Youssef Khattab

Youssef Khattab Marketing Strategist & Founder | Building data-driven marketing systems and growth strategies
https://wa.me/masarkcompany

والله الحل بسيط جدا انك تخلي الشخص الي قدامك سواء عميل سواء اي حد انو يعمل الي انت عوزه منه.... حاجه واحده بس.... اسمعه....
10/07/2026

والله الحل بسيط جدا انك تخلي الشخص الي قدامك سواء عميل سواء اي حد انو يعمل الي انت عوزه منه.... حاجه واحده بس.... اسمعه....
مجرد انك تخليه يتكلم وانت تسمعه.. هيفتح ليك حجات كتير اوي...
هتعرف هو بيفكر ف اي... شغال ازاي.. طريقة تفكيره.... تفهم مشاكله... يثق فيك....

فا لما تديله العرض بتاعك يقابله بصدر رحب ويكون فيه مجال للنقاش....

دا كلو بس علشان...... سمعته.....

صرف الإعلانات بقى عامل زي الميّه المالحة.. كل ما تشرب منها، بتعطش أكتر. وانت مش مستوعب انك عايز سيستم شغال بـ "الورقة و...
10/07/2026

صرف الإعلانات بقى عامل زي الميّه المالحة.. كل ما تشرب منها، بتعطش أكتر.

وانت مش مستوعب انك عايز سيستم شغال بـ "الورقة والقلم".

علشان كده، أنا قررت أفتح الباب لبرنامجي الاستشاري والتنفيذي الخاص:
برنامج تسريع المبيعات

البرنامج ده أنا وفريقي هنقعد مع شركتك لمدة 90 يوم كاملين، علشان نهد ونبني صح ونعمل هندسة كاملة للمبيعات عندك.

الـ 90 يوم دول هنقسمهم سوا كالتالي: 👇

1️⃣ التشخيص الصح (عشان نعرف الوجع فين):
هنحلل السوق بتاعك وسلوك العميل اللي بيشتري منك، ونعيد صياغة العرض البيعي بتاعك عشان نرفع قيمتك.. العميل لازم يحس إنه خسران لو مشتراش منك.

2️⃣ هندسة الـ Funnel (طريق العميل):
هنصمم رحلة واضحة للعميل من أول ما يشوفك لحد ما يدفع، ونكتب رسائل إقناع مبنية على علم السلوك، مع سيستم إعادة استهداف ذكي يلاحق العميل المهتم في كل مكان.

3️⃣ الإدارة بالأرقام (مفيش مكان للـ "الفهلوة"):
هنشغل الحملات باحترافية، والتحسين هيكون أسبوعي بناءً على الداتا اللي بتطلع، ده غير الاجتماعات الاستراتيجية اللي هنراجع فيها كل قرش اتصرف راح فين وجاب كام.

شروط واضحة قبل ما تقرأ الباقي: 👇
البرنامج ده محتاج جهد، ومحتاج بيزنس جاهز فعلاً للنمو.. علشان كده أنا مش هقبل غير 4 شركات بس في الدورة دي، وده بعد "تقييم مبدئي" هعمله معاك بنفسي عشان أشوف إحنا ماتش مع بعض وهنقدر نطلع نتايج ولا لأ.

أنا ساعدت قبل كده 67 شركة إنهم يعيدوا هيكلة السيستم بتاعهم ويحققوا نمو مستقر.. والدور دلوقتي عليك. 🤝

تفتكر شركتك جاهزة نقعد ونبني لها المنظومة دي؟

لو جاهز للـ 90 يوم.. ابعتي كلمة توسع، وأنا هبعتلك التفاصيل ونبدأ ميتنج مع بعض

بقالي فترة بكتشف إن أجمل حاجة ممكن البني آدم يوصلها في الأيام دي هي "السلام النفسي"..... إنك تفصل دماغك شوية عن حسابات ب...
09/07/2026

بقالي فترة بكتشف إن أجمل حاجة ممكن البني آدم يوصلها في الأيام دي هي "السلام النفسي".....

إنك تفصل دماغك شوية عن حسابات بكرة وتعيش اليوم بيومه...

​إحنا جيل اتسحل بدري.. كلنا بنجري، وكلنا ورانا طموحات، ومسؤوليات، وضغط، وبنفكر في المستقبل لدرجة تخلي الدماغ متفصلش حتى وأنت نايم.

​بس الحقيقة اللي بنساها دايماً في وسط الجري ده، إن الرزق مكتوب، وإن السعي هو اللي علينا بس، والنتيجة دي بتاعة ربنا ومفيش داعي للقلق المرعب اللي بنعيّش فيه نفسنا.

​بقيت بتبسط بالحاجات البسيطة جداً.. كوباية قهوة مظبوطة في هدوء، قعدة حلوة مع ناس بنحبهم وبتتمنى لينا الخير من قلبها، أو حتى ساعة مشي بليل والموبايل في الجيب مقفول...

​العمر بيعدي بسرعة، والجري مش بيخلص.. فـ متنساش تقف في النص تاخد نفسك، وتتبسط برحلتك وبالحاجات الصغيرة اللي حواليك.

​طمنوا قلوبكم.. كل حاجة هتيجي في وقتها الصح. ☕️🍃

08/07/2026

بعد خروج مصر من كأس العالم.... المفروض نتعلم الدرس.....

انك تخسر بشرف... أفضل مليون مرة من انك تفوز بالغش...

عزيزي البائع، أو مندوب المبيعات، أو أياً كان شغلك .. خليني أقولك بكل وضوح: مفيش حاجة اسمها "سعرك غالي"... ​أنا عندي قناع...
08/07/2026

عزيزي البائع، أو مندوب المبيعات، أو أياً كان شغلك ..

خليني أقولك بكل وضوح: مفيش حاجة اسمها "سعرك غالي"...

​أنا عندي قناعة تامة إن أي منتج أو خدمة مهما كان سعرها قليل أو كتير أو حتى مبالغ فيه.. هيتباع هيتباع.

​السر كله بيبقى في "الطريقة" اللي بتبيع بيها.

​لما عميل يدخل يقعد معاك ويقولك "سعرك غالي"، دي مشكلة من 2 ملهومش ثالث، فكك من أي تبرير تاني:

​ الأولى: هو أصلاً مش عميلك
ما تكونش واقف بتبيع عربيات مرسيدس ومستهدف واحد كل طموحه وميزانيته يشتري عربية فيات مستعملة.. أكيد هيصرخ في وشك ويقولك أنت غالي..
دي بتبقى غلطة "استهداف" من الأول.. أنت ما عرفتش توصل للعميل بتاعك بشكل دقيق.

الثانية: العميل فعلاً معاه فلوس وميزانيته تسمح (بس أنت مش عارف تبيعله)
النوع ده من الناس بيفكر زي "الخلايجة" في الشراء؛ ودول أكتر ناس بتشتري وممكن تبيع ليهم بأسعار تقيلة جداً.

​طب إزاي يقولي غالي وأنا برضه أعرف أبيعله؟
المشكلة بقا مش استهداف، المشكلة إنك مش بينت ليه هو هيستفاد إيه بالظبط.

​ما تروحش ترص له خطوات وتقوله: "أنا هعملك 1 و 2 و 3"
العميل مش هيستفاد حاجة لما يعرف خطواتك.

الصح إنك تقوله: "أنا هعمل كذا.. ودا هيعود عليك بكذا. وهعمل الخطوة الفلانية.. ودي اللي هتحللك مشكلة كذا اللي معطلاك".

​لما العميل يشوف الطريقة دي في العرض، هيخرج فوراً بره "مقارنة الأسعار" اللي في السوق واللي أنت غالباً هتخسر فيها.. وهيصفي دماغه ويقارن "حجم الاستفادة والنتيجة" قصاد "السعر" اللي هيدفعه.
ساعتها فرصة إنه يقبل سعرك ويدفع وهو مبسوط بتزيد بنسبة 90%.

​فا من الاخر
لو العميل قالك غالي، اقفل كل حاجة وراجع الـ 2 دول:
​الاستهداف (أنا بكلم مين؟)
​الرسالة (هل بعرض قيمة ونتائج، ولا مجرد خطوات؟)

​لو موافقني الرأي، شاركني في الكومنتات بتتعامل إزاي مع كلمة "غالي"؟

بتكبر مشروعك وحاسس انك بتصرف فلوس على الفاضي؟الشغل معايا كـ Strategist في مسارك بيمشي بنظام صارم ومنظم جداً.. خطوة بخطو...
07/07/2026

بتكبر مشروعك وحاسس انك بتصرف فلوس على الفاضي؟

الشغل معايا كـ Strategist في مسارك بيمشي بنظام صارم ومنظم جداً.. خطوة بخطوة:

الخطوة الأولى:
قبل ما بنكتب كلمة واحدة، بنقعد مع بعض في ميتنج، أنا داخل أسمعك. بعرف منك: طبيعة نشاطك، بتبيع إزاي، إيه التحديات اللي مقدراك، وإيه الطموح والأرقام اللي نفسك توصلها.

الخطوة الثانية:
بعد الميتنج، باخد الداتا دي وبندخل أنا والتيم مرحلة البحث العميق (Deep Research) علشان نطلع بتقرير شامل فيه:
- SWOT Analysis: تحديد نقاط القوة والضعف الحقيقية، والفرص والتهديدات في السوق.
- Competitor Analysis: تشريح المنافسين ومعرفة هما بيبيعوا إزاي وفين نقاط ضعفهم عشان نكسبهم.
- Audience Analysis: فهم سلوك عميلك المستهدف، بيشتري ليه؟ وإيه اللي بيمنعه يشتري؟
- Market Reach & Positioning: بنحدد الـ Tone of Voice (صوت البراند) اللي هنكلم بيه الناس، وبنطلع الـ Value Proposition (الميزة التنافسية) اللي هتخليك الوحيد في مجالك.

الخطوة الثالثة:
التقرير ده أنا بسلمهولك قبل ما نمضي العقد أو نبدأ تنفيذ أصلاً. التقرير ده هو المراية اللي بتقول لنا: هل طموحك اللي اتكلمنا فيه ينفع نشتغل عليه بالمعطيات دي؟ وهل البيزنس بتاعك مؤهل وجاهز للنمو معانا دلوقتي ولا لسه محتاج تظبط حاجات في التشغيل؟

الخطوة الرابعة:
لو البيزنس مؤهل ووافقنا نشتغل سوا، بنبدأ نترجم الاستراتيجية دي لخطة تنفيذية واضحة:

- بنهندس الOffers اللي تضاعف مبيعاتك.
- بنرسم الـ Marketing Funnel الي هي رحلة العميل من أول ما يشوف الإعلان لحد ما يشتري
- وبنحدد KPIs او مؤشرات أداء واضحة بالورقة والقلم نتحاسب عليها زي تكلفة العميل، عدد الرسايل، نسبة المبيعات وهكذا

الهدف من اللفة دي كلها مش إننا نعمل بوستات شكلها حلو.. الهدف واحد وصريح: نعمل "نمو حقيقي ومستدام" للنشاط بتاعك.

البيزنس اللي قايم على نظام، مش بيخاف من منافس ولا من سوق.

فاا لو البيزنس بتاعك قائم، شغال، وعايز تدخله السيستم ده عشان يعمل Scale.. سيب كومنت بكلمة "توسع"، وهنتواصل معاك نحدد ميتنج

استشارة 3 دقايق... والدفع بعد التأهل. 😂
05/07/2026

استشارة 3 دقايق... والدفع بعد التأهل. 😂

04/07/2026

الطبيعي والبديهي في شغلنا بقا عملة نادرة

أسهل حاجة إنك تاخد فلوس من أي حد وتوعده انك تعمله من البحر طحينة..... ... بس معايا الموضوع مختلف تماما، إحنا بنقيس نجاحن...
04/07/2026

أسهل حاجة إنك تاخد فلوس من أي حد وتوعده انك تعمله من البحر طحينة..... ...
بس معايا الموضوع مختلف تماما، إحنا بنقيس نجاحنا بنمو البيزنس اللي بنمسكه،(مش بعدد العقود).

​علشان كده، أنا عندي فلاتر صارمة جداً في قبول العملاء:

​ أنا برفض تماماً أشتغل مع:
​المبتدئ اللي لسه بيجرب: لو معندكش منتج أثبت نجاحه في السوق ، فالاستراتيجية مش هتعملك معجزة.

​اللي بيدور على "مُنفذ" مش "شريك": لو أنت عايز حد يرفعلك بوستات وخلاص، ففي آلاف الـ Freelancers هيعملوا ده بربع التكلفة. أنا استراتيجي، يعني بنقعد مع بعض نغير في شكل العرض وتطوير المنتج ونظام المبيعات.

​صاحب العقلية المستعجلة: اللي فاكر إن الماركتنج زرار هيدوس عليه بليل هيجيب مبيعات الصبح، ده وهم.

​الـ 4 شركات اللي قبلتهم، هما شركات قائمة بالفعل، عندهم تيم، وعندهم مبيعات، بس واقفين في مكانهم ومحتاجين (Scale).

​لو البيزنس بتاعك عدي مرحلة البداية ومحتاج استراتيجية نمو بجد، استعد للبوستات الجاية لأني هشرح فيها بالتفصيل إحنا بنعمل إيه جوه الميتنج المقفول.

أنا فشلت......... ​الكلمة تقيلة صح؟ ومحدش فينا بيحب يقولها علنًا... بس الحقيقة هي كده.. أنا فشلت.​فشلت لما افتكرت إن الط...
02/07/2026

أنا فشلت.........
​الكلمة تقيلة صح؟ ومحدش فينا بيحب يقولها علنًا...

بس الحقيقة هي كده.. أنا فشلت.

​فشلت لما افتكرت إن الطريق لازم يكون خط مستقيم
وإن أي "لا" أو "وقعة" معناه إن النهاية جت.

فشلت لما قارنت بدايتي بمواسم حصاد غيري، وضغطت على نفسي لحد ما كنت هخسر شغفي.
​السوشيال ميديا مليانة قصص نجاح وهمية، بتخلينا نحس إننا لو منجحناش من أول خطوة يبقى العيب فينا.

بس أنا اكتشفت إن الاعتراف بالفشل هو أول خطوة حقيقية للنجاح.

​أنا مفشلتش في الحياة.. أنا فشلت في تجربة، وبكرة هبدأ تجربة جديدة، بس المرة دي هبدأ وأنا معايا "خبرة" مش من الصفر.

​متخافوش من الكلمة، الخوف الحقيقي هو إننا نفضل واقفين في مكاننا عشان خايفين نفشل.

Address

شارع الجمهورية
Tanta

Website

Alerts

Be the first to know and let us send you an email when Youssef Khattab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category