https://www.facebook.com/106564234751565/

Ahmed Hussein, El-Mahalla el-Kubra (2026)

01/05/2026

اول م شوفت الهدف دة جه في بالي هدفه معانا في مرمي الترجي التونسي في السوبر الأفريقي في قطر ،

هي هي نفس اللعبه بيلعبها بسهولة و بتعدي من بين اقدام الاعبين ازاي بسهولة دي معرفش ي ناس ،

احسن كوالتيتي لاعب محترف دخل مصر معرفش ازاي الاهلي مش عارف يستغله و طول السنه حبيث دكة البدلاء و مستواه زفت !

01/05/2026

اللقطة دي بصراحة ماخدتش حقها خالص

في الكورة دي تريزيجيه بيحتفل بالهدف، وده مش المشكلة

المشكلة إن محمد هاني وراه رافع إيده وبيقول للحكم إنها أوفسايد

01/05/2026

ب مناسبة ماتش الاهلي و الزمالك ، المباراة دي اكتر مباراة غريبة في تاريخ مواجهات الاهلي والزمالك 😱

و الماتش دة كفيل يعرفك انهم الخير وان احنا الشر ☹️

الهدف الاول , للاهلي ديانج راح يشوطها خبطت في العارضة ونزلت خبطت في ضهر محمد ابو جبل ودخلت هدف !!

الهدف التاني , ضربة جزاء للاهلي من تهور حمزة المثلوثي !!

الهدف التالت , عرضية من عمرو السولية بطريقة اول مره يعملها في حياته وتيجي لي محمد شريف ويلمسها وتعدي من جمب ابو جبل بغرابة و تدخل هدف !!

الهدف الرابع ، شوطة من ديانج معملهاش في تاريخه إلا المرة دي ، و راحت في مكان صعب علي ابو جبل و دخلت بردو جون !!

الهدف الخامس , ضربة جزاء للاهلي من تهور حمزة الملثوثي !!

ربنا يسترها بكرة و نكسب و ندخلهم في مشاكل اكتر واكتر ، لكن عشان هما الخير و احنا الشر حاسس ان هيحصل اي سيناريو و يكسبوا الماتش ،

و الدنيا تهدي عليهم ، ذي م كان عندنا فرصة ندوس عليهم و نصدر لهم مشاكل الدنيا بعد الفوز بالسوبر الأفريقي و وبعد أسبوع نكسب السوبر المصري ،

لكن للأسف خسرنا ب سناريو صعب اوي علينا بعد م كانت في أيدينا احنا و الدنيا هديت عليهم و فاقوا و كسبوا بعدها العين الإماراتي 3 ،

اتمني الحظ يقف معانا مرة ي ناس ونبقا احنا الخير و هما الشر بقا ☹️

01/05/2026

زيزو هيكون ف موقف اول مره لاعب كوره في مصر يتحط فيه ف ماتش اهلي و زمالك
* جمهور الزمالك كدا كدا مش هيحل و مع كل لمسه هيتهان بمعني الكلمه
* اما جمهور الاهلي ف 90% بيطالب بعدم مشاركه اللاعب اساسيا فبالتالي لو ظهر بشكل سئ كالمعتاد بردو هيشـ ــتم وهيتهان من جمهور الاهلي
* يعني ياجعان هتتهان هتتهان ف خدها بكرامتك كدا وقولهم عندي اجهاد فالعضله الخلفيه او اي تلكيكه يعني انت مش هتغلب يعني هااا😂😂😂

26/04/2026

زملكاوية كتير اوي بعد م شافوا الصورة دي بيسألوا مين اللاعبين اللي مع بيزيرا دول ؟؟

يمكن في اتنين في الصورة اغلب الزملكاوية عارفينهم محمد حمد مواليد 2008 لاعب خط وسط شارك في اكثر من لقاء في الدوري و في مباريات كأس الرابطة وقت الغيابات و الاصابات ،

ولاعب اساسي في منتخب مصر للشباب و كوالتي ممتاز نقدر نبني عليه و متصعد للفريق الاول بقاله فترة كبيرة .

التاني هو ايمن امير عبد العزيز اللي بيصور الصورة نفسها ، ابن مدرب الزمالك السابق امير عبد العزيز ، و عمه يبقا ايمن عبد العزيز لاعب و مدرب الزمالك و منتخب مصر السابق ، و المدرب العام للاتحاد السكندري حاليا ،

متصعد للفريق الاول و شارك في لقاء كهربا الاسماعيليه و جاب كورك في العارضه ، بيلعب مهاجم و ان شاء الله خليفة مصطفي محمد ،

ام الاعب اللي كتير من الزملكاوية مش عارفينه اوي ، اللي عليه السهم دة اسمه علي عبد المجيد ، بيلعب مدافع بالقدم اليسري ،

يمكن دة المدافع الأساسي لفريق 2005 ، ومن حظه السوء انه كان مصاب وقت مباريات كأس الرابطة وملعبش إلا شوط كبديل باك ليفت ،

لاعب كويس جدا و مدافع ممتاز و بيجيد الخروج بالكرة وقوي و طويل و شبه حسام عبد المجيد و نفس الاستايل ،

ان شاء الله يظهر بشكل كويس و الزمالك يكسب مساك جديد من الناشئين يمشي علي خطوة حسام عبد المجيد

26/04/2026

بصراحة عندي مليون علي إستفهام أنا ك احمد و دايما بسأل نفسي هو لي خوان الفينا بيزيرا ، محدش من منتخب البرازيل متابعه مع الزمالك !!!

و بسأل نفسي بردو هو مين هاف يمين بيلعب بشماله في منتخب البرازيل اجمد من خوان الفينا بيزيرا ؟

ياريت نظرة من كارلو انشيلوتي لي خوان بيزيرا ،

و مفروض وكيل أعماله اللي معرفش هو مين ، يوصل لي منتخب البرازيل أن في جناح برازيلي بيلعب في الزمالك عامل 19 مساهمة تهديفية في الموسم لحد دلوقتي ، ولسه العداد ان شاء اللّه مكمل ،

ياريت وكيله يبعت لهم مباراياته مع الزمالك و خاصة مباراتين بيراميدز و شوط شباب بلوزداد ، عشان يشوف و يستمتع ويعرف ان عندهم كنز يستحق الانضمام لي منتخب البرازيل ،

بيزيرا لازم يروح منتخب البرازيل هو مش اقل من رافينيا اللي كانت بدايته في ليدز يونايتد في دوري الدرجة التانيه الإنجليزي ومحدش كان يسمع عنه وبعد كدة كسر الدنيا ,

ومش اقل من استيفاو لاعب تشيلسي، اي اللي بيعمله استيفاو مش بيعمله بيزيرا الاتنين نفس المهارة والكوالتي و المراوغات و السرعة يمكن بيزيرا متفوق كمان بالأرقام و المساهمات ،

بيزيرا يستحق الانضمام لي منتخب البرازيل في كأس العالم و يلعب اساسي كمان و خصوصا بعد إصابة رودريجو بالرباط الصليبي ،

نظره ياعم زفت Carlo Ancelotti

15/04/2026

الزمالك في بداية الموسم كان شبه خلص مع الاعب تيدي اوكو قبل ما اللاعب يتراجع اي سبب غير معلوم وينتقل للرياض السعودي عشان جون ادوارد الزمالك يتعاقد مع خوان بيزيرا Blan B

بعيدا عن الارقام و الاداء او اي حاجه خالص ليها علاقه بإحصائيات !!

مين نجم اكتر ؟
مين اسمه مسمع اكتر ؟

بالرغم من المشاهدات الضخمه للدوري السعودي حتي في مصر اراهن لوحد فاكر شكل تيدي اوكو اصلا !!

الزمالك اللي بيصنع النجوم و بنحول التراب لأحجار كريمه ،

ف لك ان تتخيل عزيزي المشجع ان تيدي اوكو الموسم دة لعب حوالي 27 ماتش رسمي في السعودية مسجلش غير هدف واحد فقط ، وفريقه في مراكز الهبوط في السعودية ،

15/04/2026

من اللحظة دي وقارة أفريقيا كلها بقت في خطر ، اللحظة دي هي سبب ان نادي الزمالك لسه عايش و مفتوح لحد دلوقتي بالرغم من كم المشاكل اللي فيه ،

ناصر منسي بعد السوبر الأفريقي طلع مع محمد الليثي اللي مش عارف اختفي لي كان بيقدم برنامج علي اون سبورت ،

قال وانا نازل في اللحظه دي سمعت الجمهور و هو بيقول مين يعم جوميز اللي انت منزله ده هضيع الماتش معتش غير ربع ساعه ؟

لكن نزلت و سجلت و ربنا كرمني و بعد ما كنت هرجع م السعوديه ع فريق من فرق منتصف الجدول ،

رجعت مصر تاني بس المرادي و أنا متصنف اسطورة عند الجمهور الزملكاوي العظيم ،

15/04/2026

اللي في الصورة مع المهدي سليمان دة واحد من ضمن عربية نص نقل الزمالك تعاقد معاها في مركز الباك ليفت لتعويض رحيل محمد عبد الشافي لي اهلي جدة موسم 2014،

الزمالك تعاقد معاه كان احسن باك ليفت في مصر مع المقاولون العرب وقتها ، جه الزمالك وهو و محمد عادل جمعة لاعب المصري البورسعيدي في نفس الموسم

والاتنين مشوا بعد موسم واحد فقط ، وجه غيرهم 5 من محمد ناصف لي علي فتحي لي مؤيد العجان لي بهاء مجدي لي تصعيد احمد فتوح ، وتغيير مركز عبد اللّٰه جمعه ،

لحد م جه محمد عبد الشافي بنفسه بعد مرور 6 سنين عوض نفسه بنفسه ونزل من المطار علي السوبر الافريقي في قطر امام الترجي صنع الهدف الاول في الدقيقة ال2 لي يوسف أوباما،

دلوقتي بعد م اعتزل بدري فتح جيم وبقا من اكبر مدربين اللياقة البدنية في مصر وكل الاعبين الكبار بيروحوا يتمرنوا عنده

اللي فاكر مين اللاعب دة يقولنا في الكومنتات ،

15/04/2026

لك ان تتخيل عزيزي المشجع ان مصطفي شوبير حتي الان ف الدوري لعب 6 مباريات ،

دخل مرماه 8 اهداف ،
كلين شيت واحد ,
9 تصديات فقط ,
اتنين اسيست ( فاركو ، سيراميكا)

عارفين الكارثة مش ف المستوى الهزلى لي مصطفي شوبير ،

الكارثة الحقيقية أنه بيشارك عشان ينضم للمنتخب عافية وجهاز المنتخب مش هيقدر ميضموش و هيضموا كمان الحارس الاحتياطى اللى ملعبش محمد الشناوى

وهى دى احد اهم اسباب تآخر الكورة في مصر أن كل حاجة ماشية بالاتفاق ،

حارس ذي شوبير ده سواء الصغير أو أبوه ولا يصلحوا للمهنة دى اصلا اللى هى مهنة حراسة المرمى

لكنها ماشية علاقات و تفتيح مخ و شيلنى و اشيلك ،

لم كنا بنقولكم بيصد كتير اة عشان اللعيبة بتشوط في جسمه و موفق ، الناس كانت بتقولك مفيهاش حاجة اسمها كده

اهي الكورة بقت تتشاط من عند كوبري اكتوبر تدخل فيها في ستاد عثمان احمد عثمان وتخش ، ومش بس كدة دة هو اللي مدخلها في نفسه و عامل عليها تراي غلط ،

اهو مصطفي شوبير دة بيروح و بيلعب في منتخب مصر علي حساب احمد الشناوي ، اللي طبعا الإعلام مبين للناس انه بيهرب من الماتشات الكبيرة و بيخاف وي وي وي

لكن شوبير و الشناوي اي حته تانيه ولم يغلطوا يتقال عليهم مش موفقين ومش في يومهم و عادي مشكلة خالص بتحصل الأخطاء ورادة ،

لكن عند احمد الشناوي و حراس الزمالك نخلص عليهم عشان نركب أجوان الاهلي 😏

12/04/2026

الفرق بين مدرب الاهلي ييس توروب ، و مدرب الزمالك معتمد جمال ، عامل ذي الفرق بين مدينتي و السنبلاوين ،

مدرب متوفر ليه لبن العصفور وبياخد 3 مليون دولار و كل ماتش ببدله شكل ، ومعاه فريقين وكل مركز لاعب واتنين وتلاته وآربعه ،

ومحقق نتائج وآداء ماليةابو فير للأسمدة مع امير عزمي مجاهد في دوري المحترفين بعد م مسكهم عاملين نتايج وأداء افضل مليون مرة ،

في المقابل بقا مدرب مبيغيرش الترنج بتاعه كل ماتش عشان مفيش فلوس ، وشغال بدون عقد و بالحب ، عامل فريق بشويه ناشئين ، ومخلي الناس كلها تتكلم علي العظمه اللي بيقدمه ،
وأداء ونتائج ومتعه وفن وهندسه ،

اقسم بالله العظيم زمالك معتمد جمال بيقدم كوره في الملعب عن مليارات الاهلي ،

حتي لو ربنا م أردش وكسبنا بطولات السنادي بردو هرفع القبعه لمعتمد جمال علي الشغف والحالة اللي عملها ، اللي لو كان الزمالك جاب يورجن كلوب و انشيلوتي مكنوش هيعملوها 👍

12/04/2026

أنا متأكد بنسبة 99% ان مفيش زملكاوي اصيل هيعدي صورة محمد شحاته والده من غير لاف ،

محمد شحاته والده ميخسروش ي زملكاوية ♥️♥️

Ahmed Hussein

01/05/2026

01/05/2026

01/05/2026

01/05/2026

26/04/2026

26/04/2026

15/04/2026

15/04/2026

15/04/2026

15/04/2026

12/04/2026

12/04/2026

Address

Website

Alerts

Shortcuts

Share