19/07/2026
شكراً لكم شرفتمونااااااا 👌
اسبانيا بطل كأس العالم
إسبانيا بطلة العالم غصبًا عن الكل..
انتصار على فرقة بلطجية عديمة الشرف اسمها الأرجنتين، مش عارفة تلعب كورة ولا توصل للجون طول 120 دقيقة، ونازلة ضرب زي ما اتعودت طول البطولة، وكان لازم تخرج من بدري، بس يشاء القدير إن خروجهم يكون بكسرة نفس في آخر لقطة من المونديال، عشان تفضّل معلّمة فيهم طول العمر..
وانتصار على النتن وجفير وبقية صبيان العدو اللي كانوا سمن على عسل مع رئيس الأرجنتين، وبيشجعوا منتخبها وخارجين في الشوارع يحتفلوا بها..خصوصًا إن الخسارة جاية من إسبانيا الشوكة الأوروبية في حلوقهم، واللي سحبت سفيرها من عندهم واعترفت بدولة لأهالينا..
وانتصار حتى على ترامب اللي هيلاقي نفسه مضطر يسلم الكأس من قلب بلده لإسبانيا، التي لم تسمح له باستخدام قواعدها العسكرية، واللي كان عايز من كام يوم يقطع العلاقات التجارية معاها..كوكتيل كده يخلي فوز إسبانيا بكأس العالم أكبر من الكورة نفسها..انتصار على القبح بكل معانيه..في الكورة وفي السياسة..مبروك أبطال العالم..مبروك إسبانيا.
#اسبانيا
