18/02/2026
من نزيف ميزانية إلى نظام أداء مستقر
لما استلمت حساب كوزماتكس
المشكلة ما كانتش إن المبيعات قليلة بس.
المشكلة كانت إن الحساب غير مستقر.
الميزانية كانت حوالي 4000 ريال شهريًا.
المبيعات 5000 – 6000 ريال.
يعني إحنا قريبين من نقطة التعادل.
العميل شايف إنه “بيبيع”،
بس فعليًا مفيش نمو.
وأي حركة بسيطة كانت بتقع الحساب.
أول حاجة لاحظتها
الـ Scaling.
الحملة تشتغل كويس بـ 50 ريال.
أول ما الأداء يتحسن…
يرفعوها مرة واحدة لـ 150 ريال.
قفزة كبيرة جدًا.
النتيجة؟
الأداء ينهار.
وده طبيعي.
لأن الخوارزمية بتحتاج استقرار.
قراري الأول
وقف العشوائية.
مش هنكبر الميزانية غير لما نفهم:
مصدر الأداء
نوع الجمهور
نوع الكرييتف
نوع المنتج
بدأنا نشتغل بهدوء.
دخلت الموقع
لقيت مشكلة أكبر من الإعلانات.
الموقع نفسه:
مفيش CTA واضح
ترتيب المنتجات ضعيف
تجربة المستخدم مش مشجعة
مفيش سبب يخلي العميل يشتري
يعني حتى لو الإعلان شغال
الموقع بيضيع الفلوس.
المرحلة الثانية – إصلاح الأساس
عدلت أكتر من 30 منتج:
وصف أوضح
عرض أحسن
CTA مباشر
تنظيم أفضل
بعدها اشتغلنا Google Performance Max.
لكن مش لوحدها.
ضفت حملة Search.
ليه؟
لأن اللي بيبحث عن المنتج
جاهز للشراء.
مش مجرد حد بيشوف إعلان.
النتيجة خلال شهرين
الأداء بدأ يستقر.
الهدر قل.
ROI وصل لـ 3.
مش رقم خرافي.
لكن رقم صحي.
الأهم؟
الحساب بقى ثابت.
مش يوم طالع ويوم نازل.
المشكلة اللي ظهرت بعد كده
بدأت ألاحظ أوردرات بتتلغي.
دخلت أشوف السبب.
لقيت إن في منتجات مش متوفرة.
المشكلة ما بقتش في الإعلان.
بقت في التشغيل.
وقتها كان القرار الصح:
نوقف الحملات
لحد ما المخزون يتظبط.
لأن الإعلان مش بيحل مشكلة تشغيلية.
أهم درس في الحالة دي
الإعلانات مش الحل السحري.
لو:
الـ Scaling غلط
الموقع ضعيف
المخزون مش جاهز
هتخسر مهما كان الإعلان قوي.
اللي يميز الشغل هنا
مش إننا عملنا ROAS كبير.
لكن إننا:
وقفنا نزيف
بنينا استقرار
فهمنا البيزنس مش بس الإعلان
