Kareem Abdo

02/04/2026

02/04/2026

في كتاب اسمه
“فن اللامبالاة” The Subtle Art of Not Giving a F*ck
كتاب عبقري
واحدة من أهم المقولات فيه بتقول

“مش كل كلام يتقال عليك يستاهل رد منك
في كلام بيتساب وفي نجاح بيرد عنه”

-يعني ايه الكلام ده
زمان لما كنت مش فاهم
كان أي حد يتكلم عليا كنت ببقى متضايق
ومعيش نفسي في صراعات، ضغوط وشاغل بالي بالرد عليه
وده كان بيدخلني في دائرة جدال واسعة ممكن تدوم لايام
كنت استهلك فيها من وقتي، طاقتي، مجهودي، حالتي المزاجية
، صحتي النفسية
ومفيش أي إضافة بتحصل ليا بالعكس أنا بطلع خسران
بنسبة 100‎%‎
اولا من ردي على حد ملوش لازمة في حياتي سواء
اقتنع أو لم يقتنع ده مش هيغير حاجة في مستقبلي..!

-وده يخليني أفكرك
إن في بعض البشر من المحيطين حولين كل واحد فينا
اسمهم “أصحاب النفوس المريضة”

•يعني ايه نفوس مريضة
“ يعني شخص يحبك طول ما أنت أقل منه أو ما تبقى أحسن منه يبدأ يتغير معاك ويكرهلك الخير، يتكلم عليك
ويقول فيك اللي مش فيك حتى لو كنت أعز أصحابه في يوم من الأيام..!

-الشخص ده موجود منه كتير
سواء في دائرة المعارف أو أصدقاء المهنة او الشغل
لما يشوفك بتنجح وهو مش قادر يبقى زيك فيبدأ يتكلم عليك
ماشي بمبدأ “حكها في المتسيط تتسيط”

-ف تخيل شخص بدأ يسخر
عقله ووقته، طاقته، مجهوده في انتقادك في أبسط الأشياء
وساب شغله الأساسي..! بذمتك دي عقلية ترد عليها..؟

-هنا بقى
أنا جاي لك بتجربتي والطريقة اللي نفذتها من سنين
وفرقت معايا في كل جوانب حياتي من “فن اللامبالاة”
ولسه مطبقها أول امبارح 😅

-أولا لازم تفهم إن كونك ناجح
ده معناه إنك بدأت توصل لعدد كبير من الناس
وكل ما تنجح العدد يزيد
ف تزيد الآراء عنك وعن نجاحك أو محتواك أو خدماتك
وده جزء طبيعي في أي مجال
الأكيد إنك مش هتعجب الكل ولا هتراضي الكل
وهتقابل ناس هتستكتر عليك اللي أنت فيه
وفي ناس هتحقد عليك بدون سبب
وهتقابل فئات كتير من الناس ومن كل الألوان …..الخ
ودي بنسميها ضريبة النجاح .!

-ف تخيل للحظة معايا
إنك بدأت تسيب شغلك ترد على كل واحد منهم على حسب عقليته
ساعتها بتاخد منحدر خطر جدا وبدل م كنت داخل تاثر عليه هوا اثر عليك بسلبيته .!
مش بس كدا دا هيأثر على عقلك، نفسيتك، طريقتك، شغلك، هيستنزف يومك، هيأثر على إنتاجك
حتى أفكارك في شغلك هتموت.

اتحولت في لحظة من شخص ناجح طموح
لشخص عايز يثبت حاجة لناس ولا ليها لازمة
ف أصبحت أنت كمان ملكش لازمة.

-علشان كده أول قاعدة لازم تنفذها
هي إن مش كل اللي اتكلم عليك يستاهل ترد عليه.!

-وعايزك تنفذها زي ما أنا نفذتها وهقولك على آخر موقف
من كام يوم لقيت كمية ناس كتير باعتة رسايل لحد متكلم عني
وكل اللي باعت زعلان جدا وبيقولي لازم تدخل ترد “كتر خيركم” ♥️

-إن الحمد لله ك العادة هقولك أنا عملت ايه
ولا كأني كنت شايف المسج حتى مردتش على حد
عملت اللي بعمله كل يوم بدون التفكير حتى لو جزء بسيط في الموضوع.!
مفكرتش حتى أتطفل وأفهم الحكاية أصلا.

-هوريك حجم كمية الشغل اللي أخدتها وخليت المساعدة بتاعتي تحول مواعيد الاستشارات، الاشتراك في برامج التدريب الأونلاين لبعد 9 م
اللي هتشوفه ده لطريقتين دفع فقط يعني
برا انتسابي أو التحويل البنكي..!

•الاسكرين الأولى
بحجم الشاشة من أبلكيشن فودافون كاش
في فوق تحويلات كتير وكذلك تحت كتير
أنا أخدت الاسكرين في الوسط علشان أعرفك حجم التعاملات اللي بتيجي أيام متتالية والتواريخ

•الاسكرين التانية
لطريقة التحصيل من خلال الموقع من Paymob 
لآخر 10 ساعات من التعاملات الأخيرة …♥️

يعني ايه الكلام ده..! هقولك

-في الوقت اللي غيري بيتكلم فيه عني وعاصر نفسه ومسخر كل حاجة عنده علشان يقول كلمتين عني
ويكسب 2 أو 4 دولار من أرباح الفيس، يلم ريتش على حس حد شاطر

-كنت أنا قاعد بتابع
الناس اللي دفعت وحاجزين استشارات، كورسات، برامج تدريب وتغذية..! وواخدين مواعيد بالفعل

في نفس الوقت المساعدة معايا
بتتابع الناس اللي لسه بتحجز
مواعيد استشارات، اشتراك، كورسات وبتدفع بالمصري، الدولار

كل ده
وأنا قاعد في البيت بالبجامة الكاروهات بتاعتي
باللاب توب بتاعي بستقبل الشغل، أخلصه وأشوف غيره وهكذا
اللهم لك الحمد
تقريبا الكام ساعة دول يمكن حققت مبيعات تتخطى ال 650 دولار
بشكل نظيف، محترم ويليق بيا وباسمي
خدمات فعلية بتتقدم لكل مكان في العالم
شبكة علاقات بتزيد، انتشار حقيقي
كسبت عملاء جدد من كل مكان في العالم , محتوي محترم اخد ثواب عليه
بفيد ناس، بساعد ناس توصل، تنجح وناس تخس أو توصل لهدفها وناس تانية بتتعلم..!

-شغلي أولا بكل دقيقة
وبيتي أولا بفلوسي، بهدوئي واستقراري النفسي، البدني
فهمك الصح للأمور هيخليك شاطر في توظيف مجهودك في المكان المناسب.

-للأسف الميديا بقت شغل
في ناس حياتها معتمدة بشكل أساسي على أرباح الفيسبوك
والميديا
وده بيخليهم بيختلقوا أي مواضيع علشان ميزانية الشهر تيجي مظبوطة
ف تلاقيه بيلوش في أي حد مشهور علشان الكام دولار
مفيش مبدأ ومش مهم الرسالة
ومش مهم الناس تشتم فيه مش مهم أي حاجة المهم “أرباح الفيس بوك” ناس تميزات بسماكة الجلد

نفس دافع الأرباح
هي اللي بتخلينا نشوف واحد مطلع مراته لايف بلبس مش تمام
أم طالعة مع بنتها بلبس مش مظبوط …الخ

علشان كده بلاش تنجر في صراع مع حد بيقدم محتوى تافه اتكلم عنك شغلك اولاد بوقتك ومجهودك وطاقتك
لو هترد رد على حد يستحق الرد ويكون إنسان مثقف الكلام معاه يزيدك ميقلش منك ..♥️
وهو ده ملخص كتاب “فن اللامبالاة