Visit Bahir Dar

23/08/2026

ፈተና ያልበገረው፣ በድል የታጀበ ውጤት !
~~~~//~~~~
የአማራ ክልል ባለፉት ዓመታት የተከሰተው የፀጥታ ችግር ከጎዳቸው ተቋማት አንዱ የትምህርት ዘርፉ ነው። የፀጥታ ችግሩ በተማሪዎች፣ በመምህራን እና በወላጆች ከፍተኛ የስነልቦና ጫና አሳድሯል፤ በዘርፉ ላይ ሰብዓዊና ቁሳዊ ጉዳትንም አስተናግዷል።

ይሁን እንጂ በዘንድሮው የ12ኛ ክፍል የዩኒቨርስቲ መግቢያ ፈተና ውጤት የአማራ ክልል ከክልሎች መካከል ቀዳሚ በመሆን ፈተና ያልበገረው፣ በድል የታጀበ ውጤት አስመዝግቧል። ይህ ውጤት የክልሉ ትምህርት በፈተና ውስጥ ሆኖ የተመዘገበ በመሆኑ ለቀጣይ የትምህርት ስራ ትልቅ መነቃቃት የሚፈጥር ነው።

ከተባበርን፣ ከተደጋገፍን እና ትምህርት የትውልድ መቅረጫ ቁልፍ መሳሪያ መሆኑን ከተረዳን የማናስመዘግበው ውጤት፣ የማናልፈው ፈተና አይኖርም። የተመዘገበው ውጤትም ክልሉ በትምህርት ፍትሐዊነት እና ጥራት ላይ እያደረገ ያለውን ሁለንተናዊ ጥረት በተግባር ያረጋገጠ ነው።

22/08/2026

ከውበት ባሻገር፦ የኮሪደር ልማት ለከተሞች የፈጠረው ሁለንተናዊ የዕድገት ምዕራፍ !

የኮሪደር ልማት ኢኒሼቲቭ ከተሞችን ከማስዋብና መንገዶችን ምቹ ከማድረግ እጅግ የዘለለ ጥልቅ ሀገራዊ ትርጉም አለው። ይህ ታላቅ ሀገራዊ ራዕይ የመሠረተ ልማት ማሻሻያ ብቻ ሳይሆን ከተሞችን ለነዋሪዎቻቸው እጅግ ምቹ በማድረግ ለኢንቨስትመንትና ለሀብት ፈጠራ ሰፊ በር የከፈተ የኢኮኖሚ ሞተር ሁኗል።

በአሁኑ ጊዜ የኮሪደር ልማት የከተማ ነዋሪዎችን የሥራ ባህል ከሥረ-መሠረቱ እየቀየረው ይገኛል። ማኅበረሰቡን በቀንም ብቻ ሳይሆን ወደ ሌሊትም አሸጋግሮ የ24 ሰዓት የሥራ ባህልንና የምሽት ኢኮኖሚን ዕውን እያደረገ ነው። በሂደቱም በሺዎች ለሚቆጠሩ ወጣቶች ሰፊ የሥራ ዕድል በመፍጠር ሁለንተናዊ ኢኮኖሚያዊና ማኅበራዊ ዕድገትን በተግባር እያረጋገጠ ይገኛል።

በተቀናጀው የኮሪደር ልማት ከተሞች ንጹሕ አየር የሚተነፈስባቸው፣ ለመኖሪያ የሚያጓጉ፣ ለቱሪዝም አጓጊ፣ እንዲሁም ለፈጠራና ለቢዝነስ እጅግ ምቹ ሆነዋል። በዚህም ከተሞች የነዋሪዎቻቸውን የጤናና የሥነ-ልቦና ዕረፍት ከመጠበቅ አልፎ በሀገር አቀፍ ብሎም በዓለም አቀፍ ደረጃ ተወዳዳሪ የሆኑ የቢዝነስና የቱሪዝም ማዕከላት እንዲሆኑ እያገዘ ነው።

በአማራ ክልል እየታየ ያለው የዚህ ልማት ፍሬ ደግሞ እጅግ አስደማሚ ነው። አዲሱ የከተሜነት ብርሃን በውቧ ባሕር ዳር ከተማ ተጀምሮ በታሪካዊቷ ጎንደር ደምቆ፣ በወልዲያ አብቦ፣ በደሴ ጎምርቶ እንዲሁም በኮምቦልቻ፣ በደብረ ብርሃንና በሌሎችም የክልሉ ከተሞች ሰፍቷል። ይህ አንጸባራቂ የልማት እርምጃ ከተሞችን ለኑሮና ለሥራ ምቹ ከማድረግ ባሻገር የክልሉን ዘላቂና ቀጣይ የዕድገት አቅጣጫ ቁልጭ አድርጎ የቀረጸ በጎ ክንውን ነው።

18/08/2026

ትህነግ/ሕውሓትን ያስበረገገው የአማራ ክልል የፖሊስ ሹመት‼️

በአማራ ክልል የፖሊስ ዋና አዛዥነት ሌተናል ጄነራል ጥጋቡ ይልማ መሾማቸው በክልሉ የጸጥታ መዋቅር ላይ ትልቅ ለውጥ እንደሚያመጣ የታመነበት ቢሆንም፤ ከሁሉም በላይ ግን ይህ ውሳኔ ትህነግን ክፉኛ እንዳስበረገገውና የጥፋት ስሌቱን እንደቀየረበት ከሁኔታዎች በግልጽ መረዳት ይቻላል።

ሌተናል ጄነራል ጥጋቡ ይልማ ከዚህ በፊት የምዕራብ ዕዝ አዛዥ ሆኖ አገልግሏል። የሰሜኑንና የወልቃይት አካባቢዎችን ጂኦፖለቲካ እና የድንበር ሁኔታ በጥሩ ሁኔታ ያውቀዋል። ይህ ደግሞ ትህነግ ከዚህ አቅጣጫ ሊያደርጋቸው የሚችላቸውን የሰርጎ መግባትና የድንበር ጥሰት ሙከራዎች አስቀድሞ ለመመከት ትልቅ አቅም ይፈጥራል።

ትህነግ ሁልጊዜም የሚፈልገው በፌደራል መከላከያ ሰራዊት፣ በፌደራል ፖሊስ እና በክልል ጸጥታ አካላት መካከል መራራቅ ወይም አለመግባባት እንዲኖር ነው። አሁን ግን ልምድ ያለው የጦር ጄነራል የክልሉ ፖሊስ ዋና አዛዥ መሆኑ እና የትእዛዝ ሰንሰለቱ መጠናከሩ የቡድኑን የጥቃት እቅዶች ከጥቅም ውጭ አድርጎታል።

ቡድኑና ተባባሪዎቹ ለአማራ ፖሊስ ከሌላ ክልል አመራር መጣ እያሉ ህዝብን ለማወናበድ ቢሞክሩም፣ ጄነራሉ ከዚህ ቀደም የነበራቸው ሰፊ የህዝብ አገልግሎትና ሀገራዊ ስራዎች እውነታውን ግልጽ አድርጎታል። በዚህም የተነሳ የትህነግ ውሸት በህዝብ ዘንድ ቦታ አላገኘም።

በአጠቃላይ ይህ ሹመት የክልሉን ሰላም እና ህግ ማስከበር ከማጠናከሩም በላይ የትህነግን የጥፋትና የሴራ ፖለቲካ ከመሰረቱ በመምታት ቡድኑን ከባድ እንቅልፍ ነስቶታል።

23/07/2026

ጦርነት ሳይሆን ጸሎት እና ሰላም ያስፈልገናል! የትግራይ የሃይማኖት አባቶች!!

ህዝባችን የሚያስፈልገው ሰላም፣ ፍቅር እና ጸሎት እንጂ ተጨማሪ ጦርነት አይደለም ያሉ የሃይማኖት አባቶች በህወሓት አሸባሪ ቡድን እየታሰሩ መሆኑን ከትግራይ የሚመጡ መረጃዎች እያመላከቱ ይገኛሉ።

​በሀገራችን የተከሰቱት ግጭቶች እና ጦርነቶች በህዝባችን ላይ ያደረሱት ስቃይ፣ መፈናቀል እና የእንባ ጎርፍ ከበቂ በላይ ነው። የትግራይ ህዝብም ሆነ የመላው ኢትዮጵያ ህዝብ ዛሬ ላይ አጥብቆ የሚሻው የሰላምን አየር መተንፈስ፣ እፎይታ ማግኘት እና ወደ ነበረው ሰላማዊ ህይወቱ መመለስ ነው።

​የሃይማኖት አባቶች ሁልጊዜም ቢሆን ሰላምን በመስበክ እና የህዝብን እንባ ለማበስ በሚደረገው ጥረት ውስጥ የግንባር ቀደም ሚና አላቸው። ጦርነት ሳይሆን ጸሎት ያሻናል፤ ሰላም ያሻናል ብለው የቁርጥ ቀን ድምፅ የሚሆኑ የአባትነት እና የእምነት ድምፆችን ማፈን፣ ማሰር ወይም ማንገላታት ፈፅሞ ተቀባይነት የሌለው እና ታሪክ የማይመልሰው ጥፋት ነው።

ህወሓት ለሃይማኖት አባቶች እንኳን የማይራራ አሸባሪ ቡድን ነው!!

02/07/2026

ክቡር ርእሰ መሥተዳድር አረጋ ከበደ ከልብ እናመሠግናለን 🆗 ባለፈው አመት ያሰሩትን የአቅመ ደካሞችን ቤት አይቻለሁና 🙏

15/06/2026

28/05/2026

በምርጫ የሚፀና ሀገረ መንግስት እንጂ በጠላት የሚዘጋ ጉዞ የለም!

​የአንድ ሀገር ህልውና እና ዘላቂነት የሚመሰረተው በህዝቦቿ ነፃ ምርጫ፣ በጋራ መግባባትና በጠንካራ ተቋማዊ ግንባታ ላይ እንጂ በታሪካዊ ጠላቶች ሴራና ተንኮል አይገታም።

የሀገርን ጉዞ በጽኑ መሰረት ላይ ለማቆም ህዝብ በነጻነት የሚመርጠው፣ የሚያምንበትና የሚደግፈው የመንግስት ስርዓት መገንባት ቀዳሚው ተግባር ነው።

ታሪክ እንደሚያስተምረን ከውጭም ሆነ ከውስጥ የሚነሱ የጥፋት ኃይሎችና የጠላት ወረራዎች ጊዜያዊ ፈተናዎችን ሊፈጥሩ ቢችሉም፣ የህዝብ እውነተኛ ውክልና ያለውና በዲሞክራሲያዊ ምርጫ የጸና ሀገረ መንግስትን ግን ፈጽሞ ሊያፈርሱት አይችሉም።

ጠላቶች ጉዟችንን ለማስቆም የሚያሴሩት ሴራ ሁሉ በህዝባዊ አንድነትና በህጋዊ ስርዓት ጥንካሬ ፊት መክኖ ይቀራል።

​ኢትዮጵያ ወደ ላቀ ብልጽግና እና ዘመናዊነት የምታደርገው ጉዞ በማናቸውም አይነት ውጫዊ ጫናዎችና የጥፋት ሃይሎች ዛቻ ሊቀለበስ የማይችል ጽኑ መስመር ነው።

እውነተኛው ሀገራዊ ጥንካሬ የሚመነጨው ከህዝብ ፍላጎትና ከምርጫ ድምፅ በመሆኑ፣ ይህንን በህዝብ ፍቃድ ላይ የተገነባን ጉዞ ማንም ሃይል መዝጋት አይቻለውም።

ጠላቶች በከፋፋይ አጀንዳዎችና በትርምስ መንገዶች ሀገርን ለማዳከም ቢሞክሩም፣ በህዝብ ምርጫና በልማት ቁርጠኝነት የጸናው መንግስታዊ መዋቅር ፈተናዎችን ሁሉ በድል የመሻገር አቅም አለው።

ስለሆነም፣ የሀገራችን ጉዞ ወደፊት መጓዙን ይቀጥላል እንጂ በጠላቶች ምኞትና ሴራ መቼም ቢሆን አይገታም።

17/01/2026

ከተማችን 🌴🌴🌴