በማዕከላዊ ኢትዮጵያ ክልል መንግስት በምስራቅ ጉራጌ ዞን የምስራቅ መስቃን ወረዳ መንግስት ኮሙኒኬሸን ጉዳዮች ፅ/ቤት

  • Home
  • Ethiopia
  • Butajira
  • በማዕከላዊ ኢትዮጵያ ክልል መንግስት በምስራቅ ጉራጌ ዞን የምስራቅ መስቃን ወረዳ መንግስት ኮሙኒኬሸን ጉዳዮች ፅ/ቤት

በማዕከላዊ ኢትዮጵያ ክልል መንግስት በምስራቅ ጉራጌ ዞን የምስራቅ መስቃን ወረዳ መንግስት ኮሙኒኬሸን ጉዳዮች ፅ/ቤት This is the official page of በማዕከላዊ ኢትዮጵያ ክልል በምስራቅ ጉራጌ ዞን የምስራቅ መስቃን ወረዳ መ/ኮ/ጉ /ፅ/ቤት

በንቡር ካኘ የታዳጊዎች የክረምት ስፖርታዊ ውድድር የመጀመሪያው የግማሽ ፍፃሜ ጨዋታ በይመር ዋጮ 2ኛA 4ለ2 አሸናፊነት ተጠናቀቀ።።።።።።።።።።።።።።።።።።።።።።መሰከረም 15/2019 ዓ/ም...
25/09/2026

በንቡር ካኘ የታዳጊዎች የክረምት ስፖርታዊ ውድድር የመጀመሪያው የግማሽ ፍፃሜ ጨዋታ በይመር ዋጮ 2ኛA 4ለ2 አሸናፊነት ተጠናቀቀ።
።።።።።።።።።።።።።።።።።።።።።
መሰከረም 15/2019 ዓ/ም {የምስራቅ መስቃን ወረዳ መንግስት ኮምንኬሽን ጉዳዮች ፅ/ቤት}

በታዳጊዎቹ መካከል በተደረገው በዚህ ብርቱ ፉክክር የታየበት የመጀመሪያ ጨዋታ ይመርዋጮ 2ኛA ተጋጣሚውን 4 ለ 2 በሆነ ውጤት በማሸነፍ ድል ቀንቶታል።

ይህንን ጨዋታ ተከትሎም፣ ሁለተኛው የግማሽ ፍፃሜ ጨዋታ በሀሙስ ገበያ A እና በባሞ A መካከል በአሁኑ ሰዓት በከፍተኛ ፉክክር በመካሄድ ላይ ይገኛል።

የዕለቱ የጨዋታው የተጠቃለለ መረጃ የምናደርስ ይሆናል።

ዜናው:-የምስራቅ መስቃን ወረዳ መንግስት ኮምንኬሽን ጉዳዮች ፅ/ቤት ነው።

መስከረም 15/2019በምስራቅ ጉራጌ ዞን ቡታጅራ ከተማ የመስቀል በዓል ድባብና የከብት ገበያ ውሎ በምስል👇👇👇
25/09/2026

መስከረም 15/2019
በምስራቅ ጉራጌ ዞን ቡታጅራ ከተማ የመስቀል በዓል ድባብና የከብት ገበያ ውሎ በምስል👇👇👇

በንቡር ካኘ የታዳጊዎች የክረምት ስፖርታዊ ውድድር የመጀመሪያው የግማሽ ፍፃሜ ጨዋታ በይመርዋጮ 3ኛ እና በይመርዋጮ 2ኛ መካከል በአሁኑ ሰዓት እጅግ በደመቀ ሁኔታ እየተካሄደ ይገኛል።።።።።።...
25/09/2026

በንቡር ካኘ የታዳጊዎች የክረምት ስፖርታዊ ውድድር የመጀመሪያው የግማሽ ፍፃሜ ጨዋታ በይመርዋጮ 3ኛ እና በይመርዋጮ 2ኛ መካከል በአሁኑ ሰዓት እጅግ በደመቀ ሁኔታ እየተካሄደ ይገኛል።
።።።።።።።።።።።።።።።።።።።።።
መሰከረም 15/2019 ዓ/ም {የምስራቅ መስቃን ወረዳ መንግስት ኮምንኬሽን ጉዳዮች ፅ/ቤት}

ይህንን ወሳኝ ፍልሚያ ለመታደም እጅግ ቁጥሩ ከፍተኛ የሆነ በርካታ ህዝብ እና ደጋፊ በሀሙስ ገበያ ሜዳ የተገኘ ሲሆን፣የታዳጊዎቹ አስገራሚ ብቃት እና የደጋፊው ሞቅ ያለ ድባብ ጨዋታውን ለየት ያለ ማራኪ እይታ ሰጥቶታል።

የክልሉ ሴቶችና ህፃናት ቢሮ በምስራቅ ጉራጌ ዞን እንሴኖ ከተማ ያስገነባው የአቅም ደካማ ቤት ቁልፍ አስረከበ።መስከረም 15/2019 እንሴኖ ከተማ አስተዳደር መንግስት ኮሚኒኬሽን የማዕከላዊ ...
25/09/2026

የክልሉ ሴቶችና ህፃናት ቢሮ በምስራቅ ጉራጌ ዞን እንሴኖ ከተማ ያስገነባው የአቅም ደካማ ቤት ቁልፍ አስረከበ።

መስከረም 15/2019 እንሴኖ ከተማ አስተዳደር መንግስት ኮሚኒኬሽን

የማዕከላዊ ኢትዮጵያ ክልል ሴቶችና ህፃናት ቢሮ “በጎነት ለኢትዮጵያ ከፍታ” በሚል የክረምት በጎ ፈቃድ መሪ ሃሳብ በምስራቅ ጉራጌ ዞን እንሴኖ ከተማ አስተዳዱር ለአቅመ ደካማ እናት ያስገነባውን ቤት ከሙሉ የቤት እቃዎች ጋር አስረክቧል።

የክልሉ ሴቶችና ህፃናት ቢሮ ኃላፊ ወ/ሮ ዘቢባ መሀመድ በክልሉ በጎ ፍቃድ ተግባራት በማስፋፋትና በማጠናከር ሰው ተኮር ስራ ተጠናክሮ እየተሰራ መሆኑን የቁልፍ ርክክብ ባደረጉበት ወቅት ገልፀዋል።

በዛሬው ዕለትም ቢሮ ያስረከበው ቤት አቅመ ደካማን መደገፍ፣ የተቸገሩ ወገኖችን መርዳትና ችግሮችን በጋራ መፍታት በህብረተሰቡ የነበረው መረዳዳት ባህል እንዲጎለብት የሚያደርግ በመሆኑ፣ በክረምት በጎ ፈቃድ የተጀመሩ ተግባራት በቀጣይም ተጠናክረው ሊቀጥሉ እንደሚገባ ጠቁመዋል።

በጎነትና መረዳዳት ለሰላምና ለማህበራዊ መረጋጋትም ያላቸውን ሚና ከፍተኛ ነው ያሉት ወ/ሮ ዘቢባ አንዱን የሌላውን ችግር በመጋራትና በመደጋገፍ የሚፈታ ህብረተሰብ መገንባት የሁሉም ዜጋ ድርሻ መሆን እንዳለበት አስገንዝበዋል።

በጎ ፈቃድ ተግባራት የመንግስት በጀት ብቻ በመጠበቅ የሚከናወኑ ሳይሆኑ የተለያዩ የህብረተሰብ ክፍሎች፣ ተቋማትና ባለሙያዎች በጋራ ሲሳተፉ የሚሳኩ ናቸው ብለዋል።

የእንሴኖ ከተማ አስተዳደር ከንቲባ አቶ መሀመድኑር ስርሞሎ በበኩላቸው በከተማዋ በክረምት በጎ ፈቃድ በክልል ቢሮዎች ትብብር የአቅመ ደካማ ወገኖች ቤቶችን ከሙሉ የቤት እቃዎች ጋር አጠናቆ ማስረከብ መቻሉን ገልፀዋል።

ከንቲባው በከተማው “በጎነት ለኢትዮጵያ ከፍታ”በሚል መሪ ሃሳብ የተጀመሩ የበጎ ፈቃድ ተግባራት በተለያዩ ዘርፎች ተጠናክረው እየተሰራ መሆኑን አብራርተዋል።

በርክክቡ ወቅት የምስራቅ ጉራጌ ዞን ብልጽግና ፓርቲ ቅርንጫፍ ፅ/ቤት ኃላፊና ዋና የመንግስት ተጠሪ አቶ መሰለ ጫካ ፣ የዞኑ ብልጽግና ፓርቲ ቅርንጫፍ ፅ/ቤት ምክትል ኃላፊና የፖለቲካና አቅም ግንባታ ዘርፍ ኃላፊ አቶ መሰረት ሽፋ፣ የዞኑ ሴቶችና ህፃናት መምሪያ ኃላፊ ወ/ሮ ረሂማ ሰይድ ጨምሮ የክልሉ ሴቶችና ህፃናት ቢሮ ማኔጅመንት አባላት ፣የዞንና የከተማው አመራሮች፣የሀገር ሽማግሌዎችና ተጋባዥ እንግዶች ተገኝተዋል።

የዞናችን አንፃራዊ ሠላም በማሻሻል በአስተማማኝ ደረጃ ሠላም ለህዝባችን ለማስፈን ብዙ መስራት ይጠበቃል" ፦ አቶ ደሱ አበጋዝ # ቡታጅራ መስከረም 14/2019በማዕከላዊ ኢትዮጵያ ክልል የ...
24/09/2026

የዞናችን አንፃራዊ ሠላም በማሻሻል በአስተማማኝ ደረጃ ሠላም ለህዝባችን ለማስፈን ብዙ መስራት ይጠበቃል" ፦ አቶ ደሱ አበጋዝ

# ቡታጅራ መስከረም 14/2019

በማዕከላዊ ኢትዮጵያ ክልል የምስራቅ ጉራጌ ዞን የፀጥታ ምክር ቤት ሠላማችን ለብልፅግናችን" በሚል መሪ ቃል የ2018 ዕቅድ አፈፃፀም እና የ2019 የትኩረት አቅጣጫዎች ላይ የሚመክር ጉባኤ በቡታጅራ ከተማ አካሄዷል።

የምስራቅ ጉራጌ ዞን ምክትል አስተዳዳሪና የዞኑ ግብርና መምሪያ ኃላፊ አቶ ደሱ አበጋዝ በመድረኩ እንደተናገሩት የዞናችን አንፃራዊ ሠላም ይበልጥ በማሻሻል በአስተማማኝ ደረጃ ለህዝባችን ሠላም ለማስፈን ብዙ መስራት እንደሚጠበቅ ገልፀዋል።

ሀገራችን ያለችበት ሁሉን አቀፍ የእድገት ጉዞ ለመግታትና ሀዲዱን ለመምታት እየተገዳደሩ ያሉ ኃይሎች በጋራ ጥረትና በቅንጅት ሥራ መክተን ለህዝባችን ዘላቂ ሠላምና ብልፅግና ለማረጋገጥ መተባበር አለብን ብለዋል።

አንድ ስንሆን የማይቻለውን እንዲቻል ማድረግ የሚያስችል አቅም እንደሚያስገኝ በማመን የህዝባችን የመኖር ህልውና እየፈተኑት ያሉት ኃይሎች ማስቆም እንደሚቻል ገልፀዋል።

በእንሴኖ ከተማና በምስራቅ መስቃን ወረዳ አካባቢ በህዝብ ላይ በየጊዜው የሞት አደጋ እያደረሱ ያሉት ወንጀለኞች በህግ እንዲጠየቁ ህዝባችን ከፀጥታ ተቋማት ጋር በቅንጅት በመስራት ለሠላም ያላቸው ቁርጠኝነት ሊያሳዩ እንደሚገባ ተናግረዋል።

በሶዶ ቀጠና ያለው የፀጥታ ችግርም ህዝቡ ለሠላም ያለው ቁርጠኝነት የፀጥታ አካሉን በማገዝ በራስ አቅም የአካባቢውን ሠላም በዘላቂነት ለመጠበቅ ትልቅ አቅም እንደሆነና ተመክሮአዋቸው በሁሉም የፀጥታ ችግር ባለባቸው አካባቢዎች በሙሉ ሊሰፋ እንደሚገባ አስገንዝበዋል።

በቀጣይ የህገ-ወጥ የጦር መሣሪያዎች ቁጥጥር ይበልጥ በማሳደግ፤ በየደረጃ ያሉ የፀጥታ ምክር ቤቶች በማጠናከር የተሠጣቸውን ተልዕኮ በመወጣት የህብረተሠብ ሠላም እንዲጠበቅ ማስቻል ያስፈልጋል ብለዋል።

የምስራቅ ጉራጌ ዞን ሠላምና ፀጥታ መምሪያ ኃላፊ አቶ ተካልኝ ንጉሴ በማጠቃለያ መድረኩ እንደተናገሩት በሠላምና በዕርቅ ጉዳይ ያላቸውን የካበተ ልምድ ተጠቅመው ለግጭቶች መፍትሔ መስጠት እንዲችሉ የተቋቋመው ክልል አቀፍ የሀገር ሽማግሌዎች ህብረት የበኩላቸው ድርሻ እንዲወጡ አደራ ብለዋል።

የመምህራን ማህበራት በየትምህርት ቤቶች በሰላም ጉዳይ በትውልድ ላይ መሥራት እንዳለባቸው፤ በየደረጃው ያሉ የሠላም ኮሚቴም የሚጠበቅባቸው ኃላፊነት መወጣት እንዳለባቸው አስገንዝበዋል።

የቱንም ያህል የፀጥታ ኃይል ቢመደብ ያለህዝብ ተሳትፎ ችግር ፈጣሪ ወንጀለኞችን መንጥሮ በማውጣት ወንጀለኛው ተጠያቂ ለማድረግ እንደማይሳካ ታውቆ ለሠላምና ፍትህ መስፈን ህብረተሠቡ መተባበርና ማገዝ እንዳለበት በአፅኖት ገልፀዋል።

ከተሣታፊ አካላትም በየጊዜው አድፍጠው ህዝባችን እያጠቁ ያሉ የፀረ ሰላም ኃይሎች ብዙ ዋጋ እያስከፈለ በመሆኑ የፀጥታ አካላት ከህብረተሠቡ ጋር ያላቸውን የግንኙነት ሥርዓት በማጠናከር ፅንፈኛው ለይተው ከጥፋት ተልዕኮአቸው ማስቆም እንደሚገባ አመላክተዋል።

ተሳታፊ የኃይማኖት አባቶችና የሀገር ሽማግሌዎች ከምንጊዜውም በላይ ስለሠለም እንደሚሠብኩና ለሠለም እንደሚሠሩ በመግለፅ መንግስት ዘመናዊ የጦር መሣሪያ ታጥቆ በህዝብ ላይ ጥቃት እያደረሱ ያሉት ኃይሎች መመከት የሚችል የፀጥታ ኃይል መፍጠር እንደሚገባ
አሳውቀዋል።

በአካባቢያችን ብሎም በሀገራችን በተለያዩ ቦታዎች ለተፈጠሩት ችግሮች ከውስጥም ከውጭም በትጥቅና በፋይናንስ የሚታገዙ በመሆኑ በሀገር ህልውና ላይ አደጋ የጋረጠው ችግር በተቀናጀ መልኩ መከላከል ይጠበቃል ነው ያሉት።

በመድረኩ ለተነሱት ጥያቄዎችና አስተያየቶች ከመድረኩና በሚመለከታቸው አካላት ምላሽና ማብራሪያ በመስጠት በቀጣይ ዘላቂ ሰላም ለማስፈን የሚያስችሉ ተልዕኮዎች በጋራ በመውሰድ የዕለቱ የፀጥታ ምክር ቤት ጉባኤው ተጠናቋል።

ታላቅ ስፖርታዊ ዜና:- የ"ንቡር ካኘ" የግማሽ ፍፃሜ ፍልሚያዎች ነገ አርብ ይካሄዳሉ!!።።።።።።።።።።።።።።።።።።።።።መስከረም 14/2019 ዓ/ምበምስራቅ መስቃን ወረዳ በሀሙስ ገበያ ሜዳ ...
24/09/2026

ታላቅ ስፖርታዊ ዜና:-
የ"ንቡር ካኘ" የግማሽ ፍፃሜ ፍልሚያዎች ነገ አርብ ይካሄዳሉ!!
።።።።።።።።።።።።።።።።።።።።።
መስከረም 14/2019 ዓ/ም
በምስራቅ መስቃን ወረዳ በሀሙስ ገበያ ሜዳ በደመቀ ሁኔታ እየተካሄደ የሚገኘው "የንቡር ካኘ" የክረምት የታዳጊዎች እግር ኳስ ውድድር
አሁን ወደ ማጠቃለያው ደረጃ ተቃርቧል።

ለመጨረሻው የዋንጫ ጨዋታ ለማለፍ የሚደረጉት ብርቱና ተጠባቂ የነገ አርብ ቀን 15/2019 ዓ/ም የግማሽ ፍፃሜ ጨዋታዎች መርሃ ግብር ይፋ ሆኗል።

በዚህም መሰረት:-
ከሰዓት 7:00 ይመርዋጮ 3ኛ A Vs ይመርዋጮ 2ኛ A

ከሰዓት 9:00 ሀሙስ ገበያ A Vs ባሞ ሰላም A

የታዳጊዎቹን እምቅ አቅም፣ፈጣን እግር ኳስ እና እልህ አስጨራሽ ፉክክር ለመታዘብ፣እንዲሁም ለቡድኖቻችሁ ያላችሁን ድጋፍ ለመግለፅ ሙሉ ስፖርት ወዳድ ማህበረሰብ በሀሙስ ገበያ ሜዳ በመገኘት ጨዋታውን እንድትከታተሉ ጥሪ ተላልፏል።

ኢትዮጵያ በመሠረተ ልማት ዝርጋታ፣ በንግድ እና በምስራቅ አፍሪካ ህዝብ ለህዝብ ግንኙነት ትብብርን እና ውህደትን ለማጠናከር በትጋት እየሠራች ነው - ፕሬዚዳንት ታዬ አጽቀ ሥላሴ
24/09/2026

ኢትዮጵያ በመሠረተ ልማት ዝርጋታ፣ በንግድ እና በምስራቅ አፍሪካ ህዝብ ለህዝብ ግንኙነት ትብብርን እና ውህደትን ለማጠናከር በትጋት እየሠራች ነው - ፕሬዚዳንት ታዬ አጽቀ ሥላሴ

የምስራቅ መስቃን ወረዳ መንገድ ትራንስፖርት ጽ/ቤት እና የእንሴኖ ከተማ አስተዳደር በጋራ በመሆን በእንሴኖ ከተማ ከተለያየ የሀገሪቱ ክፍሎች ለመስቀል በዓል ወደ አካባቢው የሚመጡ እንግዶች የ...
24/09/2026

የምስራቅ መስቃን ወረዳ መንገድ ትራንስፖርት ጽ/ቤት እና የእንሴኖ ከተማ አስተዳደር በጋራ በመሆን በእንሴኖ ከተማ ከተለያየ የሀገሪቱ ክፍሎች ለመስቀል በዓል ወደ አካባቢው የሚመጡ እንግዶች የእንኳን ደህና መጣችሁ አቀባበል ተደረገላቸው ።
።።።።።።።።።።።።።።።።።።።።።
መስከረም 14/2019 ዓ/ም
(የምስራቅ መስቃን ወረዳ መንግስት ኮምንኬሽን ጉዳዮች ፅ/ቤት)

የምስራቅ መስቃን ወረዳ መንገድ ትራንስፖርት ጽ/ቤቶች እና የእንሴኖ ከተማ አስተዳደር በጋራ በመሆን በእንሴኖ ከተማ ከተለያየ የሀገሪቱ ክፍሎች ለመስቀል በዓል ወደ አካባቢው የሚመጡ እንግዶች የእንኳን ደህና መጣችሁ አቀባበል ተደረገላቸው።

የዘመናት ባህላዊ እና ሃይማኖታዊ እሴት የሆነውን የመስቀል በዓል የምስራቅ መስቃን ወረዳ እና የእንሴኖ ከተማ አስተዳደር የመስቀል በዓልን ምክንያት በማድረግ፣ከሀገሪቱ የተለያዩ ክፍሎች ወደ አካባቢው ለሚመጡ እንግዶች እና ተወላጆች የሁለቱም አካላት ከፍተኛ አመራሮች በተገኙበት በዛሬው ዕለት ደማቅ የአቀባበል ስነ-ስርዓት ተካሂዷል።

ይህ የእንኳን ደህና መጣችሁ አቀባበል በእንሴኖ ከተማ አስተዳደር መንገድና ትራንስፖርት ጽሕፈት ቤት እና የምስራቅ መስቃን ወረዳ መንገድና ትራንስፖርት ጽ/ቤት ቤት በጋራ አስተባባሪነት የተዘጋጀ ሲሆን፣ በእንሴኖ ከተማ መግቢያ በሮች ላይ በመገኘት እንግዶችን የማስተናገድ እና እንኳን አደረሳችሁ የማለት ተግባር ተከናውኗል።

የአቀባበሉ ዋና ዋና ሁነቶች፦
የጋራ ቅንጅት፦የከተማ አስተዳደሩ እና የወረዳው መንገድና ትራንስፖርት ጽሕፈት ቤቶች በቅንጅት በመስራት የበዓሉ ታዳሚዎች ከየአቅጣጫው ወደ አካባቢው ሲገቡ ያለምንም የእንቅስቃሴ እና የትራንስፖርት እንግልት በሰላም እንዲደርሱ ምቹ ሁኔታ ፈጥረዋል።

ወደ ከተማዋ የሚገቡ መንገደኞች፣የህዝብ ትራንስፖርት አሽከርካሪዎች እና እንግዶች በጽሕፈት ቤቶቹ አመራሮችና ባለሙያዎች አቀባበል ተደርጎላቸዋል።

የትራፊክ ደህንነትና አገልግሎት፦ የበዓሉን ሰሞን የትራፊክ እንቅስቃሴ ደህንነቱ የተጠበቀ እና የተቀላጠፈ ለማድረግ የትራፊክ ፖሊስና የመንገድ ትራንስፖርት ባለሙያዎች በተጠናከረ መልኩ ስራቸውን እያከናወኑ ይገኛሉ።

የጽሕፈት ቤቱ አመራሮች ባስተላለፉት መልዕክት፣መስቀል የፍቅር፣የሰላምና የንድፈ-ሃሳብ መተሳሰሪያ በዓል በመሆኑ፣በበዓሉ ወቅት የሚደረጉ የእንቅስቃሴ መስተጋብሮች ሁሉ በሰላም እና በትክክለኛ የትራፊክ ጥንቃቄ እንዲከናወኑ ጥሪ አቅርበዋል።

በመጨረሻም ሁለቱ ጽሕፈት ቤቶች ለመላው የአካባቢው ነዋሪዎች፣ ከቅርብና ከሩቅ ለተውጣጡ እንግዶች በሙሉ "መልካም የመስቀል በዓል" እንዲሆንላቸው ምኞታቸውን ገልጸዋል።

በአቀባበል ፕሮግራሙ ላይ የወረዳው እና የከተማው አስተባባሪ አካላት ጨምሮ የምስራቅ መስቃን ወረዳ መንገድ ትራንስፖርት እና የእንሴኖ ከተማ አስተዳደር ኃላፊዎችና ትራፊቆች፣የመንገድ ደህንነት ባለሙያዎች ተገኝተዋል።

ሠላማችን ለብልፅግናችን" በሚል መሪ ቃል የምስራቅ ጉራጌ ዞን የፀጥታ ምክር ቤት የ2018 ዕቅድ አፈፃፀም እና የ2019 የትኩረት አቅጣጫዎች ላይ የሚመክር ጉባኤ እያካሄደ ነው # ቡታጅራ መ...
24/09/2026

ሠላማችን ለብልፅግናችን" በሚል መሪ ቃል የምስራቅ ጉራጌ ዞን የፀጥታ ምክር ቤት የ2018 ዕቅድ አፈፃፀም እና የ2019 የትኩረት አቅጣጫዎች ላይ የሚመክር ጉባኤ እያካሄደ ነው

# ቡታጅራ መስከረም 14/2019

የምስራቅ ጉራጌ ዞን የፀጥታ ምክር ቤት ሠላማችን ለብልፅግናችን" በሚል መሪ ቃል የ218 ዕቅድ አፈፃፀም እና የ2019 የትኩረት መስኮች ላይ የሚመክር ጉባኤ በቡታጅራ ከተማ እያካሄደ ይገኛል።

የምስራቅ ጉራጌ ዞን ምክትል አስተዳዳሪና የዞኑ ግብርና መምሪያ ኃላፊ አቶ ደሱ አበጋዝ በመክፈቻ ንግግራቸው የዕለቱ መድረክ በዞናችን ነባራዊ የሠላም ፀጥታ ሁኔታ በመገንዘብ ያሉትን ችግሮች በጋራ በመለየት ዘላቂ መፍትሄዎች ለመፈለግ እንደሆነ ተናግረዋል።

ሠላም የልማት ሁሉ መሠረት ነው ያሉት አቶ ደሱ አበጋዝ የሠላም እጦት፣ ዜጎች ተንቀሳቅሰው መስራት እንዳይችሉ ትልቅ መሰናክል ነው ብለዋል።

በመሆኑም የሠላም ጉዳይ የመንግስት ፣የፓርቲ እንዲሁም የሁሉም የማህበረሰብ ጉዳይ በመሆኑን ወጣቶች በሠላምና በፀጥታ ሥራዎች በማሳተፍ ለግጭት አጋላጭ ጉዳዮች ፈጥኖ በመከላከልና ማህበረሰቡ የሠላም ባለቤት በማድረግ ቅሬታዎች በፍጥነት በመፍታት ዘላቂ መፍትሔ እሠጡ መሄድ እንደሚያስፈልግ አመላክተዋል።

የህግ ማስከበር ሥራ የሚመራው ህግን መሠረት ባደረገ መልኩ እንደሆነ የተናገሩት ም/አስተዳዳሪው የዜጎች ሠላም፣ ደህንኑትና መብት ከማስጠበቅ አንፃርም የሚያጋጥሙ የመብት ጥሰቶች በህግ አግባብ ምላሽ መስጠት እንደሚጠበቅ ገልፀዋል።

የሠላምና ፀጥታ፣ የፍትህና የአስተዳደር አካላትና በየደረጃው ያለው አመራር በጋራ የዞናችን የሠላምና ፀጥታ ሥራ ማጠናከር ይገባናል ብለዋል።

በዞናችን በሁሉም ሥፍራዎች በሚባል ደረጃ እያጋጠሙ ያሉ የፀጥታ ችግሮች የፀጥታ መዋቅሮቻችንና ህዝብን በማሳተፍ ባደረገው ተጋድሎ ሊፈጠር የነበረው ከፍተኛ አደጋ መቀነስ ያስቻለ ሥራ መስራት መቻሉ ነገር ግን አሁንም ያለተፈቱ የሠላም ችግሮች የብዙ ወገኖቻችን ህይወት እየቀጠፈ በመሆኑ የፀጥታ ምክር ቤቱ መክሮ የጋራ አቋም በመያዝ ዘላቂ መፍትሔ እንደሚያስቀምጥ ገልፀዋል ።

በመጨረሻም የዞኑ ሠላም በአንፃራዊነት እንዲጠበቅ አስተዋፅኦ ላበረከቱት በተለይም እስከ ህይወት መሠዋትነት ለከፈሉት በየደረጃ ያሉት የፀጥታ አባላት ክብር በመስጠት አመስግነዋል።

የምስራቅ ጉራጌ ዞን ሠላምና ፀጥታ ኃላፊ አቶ ተካልኝ ንጉሴ በእንኳን ደህና መጣችሁ መልዕክታቸው የምስራቅ ጉራጌ ዞን ፀጥታ ምክር ቤት "ሠላማችን ለብልፅግናችን" በማል መሪ ቃል የ2018 ዕቅድ አፈፃፀምና የ2019 ዕቅድ የተኩረት አቅጣቸዋች ላይበዞናችን፣ በክልልና በሀገራችን ደረጃ ባሉ የሠላም ጉዳዮች ታሳቢ በማድረግ የሚደረገው ምክክር ትልቅ ፋይዳ አለው ብለዋል።

የዞናችን ህዝቦች አንድነት በመፍጠር የጋራ ጠላት በሆነው የፀጥታ ችግር ያለ ልዩነት እንዲሠሩ በተደረገው ጥረት የፀጥታው ሁነኛ ደጀን ሆነው ሲያግዙ እንደቆዩ የተናገሩት አቶ ተካልኝ ግጭትና የወንጀል ድርጊት እንዲቀንስ አስችለዋል ብለዋል።

በዞኑ ሰላምና ፀጥታ የተገኘው አንፃራዋ ሠላም በማስቀጠል ለዘላቂ ሠላም መሥፈን እየሠራ እንደሚገኝ አስታውቀዋል።

በመድረኩ የምስራቅ ጉራጌ ዞን ምክር ቤት ዋና አፈ ጉባኤ የተከበሩ አቶ እንዳልካቸው ጌታቸው፣ የዞኑ ብልጽግና ፓርቲ ቅርንጫፍ ጽ/ቤት ሀላፊና የመንግስት ዋና ተጠሪ አቶ መሰለ ጫካ፣ የዞኑ ከፍተኛ ፍርድ ቤት ም/ፕሬዝዳንት አቶ ሁሴን ሽፋ፣ ኮሚሽነር ቦጋለ ካሎሬ የክልሉ ፖሊስ ኮሚሽን ኮሚሽነርና የቡታጅራ አካባቢ ኮማንድ ፖስት ሠብሳቢ፤ የምስራቅ ጉራጌ ዞን አስተባባሪዎች፣ የዞኑ የካቢኔ አባላት የዞኑ ፖሊስ ምሪያ አዛዥ ም/ር መሰማ ጀማል፣ የወረዳ አስተዳዳሪዎችና የከተማ ከንቲባዎች፣ የወረዳና የከተማ አስተዳደር የብልፅግና ፓርቲ ጽ/ቤት አመራሮች የወረዳና የከተማ የፍትህ፣ የፀጥታና የፖሊስ ጽ/ቤ ኃላፊዎች የኃይሜኖት አባቶችና የሀገር ሽማግሌዎችና ጥሪ የተደረገላቸው እንግዶች እየተሳተፉ ይገኛሉ ።

ዘገባው የምስራቅ ጉራጌ ዞን መንግስት ኮሚኒኬሽን ጉዳዮች መምሪያ ነው

የየወቅቱን የትኩረት አቅጣጫዎች ጠብቆ ወደ ተግባርና ዉጤት ማሸጋገር ወሳኝ ነዉ _ርዕሰ መስተዳድር እንዳሻዉ ጣሰዉ (ዶ/ር) ሆሳዕና ፣ መስከረም 14፣2019፤የማዕከላዊ ኢትዮጵያ ክልል ርዕሰ...
24/09/2026

የየወቅቱን የትኩረት አቅጣጫዎች ጠብቆ ወደ ተግባርና ዉጤት ማሸጋገር ወሳኝ ነዉ _ርዕሰ መስተዳድር እንዳሻዉ ጣሰዉ (ዶ/ር)

ሆሳዕና ፣ መስከረም 14፣2019፤የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው (ዶ/ር)፣ በልዩ ትኩረት እየተመሩ የሚገኙ ተግባራትን ወቅታዊ አፈጻጸም በበይነ መረብ አማካይነት ዛሬ ገምግመዋል፤ ቀጣይ አቅጣጫዎችም ተመላክተዋል።

ወቅታዊ የአፈጻጸም ግምገማው፣ በገቢ አሰባሰብ ፣ በሥራ ዕድል ፈጠራ ፣ የኤልኒኖ ስጋትን ከመቀነስና ተያያዥ የግብርና ጉዳዮች ፣ከተሞችን ከማዘመንና ፣ በገጠር ሞዴል መንደሮችን ከማስፋት ፣ በ 'መሶብ' _የአንድ ማዕከል አገልግሎት ማዕከላት አገልግሎት አሠጣጥ እና በአዳዲስ ማዕከላት ዝግጅት ዙሪያ ፣በፋይዳ መታወቂያ ምዝገባ፣ በኮደርስ ሰልጠና፣እና የዋጋ ንረትን እና ኑሮ ዉድነት በማረጋጋት ላይ ያተኮረ መሆኑ ተጠቁሟል።

ርዕሰ መስተዳድር እንዳሻዉ ጣሰዉ ( ዶ/ር ) በመድረኩ ማጠቃለያ እንደገለፁት ፣ የየወቅቱን የትኩረት አቅጣጫዎች ጠብቆ ወደ ተግባርና ዉጤት ለማሸጋገር ትኩረት ሰጥቶ መስራት ይጠበቃል ።

በልዩ ትኩረት የሚመሩ ተግባራትን በተሻለ ደረጃ ዉጤታማ ለማድረግ፣ በሴክተሮችም ይሁን በዞን እና ልዩ ወረዳዎች ደረጃ የተዋረድ ክትትልና ድጋፍን ማጠናከር እንደሚገባም ርዕሰ መስተዳድር እንዳሻዉ ጣሰዉ ( ዶ/ር ) አሳስበዋል ።


ከገቢ ሴክተር አንፃር እንቅስቃሴዉ መልካም መሆኑን ያመለከቱት ርዕሰ መስተዳድሩ፣ የየወቅቱ የገቢ አፈጻጸም መጠን ከዕቅዱ አንፃር የተሟላ ባለመሆኑ የገቢ ዕቅዶችን በዕቅዳቸዉ መሠረት ለመፈጸም በልዩ ትኩረት እንዲሠራ አቅጣጫ አስቀመጠዋል።

በስራ ዕድል ፈጠራዉ መስክ ከስራ ዕድል ፈላጊዎች ልየታ ባሻገር፣ የተለዩትን ስራ ፈላጊዎች ፈጥኖ ወደ ስራ ስምሪት የማስገባቱ ተግባር እንዲጠናከር አቅጣጫ ተሰጥቷል።
የኤልኒኖ ሰጋትን የሚቀንሱ ልዩ ልዩ የማካካሻ የግብርና ስራዎችን ከማጠናከር እና የአፈር ማዳበሪያን ገንዘብን በወቅቱ ከመመለስ አንፃር ተጨማሪ ሥራዎች እንዲሠሩ ተብሏል።

የከተማ እና የገጠር ኮሪደር ልማት ተግባራት ተጠናክረዉ እንዲቀጥሉ አቅጣጫ የተቀመጠ ሲሆን የዋጋ ንረትን ከመቀነስ እና የኑሮ ዉድነትን ከማረጋጋት አኳያ ሁሉም የመፍትሔ አማራጮች እንዲጠናከሩ ማሳሰቢያ ተሰጥቷል።

ከ'መሶብ' የአንድ ማዕከል አገልግሎት አንፃር ፣ በየማዕከላቱ የሚሠጡ አገልግሎቶችን ከማጠናከር፣ እና የአገልግሎት ዓይነቶችንም ከማስፋት ባሻገር ፣ አዳዲስ የአገልግሎት ማዕከላትን የማደራጀቱ ተግባር ተጠናክሮ እንዲቀጥል አቅጣጫ ተቀምጧል።

ከኮደርስ ስልጠና እና ከፋይዳ መታወቂያ ምዝገባ አኳያ አፈጻጸማቸዉን ለማሻሻል ተጫማሪ ስልቶች እንዲፈለጉ እና ተጨማሪ ጥረቶች እንዲደረጉ አቅጣጫ ተቀምጧል ።

በመድረኩ፣ የሚመለከታቸው የክልሉ ካብኔ አባላት፣ የዞኖች እና ልዩ ወረዳዎች ዋና አስተዳዳሪዎች እና ሌሎችም አመራሮች ተሳትፈዋል ።

Address

Ensseno
Butajira

Telephone

+251924705963

Website

Alerts

Be the first to know and let us send you an email when በማዕከላዊ ኢትዮጵያ ክልል መንግስት በምስራቅ ጉራጌ ዞን የምስራቅ መስቃን ወረዳ መንግስት ኮሙኒኬሸን ጉዳዮች ፅ/ቤት posts news and promotions. Your email address will not be used for any other purpose, and you can unsubscribe at any time.

Contact The Business

Send a message to በማዕከላዊ ኢትዮጵያ ክልል መንግስት በምስራቅ ጉራጌ ዞን የምስራቅ መስቃን ወረዳ መንግስት ኮሙኒኬሸን ጉዳዮች ፅ/ቤት:

Shortcuts

Share

Category