Focus-Digital Marketing

11/06/2023

إزاي تسوق لمشروعك بنفسك في 7 خطوات
عشان تقدر تسوق لمشروعك باحترافية لازم تقرأ الكلام دا كويس جدا، لإنه بيلخصلك التسويق كله في (7) خطوات ذهبية تمكنك من التسويق لأي مشروع بكل سهولة.

في البداية لازم تعرف إن التسويق مش مجرد إعلانات، وبالمختصر عشان مطولش عليك التسويق هوه إنك تقدر تقدم منتج أو خدمة فعلا السوق محتاجها، وبعدين تعلن عن المنتج أو الخدمة دي بشكل يقدر يقنع العملاء إنهم يشتروها، وعشان تقدر تعمل دا فيه (7) خطوات مهمة جدًا هتساعدك في إنك تسوق باحتراف للمنتج أو الخدمة بتاعك:

الخطوة الأولى: استطلاع السوق:
والخطوة دي باختصار بتجمع فيها معلومات عن (3) عناصر مهمة جدا في السوق إللي عاوز تسوق فيه، والعناصر دي هيه:

1-المنافسين: لإنك عمرك ما هتقدر تنجح في أي سوق إلا لما تعرف مين بينافسك، وإيه مستوى أو جودة المنتج أو الخدمة إللي بيقدموها، وأسعارهم كام، وبيتميزوا بإيه، وإيه عيوبهم؛ عشان تقدر تشتغل إنت على عيوب المنافسين بتوعك، فتقدر تقدم منتج أو خدمة تتفوق بيها عليهم، وكمان المعلومات دي بتوضحلك هل إنت مستعد أصلا للدخول في المنافسة ولا لا.

2-العملاء: برده مش هتقدر تنجح في أي سوق إلا لما تعرف العملاء إللي إنت عاوزهم يشتروا منك الخدمة أو المنتج إللي هتقدمه بيفكروا إزاي؛ يعني إيه مواصفات الخدمة أو المنتج إللي هما عاوزينه، والسعر إللي يقدروا يشتروا بيه كام، وأفضل طريقة يفضلوها في الوصول للمنتج أو الخدمة بتاعك، وكمان مهم جدا إنك تعرف هتوصلهم إزاي بالإعلانات، يعني إيه الوسائل الإعلامية إللي بيستخدموها عشان تقدر توصلهم من خلالها.

3-المنتجات: وهنا بتجمع معلومات عن طبيعة المنتجات أو الخدمات إللي موجودة في السوق، وهنا شطارتك إنك تقدر تتوصل لمشكلة أو عيب في المنتجات أو الخدمات إللي في السوق، وتقدر إنت تقدم حل للمشكلة دي، وبكده هتكون دي النقطة الفريدة ليك في دخولك واكتساحك للسوق، وعلى فكرة دي الطريقة إللي بتشتغل بيها أكبر الشركات العالمية.

الخطوة الثانية: تصميم المنتج أو الخدمة:
بعد المعلومات إللي جمعتها في الخطوة الأولى، عليك إنك تستخدم المعلومات دي في إنك تصمم منتج أو خدمة تقدر تنافس بيها في السوق، وتقدر تلبي بيها احتياجات العملاء إللي إنت عاوزهم يشتروا منك، ويفضل زي ما قلنا إنك تحل بالمنتج أو الخدمة دي مشكلة موجودة في منتجات أو خدمات موجودة بالفعل في السوق.

الخطوة الثالثة: اختبار المنتج أو الخدمة:
بعد ما تصمم المنتج أو الخدمة، بتعمل عينات منها، وبعد كده تعرضها على عينة من العملاء إلى أنت عاوزهم يشتروا منك؛ عشان تاخد رأيهم في المنتج أو الخدمة دي من ناحية كل حاجة (السعر، والجودة، والشكل، والمواصفات...).

الخطوة الرابعة: تعديل الخدمة أو المنتج:
في الخطوة دي بتعمل تعديلات على المنتج أو الخدمة إللي بتقدمها بناءً على آراء واقترحات عينة العملاء إللي إنت خدت رأيهم في عينة المنتج أو الخدمة بتاعك، ولو عينة العملاء عجبهم المنتج أو الخدمة ومكنش ليهم أي تعليقات أو مقترحات؛ تقدر تعدي الخطوة دي، ويبقى أنت جاهز للخطوة إللي جايه.

الخطوة الخامسة: تجهيز طريقة الحصول على المنتج أو الخدمة:
من أهم الحجات في التسويق هوه إزاي العميل بتاعك هيوصلك، وفيه أنشطة تسويق كتير جدا بتفشل بسبب إن طريقة وصول العميل للمنتج أو الخدمة صعبة، وهنا باختصار عليك إنك توفر المنتج أو الخدمة بتاعك في أماكن قريبة من العملاء إللي إنت عاوزهم يشتروا منك، وكمان تختار أماكن سهل الوصول ليها ومشهورة، وممكن تستخدم الإنترنت كمان لتقديم الخدمة أو المنتج بتاعك، ولكن خد بالك لازم يكون طريق الوصول ليك من خلال الإنترنت سهل جدًا.

الخطوة السادسة: الترويج:
لما توصل للخطوة دي بيكون عندك منتج أو خدمة قوية، وعندك مكان كويس تقدر توفر فيه المنتج أو الخدمة دي، وهنا بتكون مستعد إنك تروج للمنتج أو الخدمة بتاعك، عشان تقنع العملاء إنهم يشتروا منك، والترويج موضوع طويل شوية وإن شاء الله هنتكلم عنه في منشورات جايه، فاعمل متابعة للصفحة عشان يوصلك إن شاء الله لما ننشره.
ولكن أهم حاجة في الترويج للمنتج أو الخدمة بتاعك إنك تركز على 3 حجات مهمة جدًا:
-مميزات المنتج أو الخدمة بتاعك.
-العميل هيستفاد إيه من منتجك أو خدمتك.
-إيه الحاجة المختلفة إللي بتميز المنتج أو الخدمة بتاعك عن باقي منتجات وخدمات المنافسين.

الخطوة السابعة: التقييم:
في الخطوة دي بتشوف وتدرس رأي العملاء أو المستخدمين في المنتج أو الخدمة إللي بتقدمها، ودا مهم جدًا عشان تقدر تحافظ على العملاء بتوعك، والخطوة دي بتمكنك من إنك تلحق تعدل المنتج أو تغييره إذا لزم الأمر، وبكده تكون الخطوة دي بداية لرحلة تسويقية جديدة.

31/05/2023

31/05/2023

من خدماتنا:
تصميمات الجرافيك:
يمكنك طلب أي تصميم ترغب به من الوكالة (لوجو -أغلفة ومنشورات فيس بوك -هوية بصرية كاملة -أغلفة كتب أو مذكرات -إعلانات السوشيال ميديا -كروت شخصية -شهادات تقدير أو كورسات- لوحات إعلانية...) وسيصلك التصميم في أسرع وقت وبأعلى جودة صالحة للنشر على كافة منصات التواصل الاجتماعي، كما يمكنك طلب تصميم مطبوعات تجارية وطباعتها.

14/12/2022

10 ممارسات لتسويق احترافي في سوق الأعمال اليوم

عليك أن تتذكر في البداية أن الشركات تنجح اليوم بما لديها من نقاط اختلاف قوية تميزها عن منافسيها، ومن أجل ذلك عليها القيام بالعديد من الممارسات التسويقية التي تصنع وترسخ لهذا الاختلاف، ومن أهم هذه الممارسات:

1-تقديم منتجات ذات جودة عالية.
2-الاستمرار في إيجاد ميزات تنافسية جديدة.
3-تقديم خدمات أفضل، بما يتوافق مع آراء وتطلعات العملاء.
4-أسعار أقل، ولكن في حدود جودة مناسبة؛ حتى لا تختفي من السوق.
5-السعي الدائم للحصول على نصيب أكبر في السوق.
6-تكييف المنتج وفقًا لاحتياجات العملاء.
7-التطوير المستمر للمنتج، ولكن تأكد أن بعض المنتجات قد تصل إلى الحد الأقصى من تطويرها.
8-الابتكار في صناعة المنتج وفي طريقة تقديمه.
9-الدخول إلى الأسواق ذات النمو العالي.
10-أن تكون سابقًا لتوقعات العملاء، فهذا سيبهجهم.

25/07/2022

خمس قواعد لعلاقات ناجحة مع العملاء

1-الصدق:
من أهم الحجات إللي تخلي العميل بتاعك يستمر في التعامل معاك حتى لو حصلت مشكلة معاه في المنتج أو الخدمة إللي بياخدها منك إنك تكون صادق معاه، ده بيخليه يثق فيك ويبقى مستبعد فكرة إنه يسيبك ويتعامل مع حد تاني.

2-الاهتمام:
لازم يشعر العميل بتاعك إنه مهم بالنسبة لك، وإنك بتسعى لإنك تلبي الاحتياجات إللى هوه عاوزها، ولو معملتش كده هيدور على الاهتمام وتلبية حاجاته في حتة تانية.

3-الإنصات:
أوقات كتير بيكون عند العميل بتاعك استفسارات أو مشكلات بيعاني منها، وبيدور على حلول ليها، أو بيكون عنده مشكلة أو استفسار خاص بالخدمة أو المنتج إللي خده منك، وفي الحالة دي لازم تكون منصت جيد للعميل عشان تقدر تحلله المشكلة وتجاوبه على الاستفسار بتاعه.

4-التواصل المستمر:
زي ما بنقول: "البعيد عن العين بعيد عن القلب"؛ فعشان كده خليك على تواصل مستمر مع العملاء بتوعك، ومش معنى كده إنك تتصل على كل واحد فيهم بشكل شخصي، لا أبدًا، خليك قريب منهم بالإعلانات والظهور المستمر من خلال الجهود الترويجية بتاعك، عشان دايمًا يفضلوا فاكرينك.

5-الرضا:
بالإضافة للي فات دا كله لازم تكون حريص جدًا على أن العميل بتاعك يكون راضي عن الخدمة أو المنتج إللي بتقدمه من ناحية كل حاجة: (الجودة، السعر، ومكان الخدمة، وتغليف المنتج...) عشان تضمن استمرار العميل في التعامل معاك.

23/07/2022

خمس قواعد لتسويق ناجح

1-منتج/ خدمة بتقدم إضافة جديدة:
من أهم الحجات في التسويق إن يكون عندك منتج أو خدمة بتقدم جديد للمستهلك أو بتعالج مشكلة موجودة عنده، أو على الأقل يكون المنتج أو الخدمة مختلفة ومتميزة إيجابيًا عن المنتجات المنافسة الموجودة في السوق.

2-سعر تنافسي:
السعر لا يقل أهمية عن المنتج، فالسعر يعتبر من أهم الحجات في التسويق النهارده؛ لإن المستهلك بيقدر يتوصل لمعظم المنتجات المشابهة ليك ويعرف أسعارها ومواصفاتها ويعمل مقارنة، وعشان تنجح في المقارنة دي يبقى لازم تتفوق في مواصفات المنتج وسعره.
3-مكان قريب:
لو بتقدم منتج كويس وسعره كويس ونجحت في المقارنة ولكن مكانك بعيد أو الخدمة بتاعك المستهلك مش عارف يوصلها بسهولة يبقى أنت في مشكلة كبيرة ومش هتقدر تنجح في التسويق؛ فعشان كده كل ما أمكنك خليك قريب أوي من المستهلك بخدماتك ومنتجاتك.

4-ترويج كويس:
للأسف فيه كتير من المنتجات بتبقى كويسة ولكن بيبقى فيه فشل كبير أوي في تقديمها للمستهلكين، فركز أوي على الجهود الترويجية بتاعك؛ زي الإعلانات، والعروض، والمؤتمرات، والعينات المجانية...وخليك حريص على إن إلى يعملك إعلانات يكون فاهم كويس.

5-خدمة ما بعد البيع:
عشان تفضل ثابت على مركزك في السوق، وتقدر تنجح جدًا لازم يكون عندك اهتمام كبير بخدمات ما بعد البيع، دا هيزود ثقة العملاء فيك، وهيخلي العميل مرتبط بيك فترة طويلة، وإلي ممكن يصبح بسبب كده مستهلك دائم لمنتجاتك، وموصي بيها كمان.

#التسويق

#إعلانات
#تصميم

16/07/2022

أهم خمس حجات في إعلانك عشان ينجح 😎😎😎

1-اختار صور جودتها عالية: 📷📷📷
من الأخطاء إلي بتخلي العميل أصلًا ميتفرجش على الإعلان ويكون فكرة وحشة عنك إنك تستخدم صور جودتها ضعيفة، أو إنك تستخدم صور مش خاصة بيك.

2-اختار ألوان مناسبة لمجالك:
الألوان ليها دلالات زيها زي الكلمات بالضبط، فعشان تقدر تجذب انتباه العملاء وتخطف تركيزهم وتأثر فيهم اختار ألوان كويسة ومتباينة وتكون متوافقة مع المجال بتاعك، وياريت متزودش عن لونين غير الأبيض، وتثبت الألوان دي طول شغلك عشان تعمل هوية بصرية.👀👀👀

3-اختار خطوط كويسة: ✍️✍️✍️
لإن رسم الخط بيوصل رسالة عنك للعملاء بتوعك، وبيكون ليه أثر جمالي في الإعلان، ولازم تستخدم خط يسهل قراءته من أول نظرة؛ لإن محدش فاضيلك يقعد يفك في ألغاز كلماتك😆😆😆😆.

4-اختار سيناريو فكاهي لإعلانك: 😀😀😀
خلي إعلانك ضحك وهزار وفرفشة، 🥳🥳🥳عشان النهاردة محدش بيكمل فرجة على الإعلانات إلا عشان يقضي وقت ممتع، ولو شاكك في كلامي راجع آخر 5 إعلانات علقوا معاك وبتحب تتفرج عليهم، وطبعًا بقيت الإعلانات بتقلب أول ما تشوفها😎😎😎

5-لخص إعلانك:
محدش فاضيلك صراحة🤓🤓🤓؛ فلخص إعلانك وضمن فيه الحجات المهمة، ولو بتعمله في شكل فيديو أكتر حاجة خليه 30 ثانية.🤝🤝🤝

05/07/2022

عشان تعرف ليه الإعلانات مبتجبش مبيعات، أو عندك مشكلة في المبيعات عمومًا فلازم يكون عندك معرفة بالرحلة إلي بياخدها العميل عشان ياخد قرار الشراء منك، ويستمر معاك، عشان تقدر تحدد المشكلة فين بالضبط وتقدر تحلها، والزبون في غالب الأحيان بيمر بالمراحل دي في اتخاذ قراره إنه يشتري:

المرحلة الأولى: الوعي Aware:
وفي المرحلة دي الزبون بيعرف إنك موجود، وبتقدر تحقق دا من خلال الإعلانات عادي جدًا، فالمرحلة دي مهمتك الأساسية فيها إنك تكون تحت الميكروسكوب، ودا بياخد شوية وقت.

وفي حالة فشل العلامة التجارية في المرحلة دي فدا راجع إلى إنك مقدرتش تعرف نفسك للزباين بتاعك، فدا محتاج منك تكثيف للإعلانات بتاعك وتكثيف تواجدك.

المرحلة التانية: الجاذبية Appeal:
خلاص الزبون عرفك، هنا بقى بيتنقل الزبون بتاعك من مرحلة إنه عارفك لمرحلة إنه معجب بيك. ولو الزبون عرفك ومش معجب بيك فدا ناتج من اتصالات تسويقية ضعيفة محتاجة لإعادة نظر وتطوير عاجل.

المرحلة التالتة: طرح الأسئلة Ask:
وهنا الزبون بتاعك بعد ما يعجب بيك هيعمل بحث عنك ويسأل، عشان عاوز يعرف عنك بعيد عن الإعلانات إلي اتعرض ليها، فيبدأ يسأل الأسرة والأصدقاء...، وفي الوقت الحالي الموضوع أصبح سهل جدًا؛ فممكن يدخل الزبون على الجروبات المتخصصة على مواقع التواصل ويسأل عنك وعن جودة المنتج أو الخدمة إلى بتقدمها، أو إنه يتصل بيك عشان يعرف عنك أكتر، وعشان كده لازم تكون موجود وليك معلومات في كل حتة والزبون يقدر يلاقيك لما يسأل عنك.

وفي المرحلة دي بيتحول الزبون من القرار الشخصي للقرار الاجتماعي، لإن قراره الشرائي هنا هيكون بناء على الإجابات إلي هيحصل عليها من طرحه للأسئلة، وممكن الزبون هنا يغلي فكرة إنه يشتري منك لإن المعلومات إلي توصلها عنك سلبية أو إنه معرفش يتوصل لمعلومات عنك أصلا، وممكن المرحلة دي تأهله للمرحلة الجاية.

وبنأكد هنا إن الزبون معدتش بيعتمد على الإعلانات إلي بتقدمها العلامات التجارية في عملية الشراء، وإن الزبون اتجه إلى الثقة في المجتمع إلى جربك وجرب المنتجات أو الخدمات إلى بتقدمها أو يعرفك، وهنا بندق ناقوس انتباه مهم جدًا هو إنك لو عامل إعلانات كويسة جدًا وقدرت تجذب من خلالها الزبون ولكن عندك مشكلة في سمعتك وتجربة المستهلكين معاك يبقى ملوش لازمة تعمل إعلانات.

ولو عندك مشكلة من انتقال الزباين بتاعك من الإعجاب بيك لطرح الأسئلة عنك فدا ناتج من عدم قدرة العلامة التجارية على تحفيز الحوار وتسهيل تبادل المعلومات بين الزبائن.

المرحلة الرابعة: الفعل Act :
في حالة إن الزبون اقتنع بالمعلومات إلي حصل عليها من مرحلة طرح الأسئلة بياخذ قرار الشراء منك، وهنا بتبقى مهمتك الحقيقة لإن باتجاه الزبون ليك إنت عندك فرصة ذهبية إنك تكسب ولاء الزبون دا وتخليه مسوق ليك في عصر الاتصال الدائم إلي بيعتمد على المجتمع ورأيه أكتر من الإعلانات زي ما شرحنا، عشان كده لازم تهتم بإنك تقدم تجربة فريدة للزبون وخاصة خدمات ما بعد البيع.

عرفت ليه الإعلانات معدتش ليها تأثير في الشراء زي الأول؟!
ولو فيه مشكلة في انتقال الزبون من مرحلة إنه يسأل عنك لمرحلة إنه يشتري منك يبقى إنت عندك مشكلة في المزيج التسويقي (المنتج، التسعير، التوزيع، الترويج) لازم تحلها.

المرحلة الخامسة: التأييد Advocate:
والتأييد بيحصل لما يلاقي الزبون إن خدماتك كويسة وقدرت إنك تحقق رغباته، وهنا الزبون على الأقل بتقدر إنك تحتفظ بيه عشان يشتري المنتجات أو الخدمات بتاعك باستمرار، دا لإنه لو عجبته العلامة التجارية من الأكيد إنه هيوصي بيه غيره.

ولو فيه عندك مشكلة في انتقال الزبون إلى مرحلة التأييد يبقى كده عندك مشكلة في تجربة الزبون معاك، ودا بيحصل لو الخدمة سيئة أو المنتج ضعيف، وعشان كده لازم تسعى بكل طاقتك إنك تحسن تجربة الزبون معاك.

30/06/2022

في أحدث كتاب عن التسويق لفيليب كوتلر وإلي بيتكلم فيه عن الانتقال من التسويق التقليدي للرقمي، من الحجات المهمة جدًا إلى اتكلم الكتاب عنها إن طريقة شراء المستهلك واقتناعه اتغيرت جدًا، ودا لإن طريقة اتخاذه لقرار الشراء اتحولت من الطريقة الشخصية للطريقة الاجتماعية، طب إزاي؟!

عشان يجاوب كوتلر على السؤال المهم جدًا دا حط نموذج عملي وضح فيه المراحل إلي بياخدها العميل بتاعك عشان يشتري، وسماه نموذج 5A’s ودا اختصار للكلمات الأولى إلي بتعبر عن النموذج:

المرحلة الأولى: الوعي Aware:
وفي المرحلة دي الزبون بيعرف إنك موجود، وبتقدر تحقق دا من خلال الإعلانات عادي جدًا سواء على شبكة الإنترنت أو الطريقة التقليدية للإعلانات، زي الإعلان في التليفزيون أو إعلانات الطرق أو الإعلانات الصحفية أو الإذاعية... فالمرحلة دي مهمتك الأساسية فيها إنك تكون تحت الميكروسكوب.

وفي حالة فشل العلامة التجارية في المرحلة دي فدا راجع إلى إنك مقدرتش تعرف نفسك للزباين بتاعك، فدا محتاج منك تكثيف للإعلانات بتاعك وتكثيف تواجدك، ودا ما بيحصلش بين يوم وليلة.

المرحلة التانية: الجاذبية Appeal:
خلاص الزبون عرفك؟ هنا بقى بيتنقل الزبون بتاعك من مرحلة إنه عارفك لمرحلة إنه معجب بيك، وهنا بيبقى الزبون منجذب بس للعلامات التجارية إلى قدرت تلفت نظره ليها، وفي حالة إنك بتنافس في سوق العلامات التجارية فيه كتير لازم تكون جاذب لانتباه ولاهتمام الزبون بشكل أكبر.

وفي حالة تحول ضعيف للزبون من مرحلة الوعي لمرحلة الجاذبية، فدا ناتج من اتصالات تسويقية ضعيفة محتاجة لإعادة نظر وتطوير عاجل.

المرحلة التالتة: طرح الأسئلة Ask:
وهنا الزبون بتاعك بعد ما يعجب بيك هيعمل بحث عنك ويسأل، عشان عاوز يعرف عنك بعيد عن الإعلانات إلي اتعرض ليها، فيبدأ يسأل الأسرة والأصدقاء... وفي الوقت الحالي الموضوع أصبح سهل جدًا لان ممكن الزبون يدخل على الجروبات المتخصصة على مواقع التواصل ويسأل عنك وعن جودة المنتج أو الخدمة إلى بتقدمها، أو إنه يتصل بيك عشان يعرف عنك أكتر، ويعرف تجارب الناس إلي سبقته في التعامل معاك، وعشان كده لازم تكون موجود وليك معلومات في كل حتة والزبون يقدر يلاقيك عند ما يسأل عنك.

وفي المرحلة دي بيتحول الزبون من القرار الشخصي للقرار الاجتماعي، لإن قراره الشرائي هنا هيكون بناء على الإجابات إلي هيحصل عليها من طرحه للأسئلة، وممكن الزبون هنا يغلي فكرة إنه يشتري منك لإن المعلومات إلي توصلها عنك سلبية أو إنه معرفش يتوصل لمعلومات عنك أصلا، وممكن المرحلة دي تأهله للمرحلة الجاية.

وبنأكد هنا إن الزبون معدتش بيعتمد على الإعلانات إلي بتقدمها العلامات التجارية في عملية الشراء، وإن الزبون اتجه إلى الثقة في المجتمع إلى جربك وجرب المنتجات أو الخدمات إلى بتقدمها أو يعرفك، وهنا بندق ناقوس انتباه مهم جدًا هو إنك لو عامل إعلانات كويسة جدًا وقدرت تجذب من خلالها الزبون ولكن عندك مشكلة في سمعتك وتجربة المستهلكين معاك يبقى ملوش لازمة تعمل إعلانات، والأولى إنك تعدل الأخطاء إلي عندك الأول.

ولو فيه انتقال ضعيف من مرحلة الجاذبية لمرحلة طرح الأسئلة فدا ناتج من عدم قدرة العلامة التجارية على تحفيز الحوار وتسهيل تبادل المعلومات بين الزبائن.

المرحلة الرابعة: الفعل Act :
في حالة إن الزبون اقتنع بالمعلومات إلي حصل عليها من مرحلة طرح الأسئلة بياخذ قرار الشراء منك، وهنا بتبقى مهمتك الحقيقة لإن باتجاه الزبون ليك إنت عندك فرصة ذهبية إنك تكسب ولاء الزبون دا وتخليه مسوق ليك في عصر الاتصال الدائم إلي بيعتمد على المجتمع ورأيه أكتر من الإعلانات زي ما شرحنا، عشان كده لازم تهتم بإنك تقدم تجربة فريدة للزبون وخاصة خدمات ما بعد البيع.

عرفت ليه الإعلانات معدتش ليها تأثير في الشراء زي الأول؟!

ولو فيه ضعف في انتقال الزبون من مرحلة إنه يسأل لمرحلة إنه يشتري يبقى إنت عندك مشكلة في المزيج التسويقي (المنتج، التسعير، التوزيع، الترويج) لازم تحلها.
وهنتكلم عن أهم المشكلات دي إن شاء الله في منشورات جاية

المرحلة الخامسة: التأييد Advocate:
والتأييد بيحصل لما يلاقي الزبون إن خدماتك كويسة وقدرت إنك تحقق رغباته، وهنا على الأقل بتقدر إنك تحتفظ بالزبون عشان يشتري المنتجات أو الخدمات بتاعك باستمرار، دا لإنه لو عجبته العلامة التجارية من الأكيد إنه هيوصي بيه غيره.

ولو فيه عندك مشكلة في انتقال الزبون إلى مرحلة التأييد يبقى كده عندك مشكلة في تجربة الزبون معاك، ودا بيحصل لو الخدمة سيئة أو المنتج ضعيف، وعشان كده لازم تسعى بكل طاقتك إنك تحسن تجربة الزبون معاك.