09/09/2026
الإدارة الحقيقية تبدأ قبل الأزمة.....وهنا لازم نتكلم عن أصل المشكلة مش مجرد مشهد محافظ ومدير مدرسة...المواطن المصري لما بيخرج من بيته مش بيتعامل مباشرة مع الوزير ولا رئيس الوزراء ولا رئيس الجمهورية.المواطن بيتعامل مع الحي.ومجلس المدينة.
والمحافظة.ومكتب التموين.والإدارة التعليمية.والمستشفى الحكومي.وقسم الشرطة.وشباك الموظف اللي قدامه.
الدائرة دي هي الدولة بالنسبة للمواطن.المواطن مش بيقيس نجاح الدولة من خطاب رسمي أو تقرير على شاشةالتلفزيون؛ بيقيسه من شارع نضيف ورخصة تخلص ومدرسة جاهزة ومستشفى تستقبله ومسؤول يسمعه ويحترمه.لكننا صنعنا إدارة شديدة المركزية المسؤول المحلي فيها ينتظر التعليمات ورئيس الحي صلاحياته محدودة ومجلس المدينة يرفع للمحافظة والمحافظة تنتظر الوزارة والمشكلة تلف بين المكاتب لحد ما المواطن ينسى هو اشتكى من إيه!إحنا محتاجين لامركزية حقيقيةصلاحيات واضحة للحي ومجلس المدينة والمحافظة.ميزانيات معلنةومحددة.ومسؤول يمتلك قرار الحل وفي المقابل نقدر نحاسبه على النتيجة.لأن مفيش محاسبة حقيقية من غير صلاحيات واضحة، ومفيش صلاحيات من غير مسؤولية، ومفيش إدارة ناجحة لو كل قرار صغير لازم يسافر للقاهرة ويرجع تانى فين النائب اللي المفروض ينزل دائرته يراقب الخدمات، وينقل صوت المواطنين، ويحاسب الحكومة بأدواته الرقابية؟بكل صراحة قطاع كبير من النواب غائب تمامًا عن الشارع وعن المشهد السياسي الحقيقي. لا المواطن شايف رقابة ولا شايف مساءلة ولا شايف حضورًا على أرض الواقع. وكأن دور النائب انتهى بمجرد إعلان نتيجة الانتخابات
