Mohamed Ragab

08/06/2026

#الماركر

26/05/2026

Eid Mubarak 🤙😎

25/05/2026

كل سنه وانتو بخير وسعاده وصحه

25/05/2026

09/05/2026

It was my pleasure and honor delivering the 5 days' Supply chain excellence bootcamp training program for Mafaza foods Egypt. a lot of information, eye opening rules, equations, and frameworks were exchanged with the remarkable employees.

Thank you:)

كان ليا شرف إني قدمت برنامج تميّز سلاسل الإمداد لمدة 5 أيام لشركة Mafaza Foods Egypt.
ناقشنا معلومات كتير، قواعد وأفكار، معادلات وإطُر عمل، مع موظفين رائعين. محترمين

شكراً 🙂

23/04/2026

إنت متخيل إن في مواقف كتير… السعر بيبقى "آخر حاجة" العميل بيفكر فيها قبل ما يشتري؟ آه والله… في عميل بيشتري موبايل غالي مش عشان الإمكانيات بس، لكن عشان الـ social status اللي الموبايل بيديهوله وسط صحابه وشغله والناس اللي حواليه. الراجل ده مش بيشتري موبايل… هو بيشتري صورة ذهنية عن نفسه في عيون الناس. بيشتري إحساس، بيشتري وجاهة اجتماعية، بيشتري إنطباع. لو إنت صاحب بيزنس، وسعر منتجك هو أول وأخر حاجة بتفكر فيها… يبقى إنت فاهم سلوك المستهلك نص فهم. الناس مش بتقيسك بـ“القيمة مقابل السعر” بس… الناس بتقيسك بـ: الشعور اللي بتحسّه لما تتعامل معاك الصورة اللي بتطلع بيها قدام الناس وهي ماسكة منتجك الحكاية اللي بتحكيها عن علامتك التجارية لما ترجع بيتها إسأل نفسك قبل ما تغيّر في الأسعار: أنا ببيع منتج… ولا ببيع إحساس وقيمة وصورة اجتماعية كمان؟ اكتبلي في الكومنت👇 إيه أكتر مرة اشتريت فيها حاجة غالية وأنت عارف إن في أرخص منها وبنفس الجوده ان لم يكن اكثر جوده كمان؟

#الماركر

18/04/2026

يانًا أكبر خطأ في الـ AI مش إنه يجاوب غلط…
لكن إننا نقيّم الغلط كله بنفس الطريقة!!!!
في نوعين مهمين جدًا من الأخطاء لو انت بتبني منتج شغال بال AI
False Positive
يعني المودل يقول "فيه مشكلة" وهي في الحقيقة مش موجودة.
بمعنى أبسط: النظام يرفع إنذار غلط.
False Negative
يعني المودل يقول "مفيش مشكلة" وهي في الحقيقة موجودة.
بمعنى أبسط: النظام يفوّت المشكلة.
والفرق بينهم مهم جدًا، لأن كل نوع له تكلفة مختلفة.
تخيل معايا إنك بتبني AI system في بيزنس حقيقي.
أنت مش بس بتسأل: النموذج دقيق ولا لأ؟
أنت بتسأل: لما يغلط، هيغلط إزاي؟
وهل الغلط ده مكلف ولا خطير ولا هيسجنا ولا ايه؟
هنا بقى يظهر الجزء الأهم:
في أغلب الحالات، أنت ما تقدرش تقلل النوعين معًا في نفس الوقت بنفس الدرجة.
لو زودت حساسية النظام عشان يلتقط أكبر عدد ممكن من الحالات، غالبًا هتقلل False Negatives…
لكن في المقابل ممكن تزود False Positives.
ولو قللت الحساسية عشان تقلل الإنذارات الغلط، ممكن تفوّت حالات حقيقية أكتر.
يعني باختصار:
الـ threshold مش مجرد setting تقني… ده قرار business.
وده بيبان جدًا في الأمثلة العملية:
في Fraud Detection
لو النظام قال إن عملية سليمة فيها نصب، ده False Positive.
العميل هيتضايق، وممكن يتعطل عن الشراء.
لكن لو النظام ما اكتشفش عملية نصب حقيقية، ده False Negative.
وساعتها الشركة تخسر فلوس فعلًا.
في Medical Diagnosis
لو النظام قال لمريض سليم إنه مريض، ده False Positive.
لكن لو قال لمريض حقيقي إنه سليم، ده False Negative.
وهنا النوع التاني أخطر بكتير، لأن تكلفة تفويت المرض أعلى من تكلفة الإنذار الغلط.
عشان كده، قبل ما تبني أي AI product، اسأل نفسك 3 أسئلة بسيطة:
إيه المشكلة أصلًا؟
تكلفة كل نوع خطأ كام؟
وأنهي error منهم مينفعش يحصل ؟ أنهي error لو حصل هنلبس في حيطه؟
لأن الهدف مش إن الموديل يبقى "accurate " في المطلق كدا .
الهدف إنه يبقى مناسب للمشكلة.
وده الفرق الحقيقي بين AI model شغال من غير توجيه … وAI product ناجح.
#الماركر

17/04/2026

من الحاجات القليله "الكويسه" في السوشيال ميديا ان خلت الموضوع رايح جاي !!
- يعني مثلا كان يقولك المخرج العظيم يوسف شاهين ولو مقلتش عليه عظيم يبقي انت مش بني ادم! مع انه لا عظيم ولا فضلات! محدش فاهم اجزاء كتير من أفلامه غيره ! دا ان فهمها اصلا . و يقفش علي الجمهور انه مش بيدخل افلامه !!! هو اللي بيقفش انتوا فاهمين ؟
دلوقتي في ناس كتير بتقول انها مش بتحب بوسف شاهين عادي ! طبيعي يعني! وفي اللي شايفه مش مخرج كويس! وفي اللي شايفه مش مخرج اصلا!
- المذيع مفيد فوزي .. كان ناقص يعملوله تمثال علي انه المحاور " اللي مش مذيع" اللي بيعمل حوارات جامده وكده!
دلوقتي ناس كتير بقت تعرف و تعبر وتقول " الراجل دا كان شديد السخف و جلياط" عادي !!
مبقاش في سرديه واحده مفروضه عليك و مش عارف ترد او تقول غيرها!
- شله الهام شاهين وايناس الدغيدي و الأشكال دي... كانوا بيوجهوا رسايل وكلام منحطه علي انها تحرر وحداثهّ! و طبعا لازم كانوا يجاهموا رمز متدين في فيلم و "مش يكمن نكون احسن منك عند ربنا" ؟؟
او يقولوا كلام من دا في لقاء او ما شابه.
دلوقتي الناس معرفاهم مقامهم عادي جدا .. و عارفين انهم مكروهين من معظم الناس وان السرديه دي مش هتنفع تتفرض علي الناس بالقوه!
الفرضيه الفوقيه اللي فيها كثير من الأيجو و كثيرا من التهجم والتنمر بدافع العظمه دا . مبقتش تعدي ويبقي ملهاش تبعات!
كله بقي يعرف يرد .. وكله بقي يعرف يبقي ليه رأي مستقل!
فياريت نخف EGO يا جماعه الخير!
و اخيرا احب اختم بالحديث اللي كل شويه الشيخ امجد سمير يذكرنا بيه:
" لا يدخل الجنه من كان في قلبه مثقال ذره من كبر "
#الماركر