06/08/2026
دلوقتي بس نقدر نقول ان كل اللي قولناه قبل كده كان عندنا حق فيه مليون في الميه قرار اخد وقت بس خلاص مفيش مهزله تاني ف قنوات بيع البرامج حتي القنوات الكبيره وغلق الهواء بقرار من المجلس الاعلي للإعلام وبالفعل قاموا بتوقيف برامج والتحقيق معاهم ويخساره السبوبه اللي كانت جوه هتقف وترجع تاني بقا المدينه لبرامج انتاج قنوات وإعلانات وليست سلعه للبيع
وهنا بقا هيجي دور السوشيال ميديا انها تخليك تعمل محتوي محترم تتكلم فيه بشكل صح بودكاست وريلز بشكل محترف والناس هي اللي بتحكم عليك مش علشان انت ف قناه فرصتك بقا هنا اقوي وفلوس اقل وجوده اعلي واللي موهوب فعلا هيعرف يعمل محتوي كويس وقتها القنوات هتنتجله هي بقا ويجي إعلانات من خلاله مش التهريج اللي كان بيحصل
موفقين جميعا
شكرا للمجلس الاعلي للإعلام 🤝🤝🤝♥️
بعد ورود عدة شكاوى ضد مخالفة "بيع الهواء"
الأعلى للإعلام يقرر مراجعة عقود الإنتاج المشترك في جميع القنوات الخاصة وإيقاف البرامج المخالفة فورًا
قرر المجلس الأعلى لتنظيم الإعلام، برئاسة المهندس خالد عبدالعزيز، الموافقة على توصية لجنة الشكاوى، بمراجعة جميع عقود الإنتاج المشترك السارية التي تكون إحدى القنوات الخاصة طرفًا فيها، وإيقاف البرامج المخالفة فورًا، وذلك على خلفية ما تلقاه المجلس من شكوى ضد قناة "الشمس" من السيدة/ نجلاء الراوي مقدمة برنامج "مختلفة".
يأتي القرار في إطار إجراءات المجلس لوقف ظاهرة "بيع الهواء" بعد ورود عدد من الشكاوى، ومتابعة مدى التزام المؤسسات الإعلامية بأحكام القانون واللوائح المنظمة للعمل الإعلامي، وبما يكفل حماية واستقرار الحقوق التعاقدية لجميع الأطراف، ويعزز مبادئ الشفافية والالتزام المهني، ويسهم في الحفاظ على المستوى المهني لمقدمي البرامج، ويرسخ الممارسات الإعلامية الرشيدة لضمان محتوى إعلامي أكثر انضباطًا وعدالة يصون ثقة الجمهور.
وأكد المجلس أن عملية المراجعة تأتي في إطار اختصاصاته المقررة وفقًا لقانون تنظيم الصحافة والإعلام رقم 180 لسنة 2018، وتستهدف الوقوف على مدى توافق هذه العقود مع الضوابط القانونية والتنظيمية المعمول بها، واتخاذ ما يلزم من إجراءات حال رصد أي مخالفات، بما يسهم في تنظيم مجال الإنتاج الإعلامي.
