Mana Marii Dhimmoota Islaamumma A/Kombolcha

27/05/2026

26/05/2026

26/05/2026

🔪Udhiyyaa 🐐
​Udhiyyaa jechuun guyyaa Eydal-Adhaa (Ayyaana Qalmaa) fi guyyoota sadii itti aanan (Ayyaamut-Tashriiqqii) keessa, gara dhiheenya Rabbii barbaaduufi Isa qofaaf bitamuuf jedhanii malkaa (horii) qaluudha.

​Qabxiilee armaan gadii waa'ee Udhiyyaa irratti beekamuun barbaachisoodha:

​🐐 Hukmii Udhiyyaa
​Hayyoota Islamaa (Ulamaa) baay'ee biratti nama dandeettii qabu hundaaf Sunnah Mu'akkadah (sunnaa jajjabeeffame) yoo ta'u, hayyoonni tokko tokko immoo Waajiba (dirqama) jedhu.

​🐐 Horii Qalamuuf Ta'u
​Horii mana keessatti gabbifaman kan akka: Gaala, Loon (Sa'a/Korma), Re'ee fi Hoolaadha. Horiin qalamu kun hir'ina ijaan mul'atu (kan akka jaamummaa, dhukkuba jabaa, madaa/miidhaa qaamaa fi baay'ee huqqachuu) irraa qulqulluu ta'uun dirqama.

​🐐 Yeroo Qalmaa
​Yeroon isaa erga Salaanni Eydaa dhumateen booda jalqabee, guyyoota sadii Eydaan lallaban (Ayyaamut-Tashriiqqii) dabalatee hanga aduun seentutti dha. Namni salaata Eydaa dura qale, akka foon lafeetti ilaalama malee akka Udhiyyaatti hin lakkaa'amu.

​🐐 Sirna Foon Hihiruu
​Akkaataan hiransa foonii kan caalu fi jaallatamaan: foon sun bakka sadiitti hiramee, harka sadii keessaa harki tokko (1/3) maatiif, harki tokko (1/3) ollaa fi firoottaniif kennaa (hadiyyaa) godhanii, harki tokko (1/3) immoo hiyyeeyyii fi miskiinootaaf sadaqaa kennuudha.

26/05/2026

Mana Marii Dhimmoota Islaamummaa Aanaa Kombolchaatti itti gaafatamaan Ta’alimii fi Tarbiyaa kan tahan kabajamoo Ustaz ayyaana Iid Al-Adhaa hijraa 1447ffaan isin gahe jechuun ergaa baga gessaanii ummata Musliimaa hundaaf dabarsan.

26/05/2026

I/A Mana Marii Dhimmoota Islaamummaa Aanaa Kombolchaa kan tahan kabajamoo Sheekh Baga Ayyaana Iid Al-Adhaa 1447ffaan isin gahe jechuun Rabbiin warra baranaa kan bara hedduu nahaa godhu jechuun ergaa baga gessaanii ummata Musliimaa hundaaf dabarsan.

26/05/2026

Godina Harargee Bahaa Aanaa Kombolchaatti Bulchiinsi Aanaa Kombolchaa fi Manni Marii Dhimmoota Islaamummaa Aanaa Kombolchaa waliin ta’uun qophiin ayyaana Iid Al-Adhaa fi Dirree saalata Iidaa guutuu aaniichaatti qindoomina dargaggootaafi qaama nageenyaa, akkasumas Mana Marii Dhimmoota Islaamummaa Aanaa Kombolchaa fi Bulchiinsa Aaniicha waliin taasifameera Shakkiin tokko malee hawaasni Muslimaa nagaa,, tokkummaa fi naamusa isaanii eeggatanii salaata isaanii nagayaan akka salaatanii galan Insha Allah qophiin barbaachisu hundi xumurameera jira jechuun Dura Bu’aan Mana Marii Dhimmoota Islaamummaa Aanaa Kombolchaa kabajamoo Ustaaz Riyad Abdallaah ibsaniiru.

Itti dabaluunis Bulchaan Bulchiinsa Aanaa Kombolchaa kabajamoo Obbo fi Dura Bu’aan Mana Marii Dhimmoota Islaamummaa Aanaa Kombolchaa kabajamoo Ustaz Riyad Abdaallah ummata Muslimaa guutuu addunyaa irratti argamu, akkasumas Muslimoota Itoophiyaa keessaa fi alaa jiran hundaan, “Baga Ayyaana kanaan isin gahe” jechuun ergaa isaanii dabarsun Ummanni Muslimaa ayyaana kana keessatti wal gargaaruun, wal cinaa dhaabbachuun, rahmataa fi jaalala walitti agarsiisuun, akkasumas namoota dadhaboo, ijoollee haadhaa fi abbaa hin qabne, dhukkubsattootaa fi rakkattoota gaafachuu fi gargaaruun ayyaanni kun kan jaalala, gammachuu fi tokkummaa isiniif haa ta’u jechuun ergaa isaanii keessatti dhaamaniiru.

Gabaasni komnikeeshiinii Mana Marii Dhimmoota Islaamumma A/Kombolcha ✍️

25/05/2026

Dura Bu'aa Kaawunsilii Dargaggoota Musliimaa Aanaa Kombolchaa kan tahan Ayyaana Iid Al-Adhaa (Arafaa) bara 1447ffaa ilaalchisee ergaa bagaa gessaanii dabaranii jiru.
Caamsaa 17/2018 A.L.I | Zulhijjaa 8/1447 A.H
بِسْمِ ٱللَّهِ ٱلرَّحْمَٰنِ ٱلرَّحِيمِ

Ayyaana Iid Al-Adhaa (Arafaa) bara 1447ffaa wanti addaa isaa taasiisu yeroo biyyi teenyaa karaa dimookiratawaan filannoo biyyaalessaa marsaa 7ffaa gaggeessuuf guyyoonni muraasni hafanitti tahuusaati jechuun Dargaggoonni Musliimaa humna guddaa biyyaa keenyaati waan taheef dirqama amantii fi biyya isaa sirnaan bahachuu qaba jechuun dargaggoonni Musliimaa qophii dirree saalata guutuu aaniicha irraatti guyyaa boruu akka xumuraanii guyya iidaa immoo qamoota nageenya waliin tokkomuun namuusaan eeguumsa akka tasiisaan jechuun D/Bu'aan Kaawunsilii Dargaggoota Muslimaa Aanaa Kombolchaa ergaa dabarsaniiru.

Itti dabaluunis Kaawunsilii Dargaggoota Muslimaa Aanaa Kombolchaa bakka bu'uun hawaasa maraaf dhaamsaa dabarsaniin ayyaana kana yeroo kabajnu rakkaata gargaruun ,nagaa, jaalala, obbolummaa fi naamusa gaariin akka dabarsinu, wantoota nagaa jeequu danda’an tokkummaan akka dura dhaabbannu ayyaanni iidaa arafaa bara kanaa ayyaana gaarii kan jaalalaa kan tokkummaa ummataa keenya cimsu ta’uun akka xumurru dargaggoota fi hawaasni Muslimaa hundi gahee keenyaa haa baanu jechuun waamicha godhanii jiru.

25/05/2026

D/Bu'aan Mana Marii Dhimmoota Islaamummaa Aanaa Kombolchaa Ayyaana Iid Al-Adhaa (Arafaa) bara 1447ffaa ilaalchisee har’a ergaa bagaa gessaanii dabaranii jiru.

Caamsaa 17/2018 A.L.I | Zulhijjaa 8/1447 A.H
بِسْمِ ٱللَّهِ ٱلرَّحْمَٰنِ ٱلرَّحِيمِ
••••••••••••••••••••••••Kombolcha

D/Bu'aan mana Marii Dhimmoota Islaamumma Aanaa Kombolchaa kan tahan kabajamoo Ustaz Riyad Abdaallah Ummanni Muslimaa guutuu Idil-addunyaatifi Muslimoonni Itoophiyaa biyyaa keessaa fi alaa jiran hundaan Baga Ayyaana kanaan isin gahe” jechuun ayyaanni kan jaalala kan gammachuu kan tokkummaa nuuf haa tahu jechuun ergaa baga gessaanii dabarsaniiru.

ummanni Muslimaa ayyaana kana wal gargaaruufi wal cinaa dhaabbachuun Rahiima maxxaanfachuun akkasumas Namoota dadhaboo, ijoollee haadhaafi abbaa hin qabne dhukkubsattoota gaafachuu fi gargaaruun ayyaana kana kabajuu qabna kan jedhan Ustaz Riyad Abdaallah

Itti dabaluunis Amaantiin Islaamni amantii nageenyaa fi haqaa akkasumas walqixxummaati jechuun ummanni Muslimaa jijjiirama biyya, Misooma fi nageenyaf dursa kanuun irraatti hojjaachufi Du'aa'ii godhuun barbaachiisa tahuu yadachiisuun ayyaanni bara kanaas wanti addaa isaa taasiisu yeroo biyyi teenyaa karaa dimookiratawaan filannoo biyyaalessaa marsaa 7ffaa gaggeessuuf guyyoonni muraasni hafanitti tahuusaati ummanni Muslimaas dammaqinaan akka hirmaatani fi filannoon kun nageenyaan akka xumuramuf ummanni Muslimaa hundi gahee isaa akka bahatus waamicha dhiheessaniiru.

Gaabsni komnikeeshiinii Mana Marii Dhimmoota Islaamumma A/Kombolcha ✍️

24/05/2026

Prizdaantiin Mana Maree Dhimmoota Islaamummaa Itiyophiyaa Dr. Shekh Hajjii Ibrahim Tufaa iddoo hara galfii hujjaajotaa daaw'atan.

Zul-Hijjaah 7/1447 Pireesdaantiin mana maree waliigalaa dhimmoota islaamummaa Itoophiyaa Dr kabajaa Sheek Hajjii Ibraahim Tufaa iddoo hara galfii hujjaajotaa Miinaatti argamuun daaw'atan.

Kaayyoon daaw'ii isaaniis naannawa sanatti wantoonni keessummoota Al-rahmaaniif barbaachisan guutamuu isaa yoo ta'u adeemsa gara fuul-duraatiifis kallattii kaahuufi jedhameera.

Dr kabajaa Sheek Hajjii Ibraahim Tufaa gama isaaniitiin mana maree waliigalaa dhimmoota islaamummaa Itoophiyaatti itti gaafatamtoonni damee hajjii fi umraa Dunkaana qulqullina ol'aanaa qabu dhiheessuu isaatiif galateeffataniiru.

23/05/2026

"Waa Shan waa Shaniin duratti saammadhu. Dardarummaa tee dulluma teetiin duratti, fayyaa tee dhukkuba keetiin duratti, durummaa tee hiyyuma teetiin duratti, boqonnaa tee heewasama keetiin duratti, jireenya kee du'a keetiin duratti (saammadhu)."
Nabi Muhammadﷺ
[Sahiih a-tTarghiib 3355]

• Dardarummaa, fayyaa, durummaa, boqonnaa, walumaa galatti jireenya kee waan bu’aa hin qabneen hin dabarsinu.

*اغْتَنِمْ خَمْسًا قبلَ خَمْسٍ : شَبابَكَ قبلَ هِرَمِكَ ، وصِحَّتَكَ قبلَ سَقَمِكَ ، وغِناكَ قبلَ فَقْرِكَ ، وفَرَاغَكَ قبلَ شُغْلِكَ ، وحَياتَكَ قبلَ مَوْتِكَ .*
الراوي : عبدالله بن عباس.