31/08/2026
المكان تحديداً بالعريش شارع أسيوط أخر حي الزهور مقابل شارع الخزان
علمونا في المدارس الحكومية إن «النظافة من الإيمان»
كبرنا واتخرجنا واكتشفنا إن فيه منهج تاني ما اتشرحش لنا
منهج اسمه:
«إزاي ترمي مخلفاتك جنب المدارس والتجمعات السكنية وتقول عادي»
درسنا سنين عن النظافة والمحافظة على البيئة
وفي الآخر لقينا بعض الجهات الحكومية بتطبق علينا العملي بنفسها 😅
واضح إن الدروس كان بيتكلم عن «النظافة من الإيمان»
بس محدش قال لنا إن الامتحان هيكون في «الصرف الصحي بجوار المدارس»
يا سادة...
الأطفال اللي بندرس لهم إن النظافة سلوك وحضارة
هما نفس الأطفال اللي بيشموا ريحة المجاري وبيشوفوا الزبالة وهما رايحين مدارسهم
فعلا التعليم الحكومي محتاج يضيف درس جديد:
«كيف تكتشف التناقض بين اللي اتعلمته واللي بتشوفه بعينك» 😂
