كويس؟🤔الحقيقة إن في ناس كتير مش بتحب تسمع الكلام ده…لكن المشكلة غالبًا مش في...
28/02/2026

تعرف ليه معظم الإعلانات بتفشل حتى لو المنتج كويس؟🤔

الحقيقة إن في ناس كتير مش بتحب تسمع الكلام ده…
لكن المشكلة غالبًا مش في المنتج؛ المشكلة في طريقة التسويق.

أيوه… زي ما قرأت كده بالظبط.

بشوف أصحاب بيزنس كتير بيقولوا:
“إحنا جربنا الإعلانات ومجابتش نتيجة.”

لكن لما باجي أبص على اللي اتنفذ فعليًا بلاقي إن :
مفيش استهداف واضح.
ولا في عرض قوي يشد العميل.
مفيش Funnel واضحة ماشيين عليها.
أو يا إما اعتمادهم بيبقا على Boost وحملات عشوائية.

فالنتيجة الطبيعية بتكون:
فلوس بتتصرف… بس زيرو مبيعات.

الموضوع مش إن الإعلانات مش شغالة؛ إنما الموضوع إن الإعلان لوحده مش كفاية.

الإعلان مجرد أداة.. لكن اللي بيبيع بجد هو:
"استراتيجية + فهم العميل + عرض صح + تنفيذ مظبوط".

وده اللي بيفرق بين إعلان بيجيب لايكات، وإعلان بيجيب فلوس.

التسويق مش زرار بنضغط عليه..التسويق نظام كامل.

لو عندك منتج كويس وحاسس إن الإعلانات مش جايبة نتيجة، ممكن المشكلة تكون في الطريقة مش في المنتج.

ابعتلي رسالة لو حابب أقولك بصراحة رأيي في حالتك 👍

تعالوا أحكيلكم إزاي حوّلت مصنع بيعتمد على المناديب فقط إلى قناة بيع أونلاين خلال 2.5 شهر؟🤔لما استلمت البيدج بتاع الشغل ،...
24/02/2026

تعالوا أحكيلكم إزاي حوّلت مصنع بيعتمد على المناديب فقط إلى قناة بيع أونلاين خلال 2.5 شهر؟🤔

لما استلمت البيدج بتاع الشغل ، المصنع كان بيعتمد 100% على البيع التقليدي.
مناديب..
مخازن...
علاقات قديمة...

عدد الفولورز وقتها كان حوالي 800 فولور.
مفيش Funnel واضحة .
مفيش Online Orders.
ولا حتى استهداف واضح لفئة التجار.

وقتها السؤال ماكنش:
“نعمل إعلانات قد إيه؟”

السؤال كان:
إزاي نبني سيستم بيع؟

بدأت بفضل الله بـ:
تحديد فئة B2B بدقة (تجار – ميكانيكية – مصانع)، بما إن يعني ده مصنع زيوت السيارات وشحوم.
صياغة عرض يخاطب التاجر مش المستهلك.
تحويل السوشيال من عرض منتجات إلى أداة إقناع.
تشغيل حملات مدروسة مش Boost عشوائي.

خلال 2.5 شهر فقط:
• المبيعات تخطت 300,000 جنيه
• بإجمالي إنفاق إعلاني 8,000 جنيه
• عائد على الإنفاق الإعلاني تجاوز 30X
• كمان الحمد لله قدرت أفتح أسواق جديدة مكناش موجودين فيها قبل كده (رأس غارب – أسيوط – المنيا).
• إطلاق قناة بيع أونلاين لأول مرة.

الأهم من الأرقام؟
إن المصنع بقى عنده:
تدفق عملاء مستمر
بيانات
واستقلال نسبي عن البيع التقليدي فقط
التسويق مش إعلان.
التسويق نظام.

23/02/2026

السلام عليكم ورحمة الله وبركاته،
أنا صفا ، شغالة في التسويق الرقمي والإعلانات الممولة.❤️

هنا هشارككم أفكاري واستراتيجياتي وتجربتي في بناء حملات ناجحة وتحقيق نتائج ملموسة، بطريقة عملية ومهنية.

تابعوني لتعرفوا أحدث الأساليب والأفكار في التسويق الرقمي 💡

Address

Qwiesna
Cairo

Website

Alerts

Be the first to know and let us send you an email when Safa Ebrahim-Media buyer posts news and promotions. Your email address will not be used for any other purpose, and you can unsubscribe at any time.

Shortcuts

Share

Category