29/06/2026
5 جُمل بتخسّر عيادتك مرضى كل يوم, وبيروحوا للمنافس:
1. انا مش محتاج اكون موجود على ال Social Media
لو حد بيدور على طبيب فا بيدور عليها إما في Vezeeta أو على مواقع الـ Social Media أو على Google اللي بيظهر نتائج الـ Social Media بشكل كبير, فا لو انت مش موجود على الـ Social Media و تواجدك مش قوي كفاية المريض بيروح للدكتور اللي متواجد أكتر منك.
2. معنديش وقت أعمل محتوى ولازم اعمل محتوى بنفسي
لو انت دكتور في بداية مشوارك ممكن تحتاج تعمل محتوى بنفسك لو مش معاك الـ Budget دلوقتي, ودا منطقي وطبيعي, ولكن لو معاك Budget فا انت مش دورك إنك تعمل محتوى أصلاً بشكل مستمر ومش المفروض انت اللي تعمله, الصح إنك بتجيب حد يعمل لك الـتسويق من أول الإستراتيجية وصناعة المحتوى والإعلانات وكل ما له علاقة بالتسويق, عشان تستغل وقتك في شغلك وتجيب فلوس أكتر أو على الأقل تستغله في تطوير نفسك وتكون أشطر من منافسينك.
3. الـ Marketing مصاريف تشغيلية مش إستثمار
التسويق مش المفروض يتحسب كمصاريف تسويقية لإنك مش بتشتري خامات للعيادة أو أجهزة, انت بتستثمر في إنتشارك وبناء اسمك وسمعتك (بجانب شغلك نفسه وشطارتك فيه) التسويق هو اللي بيكبّر الصورة دي وبيساعد يوصّلها لناس أكتر ويوفر عليك وقت كبير, ولكن بردو محتاج تعرف إنه مش دوسة زرار, مش أول ما تبدأ تعمل تسويق عيادتك هتتملي وكل مشاكلك هتتحل, التسويق بياخد وقت وبياخد إستثمار في سواء في صناعة المحتوى أو في الإعلانات بس في الاخر النتائج على المدى الطويل تستاهل كل جنيه بندفعه.
4. انا عايز الفيديو يـ Viral
الإنتشار مهم وطبيعي تستهدف إن ناس أكتر تشوفك وتعرفك, ولكن تخيل معايا, لو انت طبيب أسنان في مصر الأفضل ليك تنتشر ويشوفك مليون مشاهد عايزين يعملوا أسنانهم في بلد ثانية ومش هيجوا مصر؟ ولا الأفضل يشوفك 1000 مشاهد موجودين في منطقة عيادتك ومنهم 10 هيجوا يعملوا أسنانهم؟ دا مثال عبثي بسيط ولكن بنفس الفكرة, المهم إنك تظهر وتنتشر بين المشاهدين اللي بنسبة كبيرة هيبقوا عملاء وعندهم إحتياج وقدرة على شراء خدماتك.
5. أهم حاجة بالنسبالي التفاعل والمشاهدات
بناء الاسم والسمعة الحلوة ونمو البزنس والحجوزات أهم بكتير من التفاعل والمشاهدات, لو انت بتقدم خدمة متخصصة جداً طبيعي عدد مشاهداتك تكون أقل بكتير من حد بيقدم خدمة عامة جداً وبسيطة, ومش كل المشاهدات بتتحول لحجوزات أو نمو للبزنس بتاعك, فا ركز أكتر على الأرقام اللي بتفرق معاك فعلاً.
#تسويق videomarketing
