D.N.A Group - Digital Marketing

20/08/2026

العميل ده عليه حاجات🤦‍♀️😂

13/08/2026

هتلاقينا كمان فمجال التدريب اللهم بارك حضورنا قوي💪🔥
فانتظاركم⚘️

عودتنا قوية وكمان مختلفة😎

🔥 هو لازم تدرس تسويق عشان تعرف تسوّق؟

الإجابة: لأ.
بس لازم تعرف تفكر كمسوّق 👀

وعشان كده جايينلكم بكورس مختلف عن المعتاد…

🎯 التسويق غير الأكاديمي من الصفر

هنا مش هنتكلم عن تعريفات ونظريات وخلاص،
هنفهم التسويق من زاوية عملية وبسيطة تساعدك تعرف تبدأ وتتحرك صح. 🚀

👩🏻‍💼 مع المهندسة/ دينا نبيل علام

• بكالوريوس التسويق والتجارة الإلكترونية
• مُدرب معتمد من المعهد البريطاني في مجال الـ Soft Skills
• أخصائية تسويق وتطوير مشاريع لأكثر من جهة في مصر والأردن والخليج
• جولدن لجنة التسويق في جمعية أثر

💡 خلال الـ 3 Sessions هنتكلم عن:

🔹 Personal Brand ولا Business Brand؟ وإيه الفرق بينهم؟
🔹 إزاي تدرس السوق والمنافسين وتبني خطتك؟
🔹 إزاي تختار المنصة الصح لمشروعك؟
🔹 إزاي تحول العميل من مجرد متفرج لـ مسوّق ليك؟
🔹 إمتى تستخدم الـ AI في التسويق؟ وإزاي تستفيد منه؟
🔹 والأهم… إزاي تحصل على أول عميل ليك كفريلانسر؟ 💰

📅 15 | 17 | 19 أغسطس
⏰ 9:30 مساءً
📍 Telegram

✨ 3 Sessions… بداية ممكن تغيّر طريقتك في فهم التسويق.

جاهز تبدأ من الصفر… بس المرة دي بشكل مختلف؟ 🚀

#شروطتنا بسيطة من اجل الانضمام😉
1/لايك وشير للإعلان من اجل الاستفاده
2/منشن ل5 من أصدقاءك مهتمين بالمجال
بعد تنفيذ الشروط انضم الي لينك الكورس من هنا 👇🏻

https://chat.whatsapp.com/EVuYMd84vfb7HGbtim58vA?s=cl&p=a&mlu=4

بشهادة حضور 😎
تأكد من تنفيذ الشروط قبل دخول الجروب بيتم مراجعة الشروط

11/08/2026

تقريبا أنا عمري ما حبيت مجال المبيعات ولا حوارات التارجت دي نهائي..

افتكر من 4 سنين بالظبط كنت بعمل انترفيو فشركة و كان من ضمن الأسئلة لو كان مطلوب منك تحققي مبلغ كذا للشركة فالشهر هتعملي أى..
كان ردي=...
مش هعمل أي حاجة زيادة عن اللي بعملها فالعادي كشغلي و محاولتي إني أجيب عميل يتعامل مع الشركة...ده غير أن وظيفتي أخصائية تسويق مش مبيعات فبالنسبة ليا موضوع التارجت ده هو رزق..ربنا أراد فالوقت ده أن أحقق المبلغ ده هحققه مأردش الشيطان هو اللي هيكون ليه رأي تاني و يدخلي من كذا باب عشان أحقق المطلوب و أعلى فالشركة و اكسب فلوس أكتر و ماذا بعد كل ده؟!

لقيت الشخص اللي كان بيعملي انترفيو قالي تقدري تيجي تستلمي معانا الشغل من الأسبوع الجاي و مفيش أى تارجت هتكوني مكلفة بيه و أى شغل هيجي عن طريقك هيكون ليكِ كومشن كذا...

تقريبا ده اللي بيحصل مع شركات كتير عليها ضجة دلوقتي و كل ده كان بسبب التارجت..عشان مطلوب منك تبيع كمية كذا فالشهر مش مهم هتبعهم بأي طريقة صح او غلط بس المهم تثبت لنفسك و للمنافس أن معاك فريق جامد جدًا و ان مبيعاتك مكسرة الدنيا..

بس للأسف في حاجة اسمها رصيد ستر..و ظلمك لغيرك عشان نفسك و شركتك و اسمك يكبر هيتعرف عاجلا غير آجلا

فيه حاجات كتير ممكن تعملها و تكون حلال و قانونية و سليمة تقدر تبيع بيها منتجاتك و تخلي الناس تشترك فخدمتك و من غير ما تطمع و فالاكتر و تروح لطرق تانية تخسرك إسمك بعدين🤝

09/08/2026

كما قالت صديقتي عند سماع هذا الفيديو
ولا واحد ولا ميه ولا ألف تلتوميه ولا مليون بصوت منى ذكي فمسرحية كده أوكيه😂😂

كنت بحاول أثبت لنفسي أن عُمر ما الـ AI هيقدر ياخد مكان الصوت البشري و عقله و تفكيره..لأن بإختصار إحنا اللي برمجنا الذكاء الاصطناعي يبقا مين الأذكى فينا..💁‍♀️

بس كتجربة مضحكة للـ AI اعطيها 10/10 من و نجمة🌟😂

26/07/2026

اكتشفت أن الشخص اللي بيشتغل في خدمة العملاء أو مسؤول تواصل مع العميل عمومًا فيه صفة مهمة جدًا لازم تكون موجودة عنده👌

من يومين كنت بتابع صفحة من اللي مشتركة معانا بقالها سنتين بفضل الله و بما أني مسؤولة كمان معاهم فالمتابعة مع العملاء رديت علي مسدج حد بيسأل عن خدمة بنقدمها و شبه متردد شوية و محتار و مع الكلام اكتشف أنه مش واثق هل الحاجة دي هتكون مناسبة ليه أو لأ عشان.....شرح أسباب شخصية

لقيت نفسي تلقائي برد عليه رد دعم و تشجيع يرجع جزء بسيط من ثقته بنفسه و أن فيه أمل فالحياة عمومًا مش فتجربته للمنتج ده

و اللي من غير تفكير طلب الخدمة و حول التكلفة كاملة و بقا عنده ثقة فالمكان بالكامل عشان بس كلمتين مكنش الهدف منهم بيع الخدمة علي قد ما فعلا بعدت عن كوني خدمة عملاء و بساعد العميل لشخص بني أدم حس باللي قدامه قرر يدعمه بكلمة و فرقت فحياة المشروع بالكامل..

و الأجمل أن النهارده لقيت حد تاني بيبعت يقول أنه تبع فلان و حابب يتعامل معانا لأنه رشحنا ليه و إننا هنقدر نساعده فعلًا و بدل العميل بقا فيه اتنين و هيبقا تلاتة و 5 بإذن الله طول مانت عارف بتعيين عندك مين و هيقدروا يتصرفوا و ينقذوا الموقف ولا لأ 🤌

للتفاصيل والحجز👇🏻
010 98003497

20/07/2026

هى الـ 1000جنية بقت بتجيب أى دلوقتي فالشهر؟!!
✅️6 بوست مع إضافة أفكار كرياتف
✅️6 ديزاين ليهم عشان ميزعلوش
✅️دعم الصفحة للوصول للمتابعين المحتملين
✅️إدارة المنصة اللي موجود عليها مشروعك

مش بس كده ده تقدر تطلب معاها إضافات بأسعار رمزية جدًا..
🔥استشارة تسويقية 100جنية لمدة ساعة كاملة
🔥متابعة الرسايل و التعليقات 250جنية لي مدار الشهر
🔥عدد 1 تعاون مع جهة تكون داعم ليك و تساعد فالتطوير 300جنية

ده غير الهدايا اللي هتوصلك بإستمرار خلال رحلة الـ 1000جنية بتجيب أى👀

تحب تأكد الاوردر و تبعت تم علي الرقم ده👇🏻 و نبدأ الاستشارة😇
010 98003497

18/07/2026

واحدة من أقوى طرق نجاحك على سوشيال ميديا أفكار مميزة و جديدة لـريلز قصيرة مع هوك قوى و شوف المشاهدات بنفسك
لمعرفة تفاصيل إسكريبت ريلز👇🏻
010 98003497

08/07/2026

♡وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ♡

بالنسبالي و بالنسبة لكل العالم العربي مسلم و مسيحي مصر كسبت فالماتش مع الارجنتين🇪🇬🇪🇬🇪🇬

أيوه...و مكسب أكبر من كده كمان..مكسب محبة كل العالم العربي...مصر كانت و مازالت أم الحضارات و صانعة الإنجازات و أم الأبطال الشرفاء اللي من أول ما دخلوا قرروا يلعبوا بما يرضى الله مش شاغلين بالهم بفلوس ولا كأس...كان نفسهم فالكأس أه جدًا، أول مرة يوصلوا للدور ال16 أيوه..يعني كان ممكن هم اللي يدفعوا عشان يعدوا..كان ممكن جدًا بس معملوش كده مش عشان عندهم كرامة ولا خايفين من كلام الناس...بس دول ناس تعرف ربنا كويس و بتقول طظ فأى حاجة تغضب ربنا..

مش بحب أبدًا استغل أى تريند و اتكلم فيه ولا ليا فالكورة و ممكن كمان أكون معرفش أغلب اللعيبة الأبطال...بس لما بتكلم عن أى موضوع بيكون وراه رسالة حابة تعرفوها..

✅️الغش فالبضاعة بتاعتك و الميزان و تكون منتج لا قيمة بس ليك سعر ده مش هيخليك تنجح..و لو كنت ناجح فده من رصيد سترك عند ربنا مش أكتر فخلي بالك عشان مش بيدوم

✅️متعملش عروض و دعايا مزيفة من باب تجيب عملاء تسأل بكام و تجمع الداتا بتاعتهم و ترجع تقولهم حظ سعيد المرة القادمة المنتجات خلصت زي ما الأرجنتين كانت ظاهرة الخوف و الرعب التمثيلي و ده كان سِتار للتعاطف مش أكتر و جذب الإنتباه ليهم

✅️اوعد باللي تقدر عليه متخليش الناس تتعشم فالخدمة او المنتج بتاعك أوى أوى و ترجع تقول حجج و أعذار لما الناس تجرب و تقولك مفيش حاجة من اللي وعدت بيها موجودة...اتقى الله

✅️و اخيرًا هقولك إياك و دعوة مظلوم..و أن الحلال بيين و الحرام بيين و أنت إختار اللي يعيشك فالاخرة مفيش دنيا مضمونة إلا بإذن الله

05/07/2026

بفضل الله علي مدار 3 سنوات قدرنا نكون جزء من نجاح أكتر من 20 مجال مختلف🔥💙

كل براند كنا مسؤولين عنه بفضل الله و ثقة عملائنا فينا قدرنا نحقق نجاح أقوى و أفضل من اللي قبله..

من أول تأسيس مشروع من البداية و مساعدته على الانتشار و التوسع...لحد ما فيه مشاريع بالفعل فتحت بدل الفرع اتنين أو نزلت أوفلاين او بقا ليها اسم فمجالها قوي💪

النجاح مش بس كلمة...ده بصمة فخر و قوة بنسيبها فكل مشروع وثق فينا و كُنا جزء من رحلته للتقدم أو حتي قدمنا ليه إستشارة و فضلنا متابعين من بعيد لحد ما وصل لهدفه🥹💙

3 سنين...كفاح..إبداع..تطور..نجاح..عزيمة..و لسه مكملين💪💙

إدارة م/دينا نبيل علام
010 98003497