02/01/2025
التحويل الدولي عن طريق انستا باي :
أعلن البنك المركزي المصري عن إطلاق خدمة تحويل الأموال اللحظي من جميع أنحاء العالم إلى مصر.
الخدمة حاليًا:
1. متاحة عبر حوالي 40 وكيلاً وبنكًا معتمدًا في 7 دول عربية كمرحلة أولى.
2. التحويل من الوكلاء و البنوك خارج مصر الى حسابات البنوك المصرية فقط في الداخل مش متاح العكس.
3. الفلوس بتوصلك بالجنيه المصري فقط، ايا كان العملة اللي هيتم تحويلها من بره.
4. متاحة عبر تطبيقات الوكلاء و البنوك المشاركة ، بتفتح تطبيق بنك الراجحي مثلا هتلاقي التحويل اللحظي لمصر تحول والتحويل بيسمع لحظيا.
5. بتتم برقم الحساب و اسم البنك (البرامج اللي جربتها للبنوك المتعاقدة كلها مكنش متاح باستعمال عنوان الدفع).
6. لكل حسابات البنوك المصرية سواء عندها انستاباي أو لا.
ملاحظة هامة: الخدمة بتختلف مصاريفها وتكلفتها وسعر احتساب العملة حسب الوكيل او البنك المتعاقد. يعني كل وكيل وبنك بيحسب التكلفة و سعر العملة طبقا لانظمته وان كان معظمهم عاملها مجانيا حاليا بدون اي مصاريف.
الخدمة لسه جديدة فوارد يكون في تحديثات وهيتم تحديث البوست بيها أن شاء الله.
