Ze-Alem ዘ-ዓለም

16/09/2026

መሪዎችን አለመደገፍ ሕዝብን አለመደገፍ ነው !
~~~~//~~~~
በርካታ የክልልችን ወጣቶች ለዚህ ለውጥ ዋጋ ከፍለዋል። የተከፈለውን ዋጋ የተረዱ የህይወት መስዋዕትነት የከፈሉና በህይወት ኖረው በጀግንንት እየመሩ ያሉ የአማራ ተወላጅ መሪዎች አሉን፡፡

ባለቤት ያቀለለውን አሞሌ... እንዳንል ማንነት በሥራ እንጂ በስም ብቻ አይገለጽም ። መሪዎቻችን በማህበራዊ ሚዲያ ግንባር ቀርቶ በአውደ ውጊያው ግንባር ግንባራቸውን አላጠፉም።

ኢትዮጵያን ለግምሽ ምዕተ አመት ከተሰራባት ሴራ ለማውጣት እየሰራና እየተሳካለት ያለ የብልጽግና ፓርቲን መሪ መሆን ኩራት፣ አሁን ደግሞ ጀግንነት ነው።

ይህ በተደጋጋሚ የሚሞከር የአማራን ሕዝብ ያለ መሪ የማስቀረት የማይሳካ ሴራ ነው። እነዚህ እንደ ማንኛውም የአማራ ክልል አመራር እንደ ወርቅ በዕሳት የተፈተኑ ጀግኖች ሆነው ሳለ ነጥሎ የማጠልሸት የተለመደ ቅሌት እንጂ ሰሚ የለውምና አትድከሙ !

10/09/2026

በቃ 2019 ገባ 🙋💚❤💚

23/08/2026

ፈተና ያልበገረው፣ በድል የታጀበ ውጤት !
~~~~//~~~~
የአማራ ክልል ባለፉት ዓመታት የተከሰተው የፀጥታ ችግር ከጎዳቸው ተቋማት አንዱ የትምህርት ዘርፉ ነው። የፀጥታ ችግሩ በተማሪዎች፣ በመምህራን እና በወላጆች ከፍተኛ የስነልቦና ጫና አሳድሯል፤ በዘርፉ ላይ ሰብዓዊና ቁሳዊ ጉዳትንም አስተናግዷል።

ይሁን እንጂ በዘንድሮው የ12ኛ ክፍል የዩኒቨርስቲ መግቢያ ፈተና ውጤት የአማራ ክልል ከክልሎች መካከል ቀዳሚ በመሆን ፈተና ያልበገረው፣ በድል የታጀበ ውጤት አስመዝግቧል። ይህ ውጤት የክልሉ ትምህርት በፈተና ውስጥ ሆኖ የተመዘገበ በመሆኑ ለቀጣይ የትምህርት ስራ ትልቅ መነቃቃት የሚፈጥር ነው።

ከተባበርን፣ ከተደጋገፍን እና ትምህርት የትውልድ መቅረጫ ቁልፍ መሳሪያ መሆኑን ከተረዳን የማናስመዘግበው ውጤት፣ የማናልፈው ፈተና አይኖርም። የተመዘገበው ውጤትም ክልሉ በትምህርት ፍትሐዊነት እና ጥራት ላይ እያደረገ ያለውን ሁለንተናዊ ጥረት በተግባር ያረጋገጠ ነው።

22/08/2026

ቱሪዝምን ከኢንቨስትመንትና ከአካባቢ ልማት ያስተሳሰረው ሎጎ ሐይቅ ሪዞርት
***********
ሎጎ ሐይቅ ሪዞርት አንድ የመዝናኛ ስፍራ ብቻ አይደለም፤ የቱሪዝም፣ የኢንቨስትመንትና የአካባቢ ልማት በአንድ ላይ ሊገናኙ የሚችሉበት ምሳሌ ነው።

በ13 ነጥብ 3 ሄክታር መሬት ላይ ያረፈው ሪዞርቱ ዘመናዊ የምግብ ቤቶችን፣ የመዋኛ ገንዳዎችን፣ የውስጥ ለውስጥ መንገዶችን፣ የሄሊኮፕተር ማረፊያንና ውብ አረንጓዴ አካባቢዎችን በአንድ ስፍራ አቅፏል።

ከዚህ በላይ ግን የሪዞርቱ ትልቁ ዋጋ ለአካባቢው ሕዝብ የሚፈጥረው የኢኮኖሚ እድል ነው። ቱሪዝምን ከትራንስፖርት፣ ከግብርና፣ ከአካባቢው ንግድና ከሥራ ዕድል ጋር በማስተሳሰር ለብዙ ዜጎች የገቢ ምንጭ ሊሆን ይችላል። ፕሮጀክቱ በሙሉ አቅም ወደ ስራ ሲገባ ከ400 በላይ የስራ እድል ፈጥሯል።

ልማት ተፈጥሮን ሲጠብቅ፣ ተፈጥሮም ለሕዝብ የልማት ሀብት ይሆናል።

#ቱሪዝም #ኢንቨስትመንት

22/08/2026

21/08/2026

የሕዝብ አደራ የሰነቀ አመራር በዘመቻም ሆነ በመከፋፈል ሴራ አይንበረከክም!

​ለአማራ ክልል ሕዝብ ሕልውና፣ ክብር እና የፍትህ ጥያቄዎች ጽኑ ምሽግ ሆኖ የቆመው አመራራችን፤ በሀገራዊ ምክክር ሂደቶች ውስጥ የሕዝባችንን ድምፅ ላለማስነጠቅ በሚያደርገው ርብርብ ላይ ዛሬም የተቀናጁ ዘመቻዎች እየተከፈቱበት ይገኛሉ። ይሁን እንጂ የሕዝብን ትክክለኛ የትግል አቅጣጫ ይዞ የሚጓዝ አመራር በየትኛውም ሴራ ሊመታ አይችልም።

​የአማራ ክልል አመራር ከሕዝቡ ተለይቶ የሚኖር ሳይሆን፣ የሕዝቡ ደም፣ ዕንባ እና የሰላም ጥያቄዎች አቆላምጦ ሳይሆን በግልጽ እና በድፍረት በማንጸባረቅ እውነተኛ የሕዝብ ወኪል መሆኑን በተግባር አሳይቷል። ከተለያዩ አቅጣጫዎች የሚመጡ ጫናዎችን እና የዘመቻ ውንጀላዎችን በመቋቋም የሕዝብን መብት ማስቀደም የጀግንነት እና የቁርጠኝነት ማሳያ ነው። በሀገራዊ መድረኮች የሕዝብን መብት የሚጻረሩ አሰራሮችን በመቃወም እና የተረጋገጠውን ሕጋዊ መዋቅራዊ ሂደት በመጠበቅ ረገድ የሕዝብን ጥቅም ያስቀደመ አቋም ይዟል።

​በተለይም አመራሩን ከሕዝቡ ለመነጠል፣ እርስ በእርሱ ለመከፋፈል የትግሉን አቅጣጫ ለማሳት የሚደረጉ ውንጀላዎች እና መረባረቦች ፍጹም ከንቱ ሙከራዎች ናቸው። አመራሩ በአንድነት የቆመው ለሕዝባዊ አደራ ብቻ ነውና

​ሕዝብን ይዞ መቆም ጽናትን ይጠይቃል፤ የአማራ ሕዝብም በታሪኩ አርዓያ የሆኑ ጀግኖችን እንዳፈራ ሁሉ፣ ዛሬም መብቱን የሚከለክለውንና ክፍፍልን የሚሰብከውን ሴራ የሚመክት ጽኑ አመራር አለው። የሚደረጉት ዘመቻዎችም ሆኑ የመከፋፈል ሙከራዎች የጊዜያዊ ጩኸት እንጂ የሕዝብን አንድነትና ድምፅ ሊያጠፉት ፈጽሞ አይችሉም!

21/08/2026

ጽኑ መሠረት ያለው የሕዝቡና የአመራሩ ቁርኝት በፌስቡክ አይፈታም!
~~~~//~~~~
​ታሪክ ሁልጊዜም ከውሸት ይልቅ እውነትን በመዝገቡ ከትቦ ያስቀራል። ባለፉት ጊዜያት የአማራ ክልልን ሕዝብና አመራር ለመለያየት፣ እንዲሁም እርስ በእርስ ለማቃቃር የተደረጉ የሴራ ፖለቲካ ሙከራዎች አንዳችም ቋሚ ፋይዳ እንዳላስገኙ የሚታወቅ ሐቅ ነው።

ከትላንት የተወረሰ ከፋፍሎ የመግዛት አጀንዳ ዛሬም እንደ አዲስ ተቀስቅሶ ዳር እንደሚደርስ ማሰብ ፈጽሞ ከእውነታ የራቀ ቅዠት ነው።

​ዛሬም ቢሆን የሐሰት ፕሮፓጋንዳ ነዢዎችና የጥፋት ኃይሎች የድሮውን መዋቅራዊ ስልት ለመድገም በአመራሩ እና በሕዝቡ መካከል መተማመን ለማሳጣት እየሰሩ ይገኛሉ። ይሁን እንጂ አሁን ላይ በጋራ ዓላማ፣ በሕዝብ አደራ እና በእውነት ላይ የተገነባ ጥብቅ የአመራር ቁርጠኝነት በማናቸውም የውሸት ወሬዎችና ተንኮሎች ሊናጋ የሚችል አይደለም።

ቆሞቀሮች አትልፉ፤ የሕዝቡና የአመራሩ ኅብረት ለማንኛውም የውጭ ጫና እና የተንኮል አጀንዳ የማይበገር ጠንካራ መሠረት ስላለው፣ ዘላቂ ሠላምንና ብልጽግናን በማረጋገጥ ረገድ ጉዞው ተጠናክሮ ይቀጥላል። የጋራ አንድነታችንም የነገ ድላችን ማረጋገጫ ነው።

12/08/2026

በአማራ ክልል ፖሊስ ኮሚሽን የትግራይ ተወላጆችን በተመለከተ ተጻፈ ተብሎ የሚዘዋወረው ደብዳቤ ሀሰተኛ ነው።

የአማራ ክልል ፖሊስ ኮሚሽን ለወልቃይት ጠገዴ ሰቲት ሁመራ ዞን ፖሊስ መመምሪያ በዞኑ የሚኖሩ የትግራይ ተወላጆች ላይ የተለያዩ ቁጥጥሮች እንዲደረጉ በደብዳቤ አዝዟል በሚል በማኅበራዊ ሚዲያዎች እየተዘዋወረ ነው።

ነገር ግን ይህ ደብዳቤ የሀሰት መኾኑን በተለያየ መንገድ ማረጋገጥ ተችሏል።

የመጀመሪያው ማረጋገጫ የአማራ ክልል ፖሊስ ኮሚሽን ስያሜውን ወደ አማራ ክልል ፖሊስ ዋና ጠቅላይ መምሪያ ከቀየረ መቆየቱ ነው።

ሐምሌ 30/2018 ዓ.ም እንደተጻፈ የሚገልጸው ይህ ደብዳቤ ግን የተቋሙን የቀድሞ ስም የሚያሳይ ነው። ይህም ደብዳቤው የፖሊስ መምሪያው ላለመኾኑ ማሳያ ነው።

ሌላው የመረጃው ሀሰተኛነት ማረጋገጫ ደግሞ ደብዳቤው ላይ ፈርመዋል ተብሎ ስማቸው የተጠቀሰው እና የመረጃና ክትትል መምረያ ኅላፊ የተባሉት መንገሻ አውራሪስ ተቋሙን ከለቀቁ ዓመታትን ማስቆጠራቸው ነው።

ስለዚህ በማኅበራዊ ማዲያ የተሰራጨው መረጃ ከእውነት የራቀ እና አሳሳች መኾኑን እናሳውቃለን።

30/07/2026

አለሁ 💙 እናንተ ግን ኧረ አትኩሩ ❤❤❤

27/07/2026

የወቅቱ የፖለቲካ ሾተላዮች‼

ህወሓት እና የህወሓት ምንጣፍ ጎታች የሆነው ጽንፈኛው የፋኖ ኃይል "እኛ ከሌለን ትግል አይኖርም ... ትግሉ የእኛን ይሁንታ ይፈልጋል፣ የትግሉ ሀደዲ በእጃችን ነው፣ የምንመራው እኛ ነን ... እኛ ካልመራናት ኢትዮጵያ ትፍረስ" ብለው የሚያስቡ የወቅቱ የፖለቲካ ሾተላዮች ናቸው።

ያለምንም አመክንዮ በሰው ህይወት የሚቆምሩ፣ መነሻቸውን እና መዳረሻቸን በውል የማያውቁ፣ በላኪዎቻቸው የዶላር ፍርፋሪ አቅላቸውን የሳቱ እነዚህ ደናቁርቶች፣ «ለሕዝቡ ሙሴ አድርጎ የፈጠረን እኛን ነው» እያሉ በህዝብ ላይ የሚመፃደቁ ሰው-በላ ሾተላዮች ብረት አንጋች ደቀ-መዛሙርቶቻቸውን በፕሮፓጋንዳ እና በንዋይ አስክረው እንደፈለጉ ይጋልቧቸዋል፤ ለምን? ብለው እንዳይጠይቁ በጭፍን ተስፋ አዕምሯቸውን ያውሩታል። የት ጀምረው አሁን የት እንዳሉ፣ መዳረሻቸው የት እንደሆነ እንዳያውቁና እንዳይጠይቁ ያደርጓቸዋል።

ይባስ ብሎ በትግል ስም የሃገርን ሉዓላዊነት አሳልፎ ለመስጠት፣ በሃገር መብትና ጥቅም ጉዳይ ከውጭ ጠላት ጋር ተሰልፎ ሃገርንና ህዝብን ለመውጋት እየተዘጋጁ ነው። ጥያቄያችን በታሪክና በህዝብ ፊት እንደገለባ ቀሎ መገኘት፤ ግለ-ታሪክን በባንዳነት ማስፃፍ ውርደት አይደለምን? በቃ! ተመለሱ። በሆደ ሰፊነት፣ በይቅር ባይነት የተዘረጋላችሁን የሠላም አማራጭ ዕድል ተጠቀሙበት! ወደ ህዝባችሁ ተመለሱና በአብሮነት እና በአንድነት እንኑር!