02/12/2022
حيرة كل مرة لما نيجي نشتري حاجة جديدة بالذات لو احنا اول مرة او مش عارفين اي حاجة وخاييفين للبياع يضحك علينا او ان اشتري من صفحة وتطلع اي كلام وتقولي انها هتديني اداء خرافي وتطلع فالاخر حاجة ضعيفة جدا طب لو انا اول مرة اشتري جهاز ومش عارف اي الامكانيات ال المفروض ادور عليها اعمل اي انا هقولك تعمل اي اول حاجة تحدد انت عايز تستخدم الجهاز في اي يعني مثلا
انت قدامك اكتر من اختيار للجهاز
الاول وده اغلبنا عايز حاجة تشغل كل الالعاب ال بتحبها PUPG بقا و Pes 2020 و Call of duty وكل ال قلبك يحبه بجرافيك كويس وجودة صورة جبارة وتفاصيل التفاصيل فاللعبة يبقا حضرتك لازم تركز علي كارت الشاشه اول حاجة وبعدها المعالج والرام وياريت لو هارد SSD علشان سرعة حركة البيانات فالجهاز
طب هتقول لا انا واحد/ة بتاع شغل ومليش فالالعاب وعايز حاجة لشغل التصميمات وبرامج الهندسه زي ال 3D Max وكل الحاجات التقيله دي هقولك بس يبقا انت عايز جهاز ورك ستيشن وده هتركز فيه علي المعالج وكارت الشاشه مع بعض ويكونوا كويسين وبتوع شغل تقيل
طب حاجة للمونتاج والفوتوشوب والتعديل يعني برامج الادوبي هقولك ركز علي المعالج وجودة الالوان فالشاشه وطبعا الهارد ال SSD الاسرع 3 او 4 اضعاف الهارد العادي وممكن تجيب حاجة بهاردين واحد SSD لنسخة النظام وواحد عادي علشان التخزين الكبير وبرده تركز في نوع نظام التشغيل لان في برامج مخصصه للماك فقط
كده انت فهمت كل حاجة وعرفت ركز علي اي علشان تجيب اللاب ال انت محتاجة ومحتاج انك تركز علي اي واهم الحاجات بالنسبالك علشان متدفعش سعر خرافي في حاجات هيا عاليه اه بس انت مش هتستخدمها او حد يقولك هجبلك حاجة جبارة وهيا متنفعلكش وترمي فلوسك ف الارض
وفالعالمية ستور احنا بنقدم اجهزة من 4 الاف لحد ال 30 الف واكتر لو حابب عرفنا انت عايز جهازك ل اي وهنعرضلك افضل الاجهزة المناسبة للاستخدام او المواصفات ال محتاجها او حتي السعر ال تحدده
طب انت مبرمج تطبيقات ومواقع هقولك اي حاجة هتكون كويسه ليك بس حاول متقلش عن 8 رام والهارد ممكن HDD ويفضل لو SSD ولو شغلك هيكون في جرافيك ممكن تركز شويا علي كارت الشاشه والمعالج يكون ميقلش عن كور 2 جيجا لو 4 افضل
طب لو عايز حاجة شكلها روش تتمنظر بيها قدام اهلك وصحابك تخطف العين كده وانت قاعد فالكافيه ولابس سمعتك واستخدام عادي تصفح ويوتيوب ونتفليكس وكل الحاجات العادية دي هقولك رام 8 او 4 وكارت شاشة مدمج ومعالج متوسط هيبقوا حلوين اوي بالنسبالك
وعلشان تكون فاهم المعادلة من الاخر عايز جهاز شكله شيك يبقا بنسبه كبيرة هتضحي بالاداء ولو معندكش مشكلة فالشكل وعايز اهم حاجة اداء يبقا هتلاقي اغلب الاجهزة كده الا بعض الاجهزة الجبارة زي الماك بوك برو او dell XPS 15
