08/06/2025
خبر وفاة البطل الشجاع خالد محمد شوقي وهو سائق سيارة مواد بترولية، كان في محطة بنزين في مدينة العاشر من رمضان وحصلت مشكلة في العربية وبدأ يلاحظ النار وفي لحظة واحدة وبشجاعة ساق العربية وخرج بيها من البنزينة وبعيد عن المنشأت وهي بتنفجر فعليًا بدون تفكير إلا في إنقاذ حياة مئات من السكان، لأن لو كان ساب العربية على حالها كانت محطة البنزين كلها انفجرت وكانت هتبقى كارثة فعليًا، حاولوا إنقاذه لكذا يوم في المستشفى لكنه توفي النهاردة للأسف.
دايمًا بيأسرني التصرفات إللي بتخرج من كل إنسان بسيط وشقيان حرفيًا بيعدي اليوم بيومه ومعندوش أحلام كبيرة وتطلعات عظيمة، وزي مابنقول أحنا بيقول يا حيطة داريني، لكن في المواقف الفاصلة مفيش تردد لحظة واحدة حتى أنه يعمل عمل إنساني عظيم أو يكون سبب في أن مئات من الناس تعيش حتى لو كان التمن موته، علشان كده دايمًا بنقول الناس للناس وأن نجاتنا الفعلية هتكون ببعض.
لروحه السلام والمحبة وأتمنى العزاء لأسرته وأنهم يفضلوا فخورين بيه للأبد❤️
