Diaa Mahfouz ضياء محفوظ

Diaa Mahfouz ضياء محفوظ 🏆Social Media Content Marketer
🎬 Content Creator
📹Ugc Creator
🤳🏻Trainer for Content Creation
🎯Code Cut Founder

09/04/2026

ازاى تستهدف الوصول لجمهورك فى اقل من 30 ثانية ⏳ #مونتاج #جمهور

02/04/2026

مش لازم تمشي مع القطيع عشان تبقى صح
القطيع دايمًا بيختار الطريق الآمن… مش الطريق الصح 🚶‍♂️

البطريق اللي خرج لوحده اتقال عليه غريب، متهور 🤷‍♂️ 🐧
بس في الآخر؟ هو الوحيد اللي وصل 🏁

الاختلاف مش عيب 💡
العيب إنك تفضل ماشي ورا ناس مش عارفة رايحة فين ❌

لو حاسس إنك مش شبههم…
يمكن عشان أنت ماشي في طريقك الصح 🎯

امشي لوحدك… حتى لو الكل ضدك 💪
في الآخر، النتيجة بتتكلم مش الناس 🔥

30/03/2026

ازاي تقدر تحسب تسعيرة شغلك🤔

تسعيرك بيعتمد على:
✔ خبرتك
✔ جودة شغلك
✔ قيمة النتيجة اللي بتقدمها للعميل
✔ واهم حاجة: ثقتك في نفسك

لو بتسعّر قليل عشان خايف العميل يمشي…
فأنت كده بتقلل من قيمة نفسك قبل ما تقلل من شغلك ❌

اتعلم تقول رقمك بثقة،
واتعلم تبيع شغلك على إنه “حل” مش مجرد فيديو 🎯

العميل مش بيدفع مقابل فيديو…
هو بيدفع مقابل نتيجة 🔥

احترم شغلك… الناس هتحترمه 👍



#تسعير



27/03/2026

مش محتاج تكون شغال مع شركات كبيرة عشان تعمل بورتفوليو قوي…
الموضوع كله في إزاي بتعرض شغلك مش شغلك نفسه.

لو عايز بورتفوليو يخليك تقفل عملاء بشكل مستمر، ركز على 3 حاجات:

1️⃣ اعرض النتيجة مش الشكل
يعني متقولش “أنا بمنتج فيديو”
قول “الفيديو ده عمل 100K مشاهدة وجاب مبيعات”

2️⃣ خلي البورتفوليو يحكي قصة
كل مشروع = مشكلة + حل + نتيجة
وده اللي بيخلي العميل يثق فيك

3️⃣ خليه بسيط وسريع
العميل مش فاضي… عندك 30 ثانية تقنعه

🔥 البورتفوليو الصح مش بيعرض شغلك…
بيبيع شغلك

ولو عملته صح…
هتلاقي العملاء هما اللي بيجولك مش العكس.

⸻

💬 قولّي في الكومنت “PORTFOLIO” وهبعتلك طريقة تعمله خطوة بخطوة
#مونتاج

25/03/2026

أكبر غلطة بتخلي البراندات تطنّش رسالتك؟
إنك بتتكلم عن نفسك… مش عنهم!

البراند مش مهتم أنت مين
مهتم: إنت هتفيده بإيه؟

رسالة واحدة بس ممكن تفتحلك باب شغل
ورسالة غلط ممكن تضيع عليك فرص كتير جدًا!

لو عايز رد فعل مختلف…
ابعت رسالة مختلفة 👌

خلي رسالتك:
✔ مخصصة
✔ فيها قيمة حقيقية
✔ ومعاها دليل على شغلك

ساعتها… مش هتجري ورا الشغل
الشغل هو اللي هيجيلك 💰🔥

عايز Template جاهز تبعته للبراندات؟
اكتب (رسالة) في الكومنت 👇
#مونتاج

24/03/2026

ازاي تجيب عملا بصناعة المحتوى او اي مجال عموما ودي أفضل 4 طرق فعليًا جابتلي شغل 👇

1️⃣ المحتوى نفسه (Content = Clients)
كل فيديو بتنزله هو إعلان ليك…
لو بتقدم قيمة + بتوضح شغلك = الناس هتيجي لك لوحدها.

2️⃣ الـ DM الذكي (مش سبام!)
متدخلش تقول “عايز شغل”
ادخل حل مشكلة… قول له إزاي تقدر تطور الكونتنت بتاعه
وده بيخليك تبان محترف مش محتاج.

3️⃣ البروفايل اللي يبيع عنك
لو حد دخل عندك… يفهم فورًا:
إنت بتعمل إيه؟ لمين؟ وليه يختارك؟
البايو + البورتفوليو = أهم من أي إعلان.

4️⃣ النتورك (العلاقات)
أكبر فرص بتيجي من ناس… مش إعلانات
كومنت ذكي، تعاون، أو حتى رسالة صح
ممكن تكون سبب في عميل بآلاف
#مونتاج

22/03/2026

السر الحقيقي اللي بينقل فيديوهاتك لمستوى تاني هو:
المونتاج 🎬

ناس كتير بتصور بموبايل عادي…
لكن بتطلع فيديو يخليك تحس إنه متصور بكاميرا ب ألاف 💸

ليه؟

عشان فاهمين:
✔️ الإيقاع (Cuts)
✔️ الصوت
✔️ الألوان (Color Grading)
✔️ الترانزيشن الصح

المونتاج مش تحسين…
المونتاج هو اللي بيخلق الإحساس ⚡

لو المونتاج ضعيف = المشاهد هيقفل الفيديو بسرعة
لو المونتاج قوي = هيكمل للآخر وهيتفاعل 👀

#مونتاج

21/03/2026

الصوت أهم حاجة فى الفيديو 🎤
ممكن تتفرج على فيديو صورته عادية…
بس مستحيل تكمل فيديو صوته وحش!

لو الصوت فيه دوشة أو مش واضح
المشاهد هيقفل الفيديو في أول ثواني 👎

#مونتاج

19/03/2026

مش أي فيديو شكله حلو… يبقى مريح للعين 👀
السر الحقيقي في توزيع المكان وتكوين الكادر بشكل صح.
يعني كل عنصر في الصورة يكون له مكانه، وكل تفصيلة تخدم المشهد بدل ما تشتت المشاهد.

وكمان وضعية الجسم وحركته لازم تتوزع صح جوه الكادر،
عشان الفيديو يطلع متوازن، مريح، واحترافي من أول ثانية.

لما تفهم التكوين الصح وتوزيع العناصر والحركة
هتعرف تخلي عين المشاهد تكمل الفيديو للآخر من غير ما يحس 👌

الفيديو الاحترافي مش بييجي صدفة…
هو نتيجة ترتيب، تكوين، وزاوية متفهمين صح.

18/03/2026

أهم حاجة في التصوير سواء الصور او الفيديوهات مش الكاميرا… ولكن هي الإضاءة 💡
لأنك ممكن تصور بأغلى كاميرا في العالم، لكن من غير إضاءة صح النتيجة هتطلع عادية جدًا.

عشان كده لازم تفهم توزيع الإضاءة، وخصوصًا
3 Point Lighting 🎥✨

وده بيتكوّن من 3 عناصر أساسية:
Key Light 🔆
الإضاءة الأساسية على الوجه أو المنتج.

Fill Light 💡
بتخفف الظلال وتدي توازن للصورة.

Back Light 🌟
بتفصلك عن الخلفية وتدي شكل احترافي وسينمائي.

لما تفهم الإضاءة… تصويرك هينقل نقلة ضخمة حتى لو بموبايل 📱🔥
في السلسلة دي هتتعلم إزاي تخلي تصويرك شكله احترافي فعلًا من غير تعقيد.

سلسلة اتعلم UGC مجانًا 🎬
علشان تصور محتوى بالموبايل كأنه بكاميرا احترافية.

#تصوير #إضاءة #فيديو #كريتور #ريلز #مونتاج

Address

Kafr El-sheikh
Kafr El Sheikh

Website

Alerts

Be the first to know and let us send you an email when Diaa Mahfouz ضياء محفوظ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category