23/02/2025
مقارنة مهمة لاهم سيارتين تحت المليون 2025 👌
Baic U5 plus
Geely Emgrand
البايك متوافر منها فئة كامله فى السوق سعرها ٩٧٥ الف مستوردة منشأ صينى
والجيلى متوافر فيها فئتين ٨٥٠ الف و ٩٧٠ الف تجميع محلى
المواتير للجيلى وبايك ١٥٠٠ سى سى تنفس طبيعى
بس ارقام جيلى اعلى ١٥٢ نيوتن متر عزم و ١٢٠ حصان مع فتيس ٦ سرعات ايسين يابانى اتوماتيك
وبايك ١١٣ حصان مع ١٤٣ نيوتن متر عزم وفتيس CVT
البايك كرسيها اريح وغنيه بشوية أنظمة مساعدة السائق مش موجودة فى الفئة دى زى النقط العميا وتحذير خروج مسار ولكن ٤ ايرباج فى اعلى فئة
الجيلى ايمجراند اداء واستجابة فتيسها وموتورها افضل وفيها توصيل ابل كار بلاى وايرليس فى اعلى فئة واندرويد اوتو ونظام معلوماتى اكثر ثراء
مساحات الجلوس زى بعض لكن جيلى شنطتها اكبر ب ٧٠ لتر
مقدرش احكم على استهلاك بنزين جيلى لكن استهلاك بايك جيد مش اقتصادى اوى لكنه جيد عند ٨ و٨ ونص لتر
عفشة جيلى كويسه اوى اكثر اتزان شويه من عفشة بايك وتماسك
الفئة الاولى فى جيلى ناقصها شوية حاجات بايخه
جنوط
كاميرا
توصيل موبايل ميرور لينك مفيش ابل كار ولا اندرويد
بايك شكلها حلو وجيلى شكلها حلو من وجهة نظرى
تقفيل الاتنين كويس ومحستش ان التقفيل المصرى وحش
الاتنين توكيلات كبار وميتخافش منهم ومستقبلهم النجاح والاستمراريه
البايك تسليم اعتقد متاحه والجيلى تسليم بعد شهر ونص
الاتنين افضل عربيتين فى السوق تحت مليون جنيه من وجهة نظرى
#منقول
