27/05/2025
نلتقي غدا الاربعاء إن شاء الله علي الزووم لنناقش موضوع مهم جداااااا في:
الجزء الثاني من برنامج “فك شفرة العلاقات المؤذية”
******************************
كمعالجة نفسية، شفت كتير من العملاء بيدخلوا في علاقات مؤذية من غير ما يكونوا فاهمين ليه. اللي اكتشفته إن السر مش في الأحداث الظاهرة بس، لكن في الأنماط الشخصية اللي جوانا واللي بتحدد إحنا بننجذب لمين وليه.
وعلشان في الجزء التاني من “فك شفرة العلاقات المؤذية”، هنتعمق في فهم الأنماط دي علشان نعرف إزاي بتأثر على اختياراتنا، وإزاي ممكن تكون هي السبب الخفي اللي بيخلينا ندخل في علاقات مؤذية. فهمك لأنماطك الشخصية مش بس هيساعدك تكتشف العلامات اللي بتدل إن العلاقة دي مش سليمة، لكنه كمان هيساعدك تفهم ليه أصلاً بتدخل في النوع ده من العلاقات.
تخيّل إنك بتعرف خريطة نفسك الداخلية وبتكتشف ليه دايمًا بتنجذب لأنواع معينة من الأشخاص أو الأدوار في العلاقات. الفهم ده هيفتح لك باب جديد نحو التحرر وبناء علاقات أكتر صحة وتوازن.
والسؤال لك ،هل فكرت يومًا ليه في ناس طيبة بتتعرض للأذي من كل اللي حولها؟
أو ليه طل ما ارتبط بواحد/ة تنتهي العلاقة بأذي نفسي لي..؟
أو إزاي إنت ممكن تتحرر من دايرة الأذى المتكررة؟
شاركنا رأيك، وإيه أكتر حاجة حابب تتعرف عليها عن نفسك في رحلتك لفك شفرة العلاقات المؤذية..؟
💥لحضور اللقاء اكتب مهتم في التعليقات💥
وانضم الي جروب التليجرام - اللينك في أول تعليق
تحياتي
