03/09/2026
😎كل الناس ركزت مع التداعيات #السياسية و #العسكرية لزيارة الرئيس الصيني لمصر.. ومخحدش خد باله من أهم اتفاقية وقعها الرئيس الصيني مع الرئيس عبدالفتاح السيسي.. والاتفاقية دي ممكن تكون أهم من أي حاجة تانية في زيارة شي جين بينغ للقاهرة.
الاتفاقية اللي بنتكلم عنها هي تجديد اتفاقية #تبادلــ ,,, #العملات بين البلدين وزيادة قيمتها وتعزيز استخدام العملات المحلية في #التجارة و #الاستثمار. و #التصدير
طب يعني إيه الكلام ده؟ وليه الموضوع مهم لمصر؟
ببساطة.. #مصر و #الصين قرروا يوسعوا التعامل ب #الجنيه و #اليوان بدل ما الدولار يكون موجود في كل عملية تجارية بين البلدين.
والأهم إن اتفاقية مبادلة العملات نفسها تم تجديدها وزيادة قيمتها إلى 30 مليار يوان صيني، لمدة 3 سنين إضافية، مقابل 18 مليار يوان في الاتفاقيات السابقة، يعني زيادة كبيرة في حجم الترتيب المالي بين البلدين.
وده معناه إن قدام مصر مساحة أكبر لاستخدام اليوان في تسوية جزء من تجارتها مع الصين، وده ممكن يساعد في تقليل الضغط على الدولار المستخدم في تمويل التجارة الخارجية.
والقصة مش مجرد تبديل عملة بعملة..لأن الصين من أكبر الشركاء التجاريين لمصر، وبالتالي كل ما زاد استخدام الجنيه واليوان في تسوية المعاملات، كل ما قل الاحتياج لتحويل كل صفقة إلى دولار كوسيط.
والرئيسان اتفقوا بالفعل على توسيع وتعزيز استخدام العملات المحلية في التجارة والاستثمار وتشجيع المزيد من تسوية المعاملات بالعملات المحلية. (SIS)
والأهم من كده إن الاتفاقية ممكن تفتح الباب أمام مرحلة جديدة في العلاقات الاقتصادية بين القاهرة وبكين..
يعني بدل ما التعاون الصيني مع مصر يبقى قائم بشكل أساسي على #استيراد و #تصدير ومشروعات استثمارية، يبقى فيه كمان ترتيب مالي ومصرفي أوسع يدعم التجارة والاستثمارات.
وده مهم جدًا لمصر في وقت العالم كله بيتجه لتنويع مصادر التمويل وتقليل مخاطر الاعتماد على عملة واحدة في التجارة الدولية.
وفيه نقطة تانية مهمة جدًا..
مصر والصين اتفقوا كمان على تحقيق مزيد من التوازن في الميزان التجاري وتشجيع دخول المزيد من المنتجات المصرية للسوق الصينية، خصوصًا مع الإجراءات الصينية المتعلقة بإعفاء دول أفريقية من الرسوم الجمركية.
يعني القاهرة مش بتتكلم بس عن تسهيل شراء المنتجات الصينية.. لكن كمان بتحاول تزود صادراتها للسوق الصينية، وبالتالي تدخل عملة أجنبية وتفتح أسواق جديدة أمام المنتجات المصرية.
وعشان كده الاتفاقية دي تستحق اهتمام أكبر من مجرد خبر اقتصادي عابر
لأن اللي بيحصل هو محاولة لبناء مسار مالي مباشر بين مصر والصين، يدعم التجارة والاستثمار، ويقلل تدريجيًا الاعتماد على الدولار في جزء من المعاملات الثنائية. لازم نستفيد من زيرو جمارك و نصدر قدر المستطاع نبدأ حمله تسويق لمنتجاتنا
