26/08/2026
ሰበር ዜና‼️
አገው ምድር ጠቅላላ ሆስፒታል ከፍተኛ ውጤት ላስመዘገበችው ተማሪ ህዳሴ ዘመኑ የ150 ሺህ ብር የማበረታቻ ሽልማት አበረከተ።
ወደ ህዳሴ ግድብ መገንጠያ እንጅባራ ከተማ ለተገኘችው ለጀግናዋ ታሪክ ሰሪ ህዳሴ ዘመኑ አገው ምድር ጠቅላላ ሆስፒታል የ150 ሽህ ብር የገንዘብ የማበረታቻ ሽልማት አበርክቶላታል።
በአማራ ክልል፣ በአዊ ብሄ/አስ እንጅባራ ከተማ የተገኘችው የአገው ምድር ሁለተኛ ደረጃ ትምህርት ቤት ተማሪ ህዳሴ ዘመኑ በ2018 ዓ.ም የ12ኛ ክፍል ሀገር አቀፍ መልቀቂያ ፈተና ከቀረቡበት 600 ጥያቄዎች ውስጥ 583 ያህሉን በትክክል በመመለስ አስደናቂ ውጤት አስመዝግባለች።
ነገሩ እንዲህ ነው የአገው ምድር ጠቅላላ ሆስፒታል ባለቤት አያና ስማቸው(ዶ.ር) በ2017 ዓ.ም በአገው ምድር ሁለተኛ ደረጃ ት/ቤት ሀገራዊ የ12 ክፍል መልቀቂያ ፈተና ከፍተኛ ውጤት ያመጡ ተማሪዎችን ባበረታቱበት ወቅት አንድ ቃል ገብተው ነበረ።
ሕዳሴ ዘመኑን ጨምሮ የ11ኛ ክፍል ተማሪዎች በተገኙበት "በ2018 የውጤት ሪከርድ ለሚሰብር የ50ሽህ ብር የገንዘብ ሽልማት እሰጣለሁ " በማለት ቃል ገብተው ነበር ።
ዶር አያና ስማቸው ቃላቸውን ጠብቀው ለዚች የሀገር ኩራት ለሆነችው የከፍተኛ ውጤት ሪከርዷ ባለቤት ተማሪ ህዳሴ ዘመኑ ቤተሰቦቿ በተገኙበት፤ ባለቤታቸውና የሆስፒታሉ ምክትል ሥራ አስኪያጅ በሆኑት ወ/ሮ ትዕግስት ገነቱ በኩል የ150 ሺህ ብር ሽልማት አበርክተውላታል።
ይህ የተመዘገበው የላቀ ውጤት፤ በዘመኑ የፈተና ታሪክ ውስጥ በሀገር አቀፍ ደረጃ በሴቶች አንደኛው እንዲሁም በሀገር አቀፍ ደረጃ በጠባብ ውጤት ልዩነት ሦስተኛው ከፍተኛ ውጤት ሆኖ የተመዘገበ ነው። ይህም በመንግሥት ትምህርት ቤት በመማር በተማሪዋ ጠንካራ የጥናት ባህልና በትምህርት ላይ ባላት ከፍተኛ ትጋት የተገኘ ውጤት መሆኑን የሚያሳይ ነው።
ተማሪዋ ከሷ በፊት ከፍተኛ ውጤት እንዳስመዘገቡት ተማሪዎች በአዳሪ ትምህርት ቤት ብትማር ኖሮ ከዚህ የበለጠ ውጤት ታስመዘግብ እንደነበር የታመነ ነው።
የተማሪ ህዳሴ ዘመኑ ስኬት ለተማረችበት አገው ምድር ሁለተኛ ደረጃ ትምህርት ቤት፣ ለብሄረሰብ አስተዳደሩ እንዲሁም ለመላው የአማራ ክልል ትልቅ ኩራትና ለቀጣይ ተፈታኞችም አርአያ በመሆን አዎንታዊ ተጽዕኖ ማሳደሩ ተጠቅሷል።
ህዳሴ ዘመኑ በ2018 ዓ.ም የ12ኛ ክፍል ብሔራዊ ፈተና በሳይንስ (Natural Science) ዘርፍ 583. (97.17% አቨሬጅ) በሴቶች አንደኛ በማስመዝገብ አስደማሚ ውጤት አምጥታለች!
የአገው ምድር ጠቅላላ ሆስፒታል ባለቤት ትግስት አገው ምድር ሁለተኛ ደረጃ ት/ቤት እንደዚህ አይነት የጥራት እና የስኬት ማሳያ የሆነች ጀግና ተማሪ በማፍራቱ እንኳን ደስ አላችሁ ብለዋል።
አገው ምድር ጠቅላላ ሆስፒታል ለህዳሴ ዘመኑ እና ለቤተሰቦቿ ታላቅ ኩራቱን እየገለጸ፣ ለቀጣይ የዩኒቨርሲቲ ህይወቷ የላቀ ስኬትን ተመኝተዋል።
ተቋሙ ወደፊትም በሚያስፈልጋት ቦታና ጊዜ ሁሉ እንደማይለያት ቃል ገብቷል።
//ከሆስፒታሉ ፌስቡክ ፔጅ የተወሰደ//
